Heydər Əliyev
yeni azerbaycan logo

Ana səhifə / Xəbər lenti / "Davamlı İnkişaf Məktəbi" layihəsi çərçivəsində "Qlobal hədəflərə nail olunmasında gənclər siyasətinin rolu" mövzusunda seminar keçirilib

"Davamlı İnkişaf Məktəbi" layihəsi çərçivəsində "Qlobal hədəflərə nail olunmasında gənclər siyasətinin rolu" mövzusunda seminar keçirilib

31.08.2021 [15:38]

Avqustun 31-də Yeni Azərbaycan Partiyasının Mərkəzi Aparatında partiyanın Gənclər Birliyinin "Davamlı İnkişaf Məktəbi" layihəsi çərçivəsində "Qlobal hədəflərə nail olunmasında gənclər siyasətinin rolu" mövzusunda növbəti seminar keçirilib.

Tədbiri açan YAP Gənclər Birliyinin sədri Bəxtiyar İslamov seminarda iştirak edən gəncləri salamlayıb, həmçinin mövzunun aktuallığından bəhs edib. Ölkəmizin ictimai-siyasi həyatında gənclərin fəal iştirakına toxunan YAP Gənclər Birliyinin sədri bildirib ki, həyata keçirilən bu layihə gənclərin inkişafında əsaslı rol oynayacaq.

Daha sonra tədbirdə çıxış edən Milli Məclisin deputatı Məzahir Əfəndiyev ölkəmizdə uğurlu gənclər siyasətinin həyata keçirildiyini diqqətə çatdırıb. M.Əfəndiyev bildirib ki, ümummilli lider Heydər Əliyevin əsasını qoyduğu bu siyasi kurs gənclərimizin milli mənəvi dəyərlər kontkestində, sağlam və intellektual inkişafını şərtləndirib. Dövlətin hərtərəfli qayğısı ilə əhatə olunan gənclərimiz cəmiyyətin ən aparıcı təbəqəsi kimi çıxış edir və onların fəaliyyəti Azərbaycanın dinamik inkişafına əhəmiyyətli töhfələr verir: "Ümummilli lider Heydər Əliyevin 1993-cü ildə xalqın tələbi ilə yenidən hakimiyyətə qayıdışı gənclərimizin gələcəyinin uğurlu inkişafında yeni bir səhifə açdı. 1994-cü ildə Gənclər, İdman və Turizm Nazirliyinin yaradılması, 1996, 1999 və 2003-cü illərdə ümummilli lider Heydər Əliyevin təşəbbüsü ilə Azərbaycan gənclərinin forumlarının keçirilməsi və 1997-ci il fevralın 1-də ümummilli lider Heydər Əliyev tərəfindən "2 fevral - Azərbaycan Gəncləri Günü elan edilməsi haqqında" Sərəncamın imzalanması Azərbaycanda dövlət gənclər siyasətinin inkişafında yeni mərhələnin başlanğıcı oldu".

Milli Məclisin deputatı onu da qeyd edib ki, ulu öndər Heydər Əliyevin əsasını qoyduğu dövlət gənclər siyasəti Prezident İlham Əliyev tərəfindən inamla və ardıcıllıqla davam etdirilir.

Gənclərin intellektual, fiziki və mənəvi inkişafını, ölkənin sosial-iqtisadi, ictimai-siyasi və mədəni həyatında fəal iştirakını təmin etmək məqsədi ilə mühüm Dövlət Proqramları icra olunub, “2015-2025-ci illərdə Azərbaycan gənclərinin İnkişaf Strategiyası”nın təsdiq edilməsi haqqında Sərəncamın imzalanması bu kontekstdə müstəsna əhəmiyyət kəsb edir. "Gənclər siyasəti çərçivəsində Gənclər Fondunun yaradılması, gənclərin və gənclər təşkilatlarının bacarıq, təşəbbüs və yaradıcılıqlarının üzə çıxarılması, onların hökumət tərəfindən dəstəklənməsi, Gənclər üçün Prezident Mükafatının təsis olunması, ölkə gənclərinin beynəlxalq arenada təmsilçiliyinin yüksəlməsi, respublikanın əksər rayon və şəhərlərində gənclərin istifadəsinə verilən gənclər mərkəzlərinin və gənclər evlərinin tikilməsi səmərəli nəticələrin əldə olunmasını şərtləndirib”, - deyən M.Əfəndiyev onu da əlavə edib ki, ölkəmizdə geniş könüllük hərəkatının təşəkkül tapması da məhz Prezident İlham Əliyevin adı ilə bağlıdır. 2009-cu ildə "Könüllülük fəaliyyəti haqqında" qanunun qəbul edilməsinin ardından 2013-cü ildə ASAN Könüllüləri Təşkilatının yaranması bu istiqamətdə fəaliyyətin daha da genişlənməsinə yol açdı.

Tədbirdə gəncləri maraqlandıran suallar cavablandırılıb. 

Paylaş
Baxılıb: 65 dəfə

Xəbər lenti

Hamısına bax

QALİB LİDER

16 Oktyabr 10:16

ARXİV
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31