Heydər Əliyev
yeni azerbaycan logo

Ana səhifə / Siyasət / Türkiyə Prezidenti: Araz çayı boyunca dəmir və avtomobil yollarının çəkilməsi məsələsi həllini tapıb

Türkiyə Prezidenti: Araz çayı boyunca dəmir və avtomobil yollarının çəkilməsi məsələsi həllini tapıb

29.11.2021 [17:11]

Türkiyə Prezidenti Rəcəb Tayyib Ərdoğan Türkmənistan səfərindən qayıdarkən gündəmlə bağlı qiymətləndirmələr aparıb və təyyarədə jurnalistlərin suallarını cavablandırıb. yeniazerbaycan.com-un Türkiyənin “Anadolu” agentliyinə istinadən verdiyi xəbərə görə, Türkiyə Prezidenti Aşqabadda İran Prezidenti İbrahim Rəisi, Tacikistan Prezidenti İmaməli Rəhman, Pakistan Prezidenti Arif Alvi və Azərbaycan Prezidenti İlham Əliyevlə ikitərəfli görüşlər keçirdiklərini,  gündəmdə olan məsələləri səmimi şəkildə qiymətləndirmək fürsəti əldə etdiklərini bildirib.

Jurnalistlərin Türk Dövlətləri Təşkilatı ilə bağlı suallarını cavablanırarakən dövlət başçısı xatırladıb ki, Demokratiya və Azadlıqlar Adasında keçirilən Zirvədə Türk Şurasının adını dəyişərək Türk Dövlətləri Təşkilatına çevirdiklərini xatırladıb.

Bütün liderlərin Türk Dövlətləri Təşkilatına çox isti münasibət bəslədiyini bildirən Türkiyə Prezidenti digər mühüm açıqlamalar da verib: “Təbii ki, orada bundan narahat olanlar var idi. Amma Rusiyanın narahat olduğunu deyə bilmərəm. Çünki cümə günü İlham Əliyev qardaşımızın Rusiyada görüşü var idi. Paşinyan və cənab Putinlə görüş keçirdi. Qardaşım İlham Əliyevlə görüşümüzdə bu toplantı ilə bağlı dedi ki, görüş çox yaxşı və məhsuldar keçib. Bu görüş sayəsində dəmir yolu məsələsi və Araz çayı boyunca magistral yol tikintisi həll olundu. Atılacaq bu addımla birlikdə Azərbaycanın Ermənistan ərazisindən keçməklə İğdırla əlaqəsinin bərpasının digər tərəfdən həm quru, həm də dəmir yolu ilə insanların və yüklərin daşınmasında mühüm addım olacaq. Magistral yol məsələsi ilə, xüsusən də Naxçıvanla Azərbaycan arasında quru yolunun bərpası üçün çox uğurlu addım atılacaq”.

Türkiyə Prezidenti Rəcəb Tayyib Ərdoğan bundan qabaq “altılıq” platformasını gündəmə gətirdiklərini də xatırladıb: “Rusiya, Türkiyə, Azərbaycan, Ermənistan, İran və Gürcüstan qəbul edərlərsə, “altılıq” platformasının tətbiqi regional sülhü açıq şəkildə töhfə verəcək və bu məsələdə müsbət irəliləyişlərin olduğunu öyrəndik”.

Paylaş
Baxılıb: 227 dəfə

Xəbər lenti

Hamısına bax

Siyasət

Siyasət

Sosial

Xəbər lenti

Yeni texnologiyalar

Xəbər lenti

Siyasət

Müsahibə

Xarici siyasət

Xəbər lenti

Xəbər lenti

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31