Azərbaycan mədəniyyətlərarası dialoqun mərkəzidir

Bakı:

22 °C

54 %

2 m/s

Əlaqə

AZ RU EN

Ana səhifə / YAP xəbərləri / Azərbaycan mədəniyyətlərarası dialoqun mərkəzidir

Azərbaycan mədəniyyətlərarası dialoqun mərkəzidir

03.05.2024 [12:27]

Samir Vəliyev

Yeni Azərbaycan Partiyası Nərimanov rayon təşkilatının sədri

Dünya ictimaiyyəti Azərbaycanın etnik-mədəni və dini müxtəlifliyin tənzimlənməsi sahəsində əldə etdiyi nailiyyətləri yüksək dəyərləndirir. Bu gün bir çox dövlətlər ölkəmizin bu sahədəki uğurlu təcrübəsini öyrənir. 2008-ci ildə Prezident İlham Əliyevin təşəbbüsü ilə başladılmış, mədəniyyətlərarası dialoq sahəsində yeganə qlobal platforma olan “Bakı Prosesi” mənəvi-mədəni dəyərlərin təbliği baxımından xüsusi əhəmiyyət kəsb edir.

Hazırda dünyada sivilizasiyaların dialoqunun təmin edilməsi məsələsi olduqca aktualdır. İnkaredilməz reallıqdır ki, mədəniyyətlərin dialoqu olmadan dünya yalnız fəlakətlə üzləşə bilər. Azərbaycan Prezidenti İlham Əliyev də bu məsələyə ciddi önəm verir və dövlətimizin başçısının uğurlu siyasəti nəticəsində ölkəmiz beynəlxalq aləmdə müxtəlif mədəniyyətlərin qovuşduğu məkan statusu qazanıb. Son illər Azərbaycanda mədəniyyətlər və sivilizasiyalararası dialoq sahəsində keçirilmiş beynəlxalq səviyyəli tədbirlərdə müzakirə edilən mövzulara diqqət yetirsək əmin olarıq ki, respublikamız dünyanın mədəni həyatının mərkəzinə çevirib, eyni zamanda, qlobal problemlərin həllində platforma rolunu oynayır.

Azərbaycanın bu istiqamətdə növbəti mötəbər beyənlxalq tədbirə ev sahibliyi etməsi mühüm hadisədir. Belə ki, Bakıda VI Ümumdünya Mədəniyyətlərarası Dialoq Forumunun keçirilməsi böyük əhəmiyyət kəsb edir. Dünyanın 100-dən çox ölkəsindən 700 nümayəndənin Forumda iştirakı da bunu deməyə əsas verir. Forumda müzakirə olunan məsələlər də diqqəti cəlb edir. Burada dünyada movcud olan problemlər və onların həlli yolları haqda dəyərli fikirlər səsləndirilir. Bu platforma qlobal məsələlərin müzakirəsi baxımından ən uğurlu modellərdən biridir.

Üç günlük Forum “Sülh və qlobal təhlükəsizlik naminə dialoq” mövzusuna həsr olunub və 4 plenar sessiyanı, 12 panel müzakirənin keçirilməsini əhatə edib. Tədbirdə təhsil, gənclər, iqlim dəyişikliyi, süni intellekt, mədəni irsin mühafizəsi, qanunsuz miqrasiya və digər sahələrlə bağlı müzakirələr də aparılıb. Prezident İlham Əliyev Forumuzun açılış mərasimində çıxış edərək Azərbaycanın əsrlər boyu mədəniyyətlərin qovuşduğu məkan olmasından, çoxmədəniyyətli və böyük etnik müxtəlifliyə malik ölkəmizin tolerantlığı, qarşılıqlı hörməti, multikulturalizm ənənələrini qorumasından bəhs edib. Dövlətimizin başçısı, həmçinin Cənubi Qafqaz regionunda sülh imkanları, Azərbaycan ilə Ermənistan arasında münasibətlərin normallaşdırılması, o cümlədən sərhədlərin delimitasiyası və demarkasiyası işlərinin vasitəçilərin iştirakı olmadan aparılması barədə də fikirlərini ifadə edib.

Təqdirəlayiq haldır ki, Forum iştirakçılarının Azərbaycanın 30 illik işğaldan azad edilmiş ərazilərinə səfərləri təşkil edilib. Bu, eyni zamanda, Azərbaycanın işğaldan azad etdiyi ərazilərdən beynəlxalq ictimaiyyətə müraciət üçün bir platforma yaratmaq fürsətidir. Bütövlükdə, bu Forum Azərbaycanın qlobal miqyasda sülh təşəbbüslərinin təbliği baxımından mühüm platformadır.

Paylaş:

Baxılıb: 542 dəfə