Sumqayıtda Ümummilli lider Heydər Əliyevin anadan olmasının 95 illik yubileyinə həsr edilmiş elmi-praktik konfrans keçirilib

Bakı:

22 °C

57 %

1 m/s

AZ RU EN

Ana səhifə / YAP xəbərləri / Sumqayıtda Ümummilli lider Heydər Əliyevin anadan olmasının 95 illik yubileyinə həsr edilmiş elmi-praktik konfrans keçirilib

Sumqayıtda Ümummilli lider Heydər Əliyevin anadan olmasının 95 illik yubileyinə həsr edilmiş elmi-praktik konfrans keçirilib

09.05.2018 [16:54]

Sumqayıt şəhər İcra Hakimiyyəti, Yeni Azərbaycan Partiyası (YAP) Sumqayıt şəhər təşkilatının Gənclər Birliyi, Azərbaycan Milli Elmlər Akademiyasının Gənc Alim və Mütəxəssislər Şurasının birgə təşkilatçılığı ilə Ümummilli lider Heydər Əliyevin anadan olmasının 95 illik yubileyinə həsr edilmiş elmi-praktik konfrans keçirilib. “Azərbaycanda gənclər və elm siyasəti: ənənəviliyin və müasirliyin harmoniyası” mövzusunda keçirilən konfransın iştirakçıları öncə Ulu öndər Heydər Əliyevin Sumqayıt şəhərindəki abidəsini ziyarət ediblər, şəhərdəki Heydər Əliyev Mərkəzi ilə yaxından tanış olublar.
Tədbirdə çıxış edən Sumqayıt şəhər İcra Hakimiyyəti başçısının birinci müavini, YAP Sumqayıt şəhər təşkilatının İdarə Heyətinin üzvü Teymur Səmədov Ulu öndər Heydər Əliyevin anadan olmasının 95 illik yubileyinə həsr edilən belə bir konfransın Sumqayıtda keçirilməsinə görə təşkilatçılara təşəkkürünü bildirib. Teymur Səmədov qeyd edib ki, Ümummilli liderin ölkəyə rəhbərliyi dövründə sürətlə və uğurla inkişaf edən şəhərlərdən biri də Sumqayıt olub. Sumqayıtın sosial-iqtisadi inkişafında, əhalinin yaşayışının, güzəranının yaxşılaşmasında Ümummilli lider Heydər Əliyevin xidmətlərindən danışan T.Səmədov bildirib ki, Ulu öndər Azərbaycana rəhbərliyi dövründə Sumqayıta 16 dəfə səfər edib. Sumqayıtın inkişafı və şəhər kimi formalaşması Ulu öndər Heydər Əliyevin adı ilə bağlıdır. İH başçısının müavini qeyd edib ki, bu siyasi kurs Prezident İlham Əliyev tərəfindən də uğurla davam və inkişaf etdirilir.
Çıxış edən AMEA Gənc Alim və Mütəxəssislər Şurasının sədri, fizika üzrə fəlsəfə doktoru, dosent Famin Salmanov tarixi keçmişimizə nəzər salaraq Akademiyanın çiçəklənməsinin məhz Ümummilli lider Heydər Əliyevin adı ilə bağlı olduğunu diqqətə çatdırıb. Onun sözlərinə görə, Azərbaycanda hüquqi dövlətin şanlı tarixini yaradan Heydər Əliyev 70-ci ildən başlayaraq akademiyaya xüsusi diqqət və qayğı göstərməklə, Azərbaycan elminə dünya şöhrəti qazandırıb.
Tədbirdə Sumqayıt Dövlət Universitetinin müəllimi, tarix üzrə fəlsəfə doktoru Günay Şükürova “Heydər Əliyev və Azərbaycanda təhsilin milliləşdirmə strategiyası”, Azərbaycan Dövlət İdarəçilik Akademiyasının doktorantı Məzahir Əfəndiyev “Heydər Əliyev və Azərbaycanın xarici siyasəti” mövzularında, eləcə də digər natiqlər məruzə ediblər.
PƏRVİZ

Paylaş:

Baxılıb: 898 dəfə