Yaşıl dünya naminə həmrəyik...

Bakı:

22 °C

54 %

2 m/s

Əlaqə

AZ RU EN

Ana səhifə / YAP xəbərləri / Yaşıl dünya naminə həmrəyik...

Yaşıl dünya naminə həmrəyik...

05.06.2024 [11:48]

Yeni Azərbaycan Partiyası İmişli rayon təşkilatı İmişli rayon Məmmədli kənd tam orta məktəbində “Yaşıl dünya naminə həmrəylik ili” və 5 iyun - Ümumdünya ətraf mühitin mühafizəsi günü ilə əlaqədar “Yaşıl dünya naminə həmrəyik” adlı tədbir keçirib. Tədbirdə YAP İmişli rayon təşkilatının sədri Səfa Ağayev, İmişli RİHB-nin Məmmədli kənd inzibati ərazi dairəsi üzrə nümayəndəsi Nəcəf Əliyev, Məmmədli kənd tam orta məktəbinin direktoru Abduləli Məmmədov və partiya fəalları iştirak edib.

Tədbiri giriş sözü ilə açan YAP İmişli rayon təşkilatının sədri Səfa Ağayev bildirib ki, bu gün dünyanı narahat edən qlobal problemlərdən biri də iqlim dəyişmələridir. İqlim dəyişiklikləri və onların canlı aləmə təsiri dünya birliyini getdikcə daha çox narahat etməkdədir. Ölkəmiz də qlobal iqlim dəyişmələrinin təsirindən kənarda qalmamışdır. Kənd təsərrüfatı, su resursları, enerji, meşə, turizm, səhiyyə sektoru və sahilyanı zonaları Azərbaycanda iqlim dəyişikliyinə həssasdır. Bu problemə qarşı mübarizədə diqqətin artması, beynəlxalq həmrəyliyin gücləndirilməsi məqsədilə Azərbaycan Respublikasının Prezidenti cənab İlham Əliyev 25 dekabr 2023-cü il tarixdə 2024-cü ilin “Yaşıl dünya naminə həmrəylik ili” elan edilməsi haqqında sərəncam imzalayıb. Bu sərəncam Azərbaycanın qlobal təşəbbüslərə ilk qoşulan ölkələrin sırasında olduğunu bir daha sübut edir.

Tədbirdə çıxış edən İmişli RİHB-nin Məmmədli kənd inzibati ərazi dairəsi üzrə nümayəndəsi Nəcəf Əliyev qeyd edib ki, Azərbaycan baza ili (1990) illə müqayisədə 2030-cu ilə qədər istilik effekti yaradan qazların emissiyalarının 35 faiz, 2050-ci ilə qədər isə 40 faiz azaldılmasını hədəf kimi götürmüşdür. İki il əvvəl isə qlobal iqlim dəyişikliklərinə qarşı mübarizəyə ölkəmiz 2030-cu ilə qədər istehsal olunan elektrik enerjisinin 30%-ni bərpa olunan enerji ilə əvəz olunması ilə bağlı könüllü öhdəlik götürüb. Üç il əvvəl ölkə başçımız işğaldan azad olunmuş əraziləri yaşıl zona adlandırmış, bu ərazilərin bərpaolunan enerji potensialının reallaşdırılması istiqamətində ciddi addımlar atılmışdır.

Digər çıxış edənlər vurğulayıblar ki, cari ilin noyabrında ölkəmizdə keçiriləcək COP 29 beynəlxalq konfransda Azərbaycan iqlim dəyikliklərinə verdiyi töhfələrini əyani şəkildə dünya ictimaiyyətinə çatdıracaq və bütün dünyanı bu qlobal çağırışa həmrəylik göstərilməsində birləşdirəcəkdir. Eyni zamanda “Yaşıl dünya naminə həmrəylik ili” çərçivəsində ölkəmiz COP29-da əhəmiyyətli qəraraların qəbul olunmasına təşəbbüs nümayiş etdirməklə yenə də özünün dünya liderliyini bir daha təsdiq edəcəkdir.
Tədbirin sonunda Yeni Azərbaycan Partiyasına yeni üzv olan gənclərə partiya vəsiqələri təqdim olunub.

Paylaş:

Baxılıb: 542 dəfə