Tramp İspaniya ilə bütün ticari əlaqələri kəsdiyini bildirib

Tramp İspaniya ilə bütün ticari əlaqələri kəsdiyini bildirib

ABŞ Prezidenti Donald Tramp çərşənbə günü İspaniya ilə ticarət etmək istəmədiyini bildirib və bu ölkəni NATO-da “dəhşətli tərəfdaş” adlandırıb.

AZƏRTAC Türkiyə mediasına istinadla xəbər verir ki, NATO-nun Ankara sammitində iştirak edən Tramp deyib: “Artıq İspaniya ilə heç bir ticarət biznesi istəmirik. İspaniya NATO-da dəhşətli tərəfdaşdır. Onlar əməkdaşlıqda iştirak etmirlər, pul ödəmirlər. Mən İspaniya ilə hər hansı əlaqənin olmasını istəmirəm”.

Tramp, həmçinin Maliyyə Naziri Skott Bessentə İspaniya ilə ticarəti dərhal dayandırmağı tapşırıb. O vurğulayıb: “Xahiş edirəm ki, İspaniya ilə bütün ticarəti, o cümlədən səfərləri dayandırın... Mən onlarla ticarət etmək istəmirəm. Bu tapşırığı dərhal yerinə yetirin”.

ABŞ Prezidenti İranla müharibə zamanı kifayət qədər dəstək almadığına görə NATO-dan “narazı” olduğunu da təkrarlayıb.