Heydər Əliyev
yeni azerbaycan logo

Ana səhifə / Radikal düşərgə Cəmil Həsənovu “persona non-qrata” elan edib

Radikal düşərgə Cəmil Həsənovu “persona non-qrata” elan edib

27.05.2014 [09:03]

Nurlan Qələndərli

Bu, dublyorun radikal düşərgədən tamamilə ixrac olunması niyyətinə xidmət edir
Azərbaycan siyasi palitrasında autsayder kimi çıxış edən radikal müxalifət nümayəndələrinin Fransa prezidenti Fransua Ollandla görüşündə qondarma “Milli şura”nın sədri, dublyor Cəmil Həsənovun iştirak etməməsi dağıdıcı düşərgədə yeni mübahisələrə yol açıb. Ötən ilin oktyabr ayında keçirilmiş prezident seçkiləri öncəsi radikal müxalifət kuluarlarında xüsusi “nüfuza mindirilən” Cəmil Həsənovun indi siyasi autsayderə çevrilməsi təbiidir. Çünki seçkilər dönəmində bəzi xarici dairələrdən qrant almaq naminə səfərbər olunmuş radikal düşərgəyə qondarma qurum və dublyor namizəd lazım idi ki, bu məsələ də qərəzli dairələrin sifarişi ilə həll olundu: siyasi autsayderlər “Milli şura” adlananan yararsızlar klubunda “birləşərək” Rüstəm İbrahimbəyovdan sonra Cəmil Həsənovun timsalında özlərinə yeni dublyor “lider” (namizəd) tapa bildilər. Amma dublyorluq missiyası verilmiş Cəmil Həsənovdan siyasətçi obrazı yaratmaq cəhdləri elə ilk gündən iflasa uğradı. “Tarixçi-alim” “ehtiyat vahid namizəd” statusunda ilk dəqiqələrdə verdiyi açıqlamalarla siyasətçi olmadığını, siyasi yetkinlikdən yoxsul olduğunu nümayiş etdirdi. Bir sözlə, C.Həsənov öz missiyası çərçivəsində yaxşı dublyor da ola bilmədi və anti-Azərbaycan dairələrin “Milli şura”nın timsalında həyata keçirdiyi dublyor taktikasının, bütövlükdə, tamaşa ssenarisinin iflası gerçəkləşdi. Bu isə radikal düşərgə və anti-Azərbaycan dairələr üçün əsl soyuq duş və bumeranq effekti oldu.
Beləliklə, seçki bitdi və “Milli şura”nın missiyası sona çatdı. Belə olan təqdirdə, daha dublyora da ehtiyac qalmaması gerçəkliyi üzə çıxdı. Dublyorun Fransua Ollandla görüşə gəlməməsi belə bir reallığı aşkar etdi ki, bir müddət öncə öz mətbuat orqanında Cəmil Həsənovu xüsusi təbliğ edən AXCP sədri Əli Kərimli daha bu şəxsdən imtina edib və onun siyasi autsayderə çevrilməsi tərəfdarı kimi çıxış edir. Çünki məlumata görə, Cəmil Həsənovun F.Ollandla görüşdə iştirak etməsinin qarşısı məhz AXCP sədri tərəfindən alınıb. Bu, bir tərəfdən, Əli Kərimlinin radikal düşərgədə monopoliya yaratmaq niyyəti ilə bağlıdırsa, digər tərəfdən, həm qondarma “Milli şura”nın, həm də dublyor C.Həsənovun düşərgədən ixrac olunması niyyətinə xidmət edir. Zatən AXCP ilə yanaşı, radikal düşərgənin digər nümayəndələri də C.Həsənovdan çoxdan imtina ediblər.
C.Həsənov isə hazırda bütövlükdə radikal düşərgə tərəfindən “persona non-qrata” elan edilməsi faktı ilə qarşı-qarşıyadır. Bu, qeyd etdiyimiz kimi, onun gözlənilən taleyi idi. Çünki digər qurumlar kimi “Milli şura”nın da iflası labüd idi və belə olan halda, sadəcə dublyor fiqur kimi seçilmiş Cəmil Həsənov daha yeni çıxdığı siyasi səhnədən enməli idi. Ümumiyyətlə, müxtəlif dönəmlərdə ayrı-ayrı qondarma qurumlar daxilində “birləşdikləri”ni iddia edən, lakin daim qarşıdurma halında olan radikal müxalifət düşərgəsi hər zaman ənənəvi ssenari ilə üzləşib. Əsasən seçkilər dönəmində “fəallıq” görüntüsü yaradan, ictimai-siyasi proseslərdə “aktiv” təmsil olunmağa çalışan radikallar anti-Azərbaycan dairələrin tapşırıq və direktivlərini icra etməklə yanaşı, hər zaman öz aralarında korporativ mənafe savaşı aparıblar. Bu isə “müttəfiq” olduqlarını və ortaq məxrəcdə “birləşdikləri”ni iddia edən dağıdıcı düşərgə təmsilçilərinin, əslində, “mehriban düşmən” mövqeyində olduqlarını göstərib. Məhz bəhs etdiyimiz proseslərin fonunda dağıdıcı düşərgədəki tərəflər bu gün də öz dominantlıqlarını nümayiş etdirməyə çalışırlar. Cəmil Həsənovun dublyorluq missiyasına son verilməsi faktı da bunun göstəricisidir. Bir sözlə, sadalanan hadisələr kontekstində dublyor C.Həsənov hazırda sadəcə keçmiş fiqur obrazını xatırladır.

Paylaş:
Baxılıb: 1256 dəfə

Müəllifin digər məqalələri:

Yalanlar seriyası, yaxud Əli Kərimlinin növbəti manipulyasiya cəhdi

Vaxtilə özünü “siyasi...

20.03.2021 [08:57]

Xaossevərin “siyasət” anlayışı

Siyasətin tərifi çoxdur. Bəziləri...

13.03.2021 [10:00]

“Virtual müxalifət”in “onlayn siyasi teatr tamaşası”

Azərbaycan Dağlıq Qarabağ...

19.02.2021 [09:30]

Qalib Azərbaycanın yaratdığı geostrateji reallıqlar...

Yaxud qələbənin əhəmiyyətini...

13.01.2021 [09:44]

Terror dövlətində orduya könüllülərin cəlb olunması nəyin ifadəsidir?

Adı işğalçı siyasət və...

01.09.2020 [08:50]

Xəbər lenti

Hamısına bax

Xəbər lenti

Ədəbiyyat

Analitik

Siyasət

Xəbər lenti

Xəbər lenti

Sosial

Bayram sonrası....

28 Mart 11:23

Analitik

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31