SamuxdaHeydər Əliyevin vəfatının 19-ci ildönümü münasibətilə tədbir keçirilib

Ana səhifə / Xəbər lenti / SamuxdaHeydər Əliyevin vəfatının 19-ci ildönümü münasibətilə tədbir keçirilib

SamuxdaHeydər Əliyevin vəfatının 19-ci ildönümü münasibətilə tədbir keçirilib

09.12.2022 [12:48]

9 dekabr 2022-ci il tarixdə YAP Samux rayon təşkilatında ərazi partiya təşkilat sədrlərinin iştirakı ilə Ulu Öndər Heydər Əliyevin vəfatının 19-ci ildönümü münasibətilə “Azərbaycanın böyük oğlu Heydər Əliyevin parlaq şəxsiyyəti və misilsiz xidmətləri qədirbilən xalqımızın xatirəsində əbədi yaşayacaq” mövzusunda anım tədbiri keçirildi.

Əvvəlcə dahi şəxsiyyət, Ulu Öndər Heydər Əliyevin nurlu və əziz xatirəsi bir dəqiqəlik sükutla yad edildi.Sonra tədbiri açıq elan edən YAP Samux rayon təşkilatının sədri Gündüz Bayramov qeyd etdi ki, 12 dekabr tarixində müasir Azərbaycanın qurucusu və memarı, görkəmli dövlət xadimi, xalqımızın xilaskarı Ulu Öndər Heydər Əliyevin vəfatından 19 il ötür. Heydər Əliyevin təkcə Azərbaycanın deyil, dünyanın ən görkəmli siyasətçilərindən biri olduğunu vurğulayan sədr qeyd etdi ki, müstəqil Azərbaycan Ulu Öndər Heydər Əliyevin möhkəm təməl üzərində ucaltdığı əzəmətli abidədir. O, bildirdi ki, Ulu Öndər Heydər Əliyevin hakimiyyətə gəlməsi ölkəmizdə əmin-amanlıq, sakitlik yaratdı, hərc-mərcliyə son qoydu. Azərbaycan dövləti tarixində quruculuq mərhələsi başladı. Azərbaycanın bugünkü inkişaf yolunun əsas istiqamətlərindən danışarkən birmənalı şəkildə qeyd etmək lazımdır ki, bu inkişaf xalqımızın Ümummilli lideri Heydər Əliyevin müəyyən etdiyi siyasi xəttin ardıcıl davam etdirilməsinin nəticəsidir. Gündüz Bayramov onu da qeyd etdi ki, bu gün Azərbaycana Heydər Əliyev yolunun layiqli davamçısı İlham Əliyev başçılıq edir, Heydər Əliyev siyasəti Azərbaycanda yaşayır və qalib gəlir.Azərbaycan xalqı durduqca, yaşadıqca Ulu Öndərin əziz xatirəsi daim xatırlanacaq, heç vaxt unudulmayacaqdır.

Daha sonra tədbirdə iştirak edən ərazi partiya təşkilat sədrlərindən Şəmistan Yusifov, Mirzəmməd Cəfərov, Mahirə Məmmədova, Ağca Atai, Fazil Abdıyev və başqaları çıxışlarında Ulu Öndər Heydər Əliyevin xilaskarlıq missiyası, müstəqil Azərbaycanın quruculuğu yolundakı şərəfli mübarizəsi, bütün dünya tərəfindən qəbul edilən böyük siyasətçi və liderlik titulları barədə ətraflı fikirlər söylədilər. Natiqlər qeyd etdilər ki, bütün varlığı ilə Azərbaycana və azərbaycançılığa xidmət edən dahi rəhbərimiz əbədiyyətə qovuşmağı ilə də xalqımızı birləşdirdi. Öz ideyaları ətrafında xalqımızı birləşdirən Ümumilli Lider Heydər Əliyevin müqəddəs ruhu bu gün bizi bütövləşdirir və mətinləşdirir. Bu gün Ümummilli Lider Heydər Əliyev siyasi kursunun layiqli davamçısı, ölkə Prezidenti cənab İlham Əliyevin rəhbərliyi ilə Azərbaycan inkişaf edərək yeni-yeni uğurlara imza atır.

Paylaş:

Baxılıb: 113 dəfə