Avropa Çempionatına 23 güləşçimiz qatılacaq

Azərbaycan güləş yığması səfərə hazırlaşır. Güləş Federasiyasının İnformasiya və İctimaiyyətlə Əlaqələr Departamentindən qəzetimizə verilən məlumata görə, idmançılarımız iyulun 21-26-da Serbiyanın Zrenyanin şəhərində yeniyetmələr arasında keçiriləcək Avropa birinciliyinə qatılacaqlar. Artıq milli komandanın heyəti də məlumdur. Sərbəst güləş yığmasında Mircəlal Həsənzadə, Çingiz Qaxacov, Fərrux Ələkbərov, Toğrul Əsgərov, Nurlan Hacıyev, Firudin İsmayılov, Kazım Abbasov, Orxan Şərifov, Elcan Usubzadə və Əli Maqomedabirov mübarizə aparacaq. Yunan-roma güləşi üzrə milli komandamızın heyətində isə Elman Muxtarov, Emin Novruzov, Eldəniz Əzizli, Tahir Niftalıyev, Hüseynqulu Gülümcanov, Məmmədqulu Müzəffərov, Toğrul Yunuslu, Fuad Əliyev və Süleyman Babayev yer alıb.