Heydər Əliyev
yeni azerbaycan logo

Ana səhifə / Xəbər lenti / Elşən Musayev: Prezident İlham Əliyevin yürütdüyü siyasət çoxşaxəli, məqsədyönlü olması ilə diqqət çəkir

Elşən Musayev: Prezident İlham Əliyevin yürütdüyü siyasət çoxşaxəli, məqsədyönlü olması ilə diqqət çəkir

11.08.2021 [09:15]

“Pandemiyanın təsiri nəticəsində bir çox ölkələrdə iqtisadi-maliyyə çətinliklərinin yaranmasına baxmayaraq, Azərbaycanda Prezident İlham Əliyevin rəhbərliyi ilə həyata keçirilən uğurlu dövlət siyasəti sayəsində ölkəmizdə heç bir sosial layihə təxirə salınmayıb. Respublikamızda əhalinin bütün təbəqələri dövlətin hərtərəfli qayğısı ilə əhatə olunublar. Xüsusilə də, Azərbaycan dövləti hər zaman şəhid ailələrinə və müharibə əlillərinə diqqətlə yanaşır, onların sosial müdafiəsinin gücləndirilməsi istiqamətində ölkəmizdə bütün lazımi addımlar atılır. Şəhid ailələrinin və müharibə əlillərinin sosial təminatı, postmüharibə dövründə sosial dəstək, məşğulluq, mənzil, fərdi ev və avtomobil təminatı istiqamətində mühüm işlər həyata keçirilir”.
Bu fikirləri Milli Məclisin deputatı, Azərbaycan Demokratik Maarifçilik Partiyasının sədri Elşən Musayev deyib. Onun sözlərinə görə, bu, dövlətimizin Vətən müharibəsinin qəhrəmanlarına olan münasibətinin bariz göstəricisidir. Millət vəkili vurğulayıb ki, dövlətimiz bu siyasəti özü üçün prioritetlərdən biri kimi seçib və şəhid ailələri və müharibə əlillərinin mənzil-məişət problemlərinin həlli, onların sosial müdafiəsinin gücləndirilməsi istiqamətində görülən işlər daim yüksələn dinamika üzrə gedir. Eyni zamanda, xüsusi qeyd etmək lazımdır ki, müharibə dövründə evlərini və yaxınlarını itirmiş mülki şəxslərin problemlərinin həlli üçün də bütün lazımi addımlar atılır, onlar daimi qayğı ilə əhatə olunurlar: “Bu siyasət bu gün də uğurla davam etdirilir. İndiyədək əlilliyi olan 7200-dən çox şəxsə avtomobil verilib. 2019-cu ildə onların sayı 600, 2020-ci ildə 400 olub. Cari ildə isə 150 nəfərin avtomobillə təmin olunacağı gözlənilir. Bundan başqa, 2021-ci il yanvarın 1-dən şəhid ailələri, müharibə əlilləri, Milli qəhrəmanların Prezident təqaüdləri artırılıb, “Vətən Müharibəsi Qəhrəmanı” adı verilmiş şəxslər üçün təqaüd təsis edilib. Prezident İlham Əliyevin yürütdüyü siyasət çoxşaxəli, məqsədyönlü olması ilə diqqət çəkir. 44 günlük Vətən müharibəsinin gedişində cərəyan edən proseslər bir daha sübut etdi ki, bizi qələbəyə aparan əsas səbəb Prezident, Müzəffər Ali Baş Komandan İlham Əliyevlə xalq arasındakı birlik, bağlılıq, eyni zamanda, yüksək əzm və həmrəylikdir”.

Paylaş
Baxılıb: 90 dəfə

Xəbər lenti

Hamısına bax

QALİB LİDER

16 Oktyabr 10:16

ARXİV
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31