Rusiyanın nəqliyyat naziri Azərbaycana gəlir

Rusiyanın nəqliyyat naziri İqor Levitinin rəhbərlik etdiyi nümayəndə heyəti bu gün Azərbaycana gələcək. Azərbaycan Nəqliyyat Nazirliyindən “APA-Economics”ə verilən məlumata görə, səfərin məqsədi bu gün Bakıda keçiriləcək Xəzəryanı ölkələrin nəqliyyat nazirləri konfransında iştirak etməkdir.
Səfər çərçivəsində Azərbaycan və Rusiya nəqliyyat nazirləri arasında ikitərəfli görüşün keçirilməsi planlaşdırılır. Görüşdə ölkələr arasında nəqliyyat sektorunda əməkdaşlığın perspektivləri, multimodal daşımaçılıq, habelə nəqliyyat sektorunda qarşıya çıxan problemlər müzakirə ediləcək.