Heydər Əliyev
yeni azerbaycan logo

Ana səhifə / Siyasət / Özbəkistan azad edilmiş ərazilərdə məktəb tikməyi planlaşdırır

Özbəkistan azad edilmiş ərazilərdə məktəb tikməyi planlaşdırır

16.10.2021 [16:24]

Özbəkistan Azərbaycanın azad edilmiş ərazilərinin bərpasında iştirak etmək niyyətindədir.

yeniazerbaycan.com-un məlumatına görə, bunu Özbəkistanın Azərbaycandakı səfiri Baxrom Əşrəfxanov Region plus-a müsahibəsində bildirib.

"Mənə dəfələrlə azad edilmiş ərazilərə səfər etmək nəsib olub və sözün düzü, orada gördüklərim çox ağır idi. Təəssüf ki, qədim tarix və mədəniyyət abidələri xarabalığa çevrilib", - deyə o qeyd edib. Səfir əmindir ki, yalnız yenidən yaratmaq deyil, həm də bu torpaqları çiçəklənən cənnətə çevirmək üçün ölkənin bütün resursları və imkanları var.

"Görülən səylərin parlaq və bariz nümunəsi Füzulidə aeroportun tikilməsi ola bilər", - deyə Əşrəfxanov qeyd edib.

Diplomat əlavə edib ki, Özbəkistan Azərbaycanın işğaldan azad olunmuş ərazilərinin bərpasına biganə qalmayacaq. "31 mart 2021-ci ildə Özbəkistan Prezidenti Şavkat Mirziyeyev Türk Şurasının qeyri - rəsmi videosammitində çıxış edərək ölkəmizin Azərbaycanın tarixi torpaqlarında yerləşən qədim abidələrin, məscidlərin, mədəni-maarif obyektlərinin bərpasında iştirak etməyə hazır olduğunu bildirdi", - deyən səfir əlavə edib ki, Özbəkistan bu ərazilərdə ümumtəhsil məktəbi tikmək niyyətindədir.

"Özbəkistan 10 noyabr 2020-ci ildə atəşkəs haqqında üçtərəfli bəyanatın imzalanmasını böyük məmnuniyyətlə qəbul etmişdir. Özbək xalqı çox sevinir ki, qardaş Azərbaycan suverenliyini və ərazi bütövlüyünü bərpa edib, Faktiki olaraq BMT Təhlükəsizlik Şurasının dörd məlum qətnaməsinin müddəalarını həyata keçirib", - deyə Əşrəfxanov qeyd edib.

 

Paylaş
Baxılıb: 142 dəfə

Xəbər lenti

Hamısına bax

Prezident bu gün

04 Dekabr 00:11

Prezident bu gün

03 Dekabr 09:59

ARXİV
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31