Perunun şimal-qərbində avtobusun uçuruma düşməsi nəticəsində azı 15 nəfər ölüb.

Bu barədə “RPP” radiostansiyası məlumat yayıb.

Qeyd olunub ki, San Martin departamentindən Tumbes bölgəsinə gedən avtobusda 50 sərnişin və 2 sürücü olub.

Qəzada yaralanan 20-dən çox şəxs müxtəlif xəsarətlə xəstəxanalara çatdırılıb.

Hadisənin səbəbləri hələ məlum deyil. Peru Quru Nəqliyyat İdarəsi faktla bağlı araşdırmaya başlayıb.