Heydər Əliyev
yeni azerbaycan logo

Ana səhifə / Siyasət / Qərb mətbuatı niyə narahatdır?

Qərb mətbuatı niyə narahatdır?

29.10.2021 [19:45]

Zəngəzur dəhlizinin vacibliyi və regiona verəcəyi müsbət siyasi-iqtisadi töhvə barədə Qərb mətbuatında ciddi yazılara rast gəlinmir. Xüsusilə erməni diasporasının təsiri altında fəaliyyət göstərən media qurumları Füzuli beynəlxlaq hava limanının açılması və onun əhəmiyyəti barədə informasiya xarakterli yazılar demək olar ki dərc etmirlər. Sanki qısqanclıqla qarşılanır. Halbuki həmin ermənipərəst qüvvələrə də çatıdırlmalıdır ki, Nikol Paşinyan 9 noyabr 2020-ci ildə imzalanan üçtərəfli bəyanatda kommunikasiyaların açılmasını nəzərdə tutulduğunu və Ermənistan bu fikri dəstəklədiyini bir neçə gün öncə parlamentdə çıxışı zamanı söyləmişdir. Ermənistan rəhbərliyi bəyanatın vacibliyini vurğulamasına baxmayaraq, əsasən ABŞ-da fəaliyyət göstərən lobbi təşkilatları bunun düzgün fikir olmadığını müxtəlif vasitələrlə çatdırırlar. Əslində Azərbaycan zəfər çaldığı 44 günlük müharibədə Ermənistan ordusunun güclü olmasi mifini darmadağın etməklə bərabər, həm də onların diasporasının 30 il ərzində cəmiyyətə sırıdığı yalan maşınını sındıra bildi. Nikol Paşinyan yaxşı anlayır ki, bundan sonra regionda Azərbaycan və Türkiyə ilə əməkdaşlıq etməsə, sosial-iqtisadi inkişafa nail ola bilməyəcək. Azərbaycan transmilli nəqliyyat layihələrinin vacib iştirakçısı, həm də investorlardan biridir. Və bu dünya dövlətlərinin strateji maraqlarına cavab verir. Belə olan halda yaxin 10 ildə əgər Ermənistan kommunikasiya və nəqliyyat işlərini qismən də olsa bərpa  edərsə, ölkənin iqtisadi göstəricilərinin artmasına gətirib çıxaracaq. Azərbaycana gəlincə isə dövlətimizin son 25 ildə artan xətt üzrə inkişaf etdiyi kimi, bundan sonra da öz çizdiyi xoşniyyətli strategiyasına sadiq qalaraq yoluna davam edəcək. 

Gülsel Səfərova

Siyasi analitik

Paylaş
Baxılıb: 133 dəfə

Xəbər lenti

Hamısına bax

Prezident bu gün

04 Dekabr 00:11

Prezident bu gün

03 Dekabr 09:59

ARXİV
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31