Heydər Əliyev
yeni azerbaycan logo

Ana səhifə / Xəbər lenti / Heç kim “Harvard”ı belə rüsvay etməmişdi...

Heç kim “Harvard”ı belə rüsvay etməmişdi...

29.09.2021 [21:14]

Özünü cəmiyyətə savadlı, hətta “ziyalı” qiyafədə təqdim etməyə, daha doğrusu, sırımağa çalışan bəzilərini görəndə istər-istəməz deyirsən: heyif məktəbdə itirdiyin illərə... Hələ ali məktəbi demirəm...

Son dövrlər Qərbin bəzi ali təhsil ocaqları xüsusilə populyarlaşdırılıb. 1990-cı illərdə həmin ali məktəblərdə təhsil alan gənclərə xüsusi bir qibtə ilə baxılırdı. ABŞ-ın və dünyanın ən məşhur universitetlərindən biri, 5 əsrlik tarixi olan “Harvard” universiteti də bu qəbildəndir. Yəni bu universitetdə təhsil alan hər bir gəncin hərtərəfli inkişaf əldə edəcəyinə şübhəsiz yanaşılırdı. Ta ki... cəmiyyət Bəxtiyar Hacıyev adlı gənci yaxından tanıyana qədər. Sən demə, “hərtərəfli inkişafı” orada oxumuş bütün məzunlara şamil etmək olmaz.

Bu adam bitirdiyi universiteti özünün “pasportu”na çevirib. Haraya gedir, kimə müraciət edirsə, mütləq “Harvard”da oxuduğunu dilə gətirir və başqa universitetlərin nüfuzuna xələl gətirəcək ifadələr işlədir. Elə ona görə də onun haqqında danışılanda ilk vurğulanan “Harvard” məzunu məsələsi olur. Amma sonra... Sonrası odur ki, Hacıyevin əmək fəaliyyəti və şəxsi həyatında hər hansı bir müsbət detala rast gəlmək mümkün deyil.

Bu adamın şəxsi nümunəsində nələr yoxdur? Hətta “pişik məsələsinə dair məhkəmə”si belə var. Maraqlananlar internetin axtarış sistemində bu haqda ətraflı məlumat ala bilərlər. Təfərrüatlarına varmaq istəməzdik. Ortada bir nəticə var: “Harvard” təhsili ilə öyünən birisinin sosial şəbəkələrdəki davranışı heç bir etik çərçivəyə sığmır. Bunun adı, ən yumşaq halda, mənəvi yoxsulluqdur. Kasıblıq ayıb deyil, amma bu çatışmazlığı mənəvi cəhətdən yaşamaq kiməsə ayıb, “Harvard” məzunu üçün isə biabırçılıqdır. Bəxtiyar Hacıyevin yersiz, “özünütəsdiq”ə hesablanmış sosial şəbəkə postlarına baxanda bu ayıbı sezməmək mümkün deyil. Ayıbına utanmayan isə oynamağa davam etməyi özünə rəva bilsin...

Bütün dünya 44 günlük İkinci Qarabağ müharibəsində Azərbaycanın sarsılmaz həmrəyliyinin şahidi oldu. Eyni zamanda, beynəlxalq ictimaiyyət Prezident, Ali Baş Komandan İlham Əliyevin qətiyyətinə, Türkiyə xalqının və dövlətinin, Prezident Rəcəb Tayyib Ərdoğanın ölkəmizə mənəvi-siyasi dəstəyinə şahidlik etdi. Ermənilər isə sosial şəbəkələrdə Azərbaycanı və Türkiyəni, ölkələrimizin liderlərini hədəfə almağa çalışırdılar. Bu gün də Azərbaycan ilə Türkiyəni hədəfə almağa çalışan nadanlar var. Özü də, onların sırasında milliyyətcə erməni olmayanlar da var.  “Harvard” məzunu B.Hacıyev kimi...

...Bəlkə də, Bəxtiyar Hacıyev ötən bir il ərzində Azərbaycan xalqının yaşadıqlarını duya, bu sevinci ürəkdən yaşaya bilməyib. Adam nəinki Vətən uğrunda döyüşmək həvəsində olub, hətta dünyanın düz vaxtında əsgər kimi borcunu belə ödəməkdən boyun qaçıraraq Azərbaycan qanunlarını pozub və bu səbəbdən məsuliyyətə cəlb olunub. Bir gün belə Vətənin sərhədində onun keşiyini çəkmək istəməyən birindən nə isə gözləmək olmaz.  Ondan hansısa Vətən, torpaq, dövlət sevgisi ummaq yersizdir.

Nəhayət, bu günədək heç kəs “Harvard”ı belə rüsvay etməmişdi. Bəxtiyar Hacıyev isə bunu bacardı...

Paylaş
Baxılıb: 104 dəfə

Xəbər lenti

Hamısına bax

31 389 vaksin vurdurdu

20 Oktyabr 16:49

ARXİV
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31