Heydər Əliyev
yeni azerbaycan logo

Ana səhifə / Xəbər lenti / Çörəyin qiyməti artacaqmı?

Çörəyin qiyməti artacaqmı?

17.09.2021 [14:43]

Vüqar Bayramov: Un istehsalçılarının xərcini azaltmaq üçün dövlət subsidiya verəcək

 

Məlum olduğu kimi, ölkəmizə idxal olunan ərzaq buğdasının qiymətinin artması ilə əlaqədar ictimaiyyətdə çörəyin qiymətinin də yüksələcəyi barədə narahatlıqlar yaranıb. Artıq sosial şəbəkələrdə ərzaq dükanlarında çörəyin əvvəlkindən fərqli qiymətə - baha satılması haqda məlumatlar yayılmaqdadır.

Yeri gəlmişkən, Nazirlər Kabineti “Ərzaqlıq buğdanın idxal qiymətinin artmasının ölkə daxilində satılan un və un məmulatlarının qiymətinə mənfi təsirlərinin azaldılması ilə bağlı əlavə tədbirlər barədə” bu il 16 fevral tarixli 37 nömrəli qərarında dəyişiklik edib. Bu qərarı şərh edən Milli Məclisin İqtisadi siyasət, sənaye və sahibkarlıq komitəsinin üzvü Vüqar Bayramov bildirib ki, məqsəd dünya bazarında buğdanın qiymətinin artımlarının ölkə daxilində çörək və eləcə də un məmulatlarına təsirlərini minimumlaşdırmaqdır.

Millət vəkili qeyd edib ki, sənədə əsasən, istehsalçılar tərəfindən satılan unun hər tonuna görə un istehsalçılarına verilən subsidiyanın hesablanması üçün bir ton unun topdansatış qiymətinin yuxarı həddi 520  manat müəyyənləşib: “Un istehsalçısının ölkədaxili xərclər daxil olmaqla marjası bu qiymətin 25 faizi, yəni 130 manat müəyyən edilib.  Qərara əsasən subsidiyaların hesablanması üçün orta aylıq idxal dəyəri hesablanacaq.  Bu dəyərə istehsalçının marjası, yəni 130 manat əlavə olunacaq və alınan rəqəm 520 manatdan çıxılacaq. Alınan fərq subsidiya formasında un istehsalçılarına ödəniləcək. Məsələn, əgər şərti olaraq orta aylıq idxal dəyəri 280 manatdırsa, o zaman onun üzərinə 130 manat gəlinəcək və 520 manatdan alınan məbləğ (410 manat) çıxılacaq və un istehsalçısına 110 manat subsidiya ödəniləcək. Təbii ki, orta aylıq idxal dəyərindən asılı olaraq subsidiya məbləği müəyyənləşəcək.  Qiymət artımlarının qarşısını almaq üçün müəyyən edilən topdansatış qiymətinin yuxarı həddindən artıq qiymətə satıldıqda, subsidiyanın məbləği həmin fərq qədər azaldılacaq”.

“Bu qərarda məqsəd un istehsalçılarına subsidiya verməklə çörəyin qiymətindəki artımların qarşısını almaqdır. Belə ki, subsidiya un istehsal xərclərinin bir hissəsinin dövlət mənbələri hesabına kompensasiya edilməsinə imkan verəcək və bu da unun maya dəyərinin aşağı düşməsinə səbəb olacaq”, - deyə V.Bayramov vurğulayıb.

N.BAYRAMLI

Paylaş
Baxılıb: 24 dəfə

Xəbər lenti

Hamısına bax

31 389 vaksin vurdurdu

20 Oktyabr 16:49

ARXİV
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31