Heydər Əliyev
yeni azerbaycan logo

Ana səhifə / Xəbər lenti / Azərbaycan Respublikası Hesablama Palatasının Sədri Vüqar Gülməmmədov ASOSAI-ın onlayn rejimdə keçirilən XV Assambleyasında iştirak etmişdir

Azərbaycan Respublikası Hesablama Palatasının Sədri Vüqar Gülməmmədov ASOSAI-ın onlayn rejimdə keçirilən XV Assambleyasında iştirak etmişdir

07.09.2021 [17:16]

07 sentyabr 2021-ci il tarixində ASOSAI təşkilatının XV Assambleyası keçirilmişdir. COVID-19 pandemiyası ilə əlaqədar ilk dəfə onlayn şəkildə keçirilən Assambleya Tailand Krallığının Ali Audit Qurumu tərəfindən təşkil edilmişdir. 

Assambleyada Azərbaycan Respublikası Hesablama Palatasının Sədri Vüqar Gülməmmədovun rəhbərliyi ilə nümayəndə heyəti iştirak etmişdir.

Tədbir ASOSAI-ın   Prezidenti, Vyetnam AAQ-nın Sədrinin açılış nitqi ilə başlamış, daha sonra, ASOSAI-ın yeni Prezidenti seçilmiş Tailand Krallığının AAQ Prezidentinin salamlama nitqi ilə davam etmişdir.

Rəsmi açılış tədbirindən sonra, Plenar Sessiyanın gündəliyi və İdarə Heyətinə və Audit Komitəsinə üzvlük kimi məsələlər müzakirə edilmişdir. Tədbirin davamında ASOSAI-ın Strateji Planın icrası barədə hesabat və növbəti Strateji Planın təqdimatı, Baş Katibliyin hesabatı və digər hesabatlar təsdiq edilmiş, yeni İşçi Qrupların yaradılması, o cümlədən Dayanıqlı İnkişaf Məqsədləri üzrə İşçi Qrupun yaradılmasının təsdiq edilməsi, İdarə Heyətinə və Audit Komitəsinə üzvlərin seçilməsi prosesi həyata keçirilmişdir.

Daha sonra, ASOSAI-ın XVI Assambleyasına ev sahibliyi edəcək qurumun müəyyən edilməsi, İdarə Heyətinə yeddi yeni üzvün, həmçinin yeni kənar auditorların seçilməsi kimi məsələlər müzakirəyə çıxarılmışdır. ASOSAI-ın İdarə Heyətinə Türkiyə, Pakistan, Rusiya, Səudiyyə Ərəbistanı, Malayziya və Filippin AAQ-ları yeni üzvlər olaraq seçilmişdir.

ASOSAI-ın XV Assambleyasında iştirak edən bütün üzv AAQ-ların səsverməsi ilə Azərbaycan Respublikası Hesablama Palatası 2021-2024-cü illər üzrə ilk dəfə olaraq ASOSAI-ın Audit Komitəsinə üzv seçilmişdir. 

Tədbirin sonunda isə ASOSAI-ın INTOSAI və onun regional təşkilatları ilə əməkdaşlığından bəhs edilmiş və tədbir ASOSAI-ın yeni Sədrinin bağlanış qeydləri ilə sona çatmışdır.

Paylaş
Baxılıb: 59 dəfə

Xəbər lenti

Hamısına bax
ARXİV
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31