AZƏRTAC ilə Anadolu Agentliyinin əməkdaşlığı müasir dövrün çağırışları əsasında inkişaf edir

Bakı:

31 °C

48 %

14 m/s

Əlaqə

AZ RU EN

Ana səhifə / Siyasət / AZƏRTAC ilə Anadolu Agentliyinin əməkdaşlığı müasir dövrün çağırışları əsasında inkişaf edir

AZƏRTAC ilə Anadolu Agentliyinin əməkdaşlığı müasir dövrün çağırışları əsasında inkişaf edir

11.12.2015 [10:19]

AZƏRTAC ilə Anadolu Agentliyinin əməkdaşlığı yeni dövrün çağırışları nəzərə alınmaqla inkişaf edir və hər iki qurum beynəlxalq media alyansları çərçivəsində bir-birini fəal dəstəkləyir.
Bu fikirlər dekabrın 10-da Türkiyənin Anadolu Agentliyinin marketinq və biznesin inkişafı departamentinin direktoru Nedim Kayanın başçılıq etdiyi nümayəndə heyəti ilə Azərbaycan Dövlət İnformasiya Agentliyində (AZƏRTAC-da) keçirilən görüşdə səsləndirilib.
AZƏRTAC-ın Baş direktoru Aslan Aslanov türkiyəli həmkarlarına son vaxtlar agentlikdə aparılan islahatlar, beynəlxalq əlaqələrin genişləndirilməsi, müasir dövrün çağırışları fonunda görülən işlər barədə ətraflı məlumat verib. Azərbaycanın dövlət müstəqilliyinin bərpasından sonra AZƏRTAC ilə Anadolu Agentliyi arasında əlaqələrin yüksələn xətlə inkişafından məmnunluğunu ifadə edib.
Söhbət zamanı, müasir dövrdə sürətlə inkişaf edən sosial media ilə kəskin rəqabətə davam gətirmək, oxucu auditoriyasını itirməmək üçün ən müasir və innovativ informasiya texnologiyalarından istifadə etməklə yanaşı, bu sahədə əməkdaşlığın dərinləşdirilməsinin, birgə layihələrin həyata keçirilməsinin, təcrübə mübadiləsinin genişləndirilməsinin mühüm əhəmiyyət daşıdığı vurğulanıb. AZƏRTAC və Anadolu Agentliyi də məhz bu prinsipləri nəzərə alaraq əməkdaşlığı müasir dövrün çağırışlarına uyğunlaşdırırlar.
Görüşdə Dünya Xəbər Agentliklərinin V Konqresinin, Asiya və Sakit Okean Ölkələri Xəbər Agentlikləri Təşkilatının XVI Baş Assambleyasının (OANA) 2016-cı ildə AZƏRTAC-ın ev sahibliyi ilə keçirilməsi barədə qərarların qəbul edilməsinə Anadolu Agentliyinin verdiyi dəstək minnətdarlıq hissi ilə xatırlanıb.
Nümayəndə heyətinin rəhbəri Nedim Kaya AZƏRTAC-ın son illərdə sürətli inkişafından xəbərdar olduqlarını və qazandığı uğurlardan məmnunluqlarını diqqətə çatdırıb. O qeyd edib ki, Dünya Xəbər Agentliklərinin V Konqresinə, OANA-nın XVI Baş Assambleyasına AZƏRTAC-ın ev sahibliyi etməsi barədə qərarlar agentliyin son illərdə sürətli inkişafının, geniş beynəlxalq əlaqələrinin və artan nüfuzunun göstəricisidir. N.Kaya sosial media ilə rəqabət mühitində innovativ informasiya texnologiyalarının tətbiqinin, bu sahədə Anadolu Agentliyi ilə AZƏRTAC arasında əməkdaşlığın vacibliyini vurğulayıb.
Söhbət zamanı hər iki xəbər agentliyi arasında müxtəlif istiqamətlərdə, xüsusən texniki sahədə əməkdaşlığın genişləndirilməsi imkanları ilə bağlı fikir mübadiləsi aparılıb.

Paylaş:

Baxılıb: 704 dəfə