YAP Xaçmaz rayon təşkilatında hesabat yığıncağı keçirilib

Bakı:

29 °C

51 %

6 m/s

Əlaqə

AZ RU EN

Ana səhifə / Arxiv / YAP Xaçmaz rayon təşkilatında hesabat yığıncağı keçirilib

YAP Xaçmaz rayon təşkilatında hesabat yığıncağı keçirilib

14.07.2026 [22:14]

Yeni Azərbaycan Partiyası (YAP) Xaçmaz rayon təşkilatı 14 iyul 2026-cı il tarixində ərazi partiya təşkilatları sədrlərinin iştirakı ilə geniş tərkibli yığıncaq keçirib.

Tədbirdə öncə xalqımızın Ümummilli Lideri Heydər Əliyevin və Azərbaycanın ərazi bütövlüyü, suverenliyi uğrunda canlarından keçmiş müqəddəs şəhidlərimizin əziz xatirəsi bir dəqiqəlik sükutla ehtiramla yad edilib.

Yığıncağı giriş sözü ilə açan YAP Xaçmaz rayon təşkilatının sədri Emil Tağıyev xalqımızın çoxəsrlik tarixinə silinməz izlərlə həkk olunmuş 14 iyul 1969-cu il tarixinin Azərbaycanın intibah və dönüş nöqtəsi olduğunu xüsusi vurğulayıb. Sədr qeyd edib ki, Ulu Öndər Heydər Əliyevin birinci dəfə hakimiyyətə gəlişi ilə ölkəmiz sosial-iqtisadi, mədəni və siyasi inkişafın keyfiyyətcə tamamilə yeni mərhələsinə qədəm qoyub. Emil Tağıyev Dahi Rəhbərin rəhbərliyi dövründə milli təhsilin, mədəniyyətin və səhiyyənin inkişafı istiqamətində həyata keçirilən fundamental islahatlardan bəhs edib, azərbaycanlı gənclərin Sovetlər Birliyinin ən nüfuzlu ali təhsil ocaqlarına göndərilməsinin, eləcə də gələcək milli hərbi kadr potensialımızın formalaşmasında müstəsna rol oynamış Cəmşid Naxçıvanski adına hərbi məktəbin təsis edilməsinin tarixi əhəmiyyətinə toxunub. Sədr bu uzaqgörən strategiyanın bu gün qürur duyduğumuz qüdrətli Azərbaycan dövlətinin, o cümlədən tarixi Zəfərimizin sarsılmaz təməllərini qoyduğunu diqqətə çatdırıb.

Daha sonra YAP Xaçmaz rayon təşkilatı aparatının məsləhətçisi Fazil Rəhmətov partiya təşkilatının cari ilin birinci yarımilliyi üzrə fəaliyyətinə dair hesabat məruzəsi ilə çıxış edib. Fazil Rəhmətov 2026-cı ilin ilk altı ayı ərzində görülmüş işlər, həyata keçirilən layihələr və partiya fəallarının ictimai-siyasi proseslərdəki rolu barədə geniş və statistik məlumatları yığıncaq iştirakçılarının diqqətinə çatdırıb.

Gündəlikdəki məsələlər ətrafında keçirilən müzakirələrdə YAP Xaçmaz rayon təşkilatının partiya veteranı Abasyar Heydərov, Heydər Əliyev Mərkəzinin direktoru, Mədəniyyət şöbəsi ərazi partiya təşkilatının sədri Könül Əskərova və Susayqışlaq ərazi partiya təşkilatının sədri Amil Rəhimov çıxış ediblər. Çıxış edənlər Ulu Öndər Heydər Əliyevin titanik fəaliyyətinin müxtəlif aspektlərinə toxunaraq, onun rəhbərliyi dövründə ölkədə milli-mənəvi dəyərlərin qorunması, dövlətçilik institutlarının gücləndirilməsi və Azərbaycanın dinamik tərəqqisi naminə atılan tarixi addımların əhəmiyyətini önə çəkiblər.

Yığıncağın yekununda YAP Xaçmaz rayon təşkilatının sədri Emil Tağıyev cari ilin ikinci yarısı üçün nəzərdə tutulmuş iş və tədbirlər planının prioritetlərini diqqətə çatdırıb. Sədr, YAP Mərkəzi Aparatının tapşırıq və tövsiyələrinə uyğun olaraq, qarşıya qoyulmuş strateji hədəflərə vaxtında və keyfiyyətlə nail olmaq üçün ərazi partiya təşkilatları sədrlərinin ideoloji və təşkilati işlərdə fəallığı daha da artırmalarının, habelə yerlərdə müvafiq kütləvi-siyasi tədbirlərin intensivləşdirilməsinin vacibliyini qeyd edərək onlara öz tövsiyələrini verib.

Paylaş:

Baxılıb: 274 dəfə