Ölkəmizin Mərkəzi Asiya ilə əməkdaşlığı daha da möhkəmlənir

Bakı:

25 °C

69 %

5 m/s

Əlaqə

AZ RU EN

Ana səhifə / Arxiv / Ölkəmizin Mərkəzi Asiya ilə əməkdaşlığı daha da möhkəmlənir

Ölkəmizin Mərkəzi Asiya ilə əməkdaşlığı daha da möhkəmlənir

03.08.2026 [17:49]

Məlumdur ki, ölkəmizin xarici siyasətinin mühüm istiqamətlərindən biri Mərkəzi Asiya dövlətləri və Türk dünyası ilə əməkdaşlığın inkişafıdır. Yeri gəlmişkən, ortaq tarixi köklər, dil və mədəni bağlılıq, eləcə də müasir geosiyasi reallıqlar bu əlaqələrin strateji xarakterini daha da gücləndirir. Son illərdə Azərbaycanın həyata keçirdiyi məqsədyönlü xarici siyasət nəticəsində Mərkəzi Asiya ölkələri ilə siyasi dialoq, iqtisadi tərəfdaşlıq, nəqliyyat-logistika sahəsində əməkdaşlıq və humanitar münasibətlər dinamik inkişaf mərhələsinə qədəm qoyub. Türk dünyasında qarşılıqlı etimada və ortaq maraqlara əsaslanan münasibətlər Azərbaycanın beynəlxalq mövqeyinin möhkəmlənməsində mühüm rol oynayır.

Xüsusilə qeyd edək ki, Prezident İlham Əliyevin Qırğız Respublikasına dövlət səfəri də məhz bu strateji siyasi kursun mühüm tərkib hissəsidir. Dövlət səfəri Azərbaycan ilə Qırğızıstan arasında mövcud olan qardaşlıq münasibətlərinin daha da möhkəmlənməsinə, Mərkəzi Asiya ölkələri ilə çoxtərəfli əməkdaşlığın genişləndirilməsinə və Türk dünyasında inteqrasiya proseslərinin sürətlənməsinə yeni imkanlar açır. Azərbaycan və Qırğızıstan xalqlarını ortaq tarix, mənəvi dəyərlər və qarşılıqlı hörmət birləşdirir. Dövlətlərarası münasibətlər isə yüksək səviyyəli siyasi dialoq və strateji tərəfdaşlıq prinsipləri üzərində inkişaf edir. Son illərdə həyata keçirilən qarşılıqlı səfərlər və birgə təşəbbüslər iki qardaş ölkə arasında əməkdaşlığın yeni məzmun qazanmasına şərait yaradıb. Prezident İlham Əliyevin Qırğız Respublikasının ali dövlət mükafatı olan “Manas” ordeni ilə təltif olunması xüsusi siyasi məna daşıyır. Bu ali mükafat Prezident İlham Əliyevin Türk dünyasının inkişafına verdiyi töhfələrin, qardaş xalqlar arasında münasibətlərin möhkəmləndirilməsi istiqamətində həyata keçirdiyi fəaliyyətin və Azərbaycanın beynəlxalq nüfuzunun yüksək qiymətləndirilməsinin ifadəsidir. Eyni zamanda bu təltif Azərbaycan xalqına göstərilən dərin hörmət və ehtiramın rəmzi kimi böyük əhəmiyyət kəsb edir.

Qeyd etmək lazımdır ki, ölkəmizin Mərkəzi Asiya ölkələri ilə əlaqələri regionun geosiyasi və iqtisadi inkişafında mühüm amillərdən birinə çevrilib. Xəzər hövzəsinin strateji əhəmiyyəti, Orta Dəhliz layihəsinin inkişafı və yeni iqtisadi əməkdaşlıq imkanları Azərbaycanı regionun etibarlı tərəfdaşı kimi ön plana çıxarıb. Mərkəzi Asiya Dövlət Başçılarının Məşvərət Görüşündə Prezident İlham Əliyevin iştirakı Azərbaycanın regional əməkdaşlığa verdiyi böyük önəmin göstəricisidir. Bu platforma dövlətlər arasında siyasi dialoqun dərinləşdirilməsi, iqtisadi inteqrasiyanın gücləndirilməsi və ortaq maraqlara xidmət edən təşəbbüslərin reallaşdırılması baxımından mühüm əhəmiyyət daşıyır. Azərbaycanın Mərkəzi Asiya istiqamətində həyata keçirdiyi siyasət ölkəmizin regional nüfuzunu daha da gücləndirir. Prezident İlham Əliyevin Qırğız Respublikasına dövlət səfəri və ali dövlət mükafatı ilə təltif olunması Azərbaycanın Türk dünyasında qazandığı yüksək siyasi etimadın və strateji əhəmiyyətinin parlaq təzahürüdür. Bu səfər qardaş xalqlar arasında münasibətlərin inkişafına, regional əməkdaşlığın genişlənməsinə və Türk dünyasının birliyinin daha da möhkəmlənməsinə mühüm töhfə verəcək.

Ən əsası, Prezident İlham Əliyevin Qırğız Respublikasına dövlət səfəri Azərbaycanın Mərkəzi Asiya və Türk dünyası ilə münasibətlərində mühüm siyasi hadisə kimi yadda qaldı. Bu səfər yüksək dövlət mükafatı ilə təltif olunması, qardaş ölkələr arasında strateji əməkdaşlığın daha da möhkəmlənməsi, Mərkəzi Asiya Dövlət Başçılarının Məşvərət Görüşündə Azərbaycanın artan rolunun nümayiş etdirilməsi və Türk dünyasında birlik və həmrəyliyə verilən töhfələrlə əlamətdar oldu. Səfər bir daha göstərdi ki, Azərbaycan Prezident İlham Əliyevin rəhbərliyi ilə regionun siyasi və iqtisadi gündəminin formalaşmasında mühüm söz sahibi olan, qardaş dövlətlərlə münasibətlərini ortaq maraqlar və qarşılıqlı etimad əsasında inkişaf etdirən nüfuzlu ölkələrdən biridir.

Vilayət Musayev,
YAP Göygöl rayon təşkilatı üzrə Göygöl Rayon Mərkəzi Xəstəxanası PHŞ ərazi partiya təşkilatının sədr müavini

Paylaş:

Baxılıb: 203 dəfə