Tərtərdə Ümummilli lider Heydər Əliyevin anım gününə həsr edilmiş tədbir keçirilib

Ana səhifə / Xəbər lenti / Tərtərdə Ümummilli lider Heydər Əliyevin anım gününə həsr edilmiş tədbir keçirilib

Tərtərdə Ümummilli lider Heydər Əliyevin anım gününə həsr edilmiş tədbir keçirilib

09.12.2022 [14:13]

YAP Tərtər rayon təşkilatında Ümummilli lider Heydər Əliyevin anım gününə həsr edilmiş tədbir keçirilib.

09 dekabr 2022-ci il tarixdə keçirilmiş tədbir əvvəlcə rayon təşkilatının əməkdaşları və bir qrup YAP fəalı ilə birlikdə Tərtər rayon Heydər Əliyev Mərkəzində Ulu öndərin büstünün önünə tər çiçəklər qoyulması ilə başladı. Tədbir iştirakçıları sonra Heydər Əliyev Mərkəzində Ulu Öndərin həyat və yaradıclığını əks etdirən şəkillərə baxdılar.

Tədbir sonra YAP Tərtər rayon təşkilatının Qərargahında davam etdirilimişdir.

Tədbirə başlamazdan əvvəl Yeni Azərbaycan Partiyasının yaradıcı, Ulu Öndər Heydər Əliyevin və Şəhidlərimizin əziz xatirəsi bir dəqiqəlik sükutla yad edilmişdir.

Tədbiri giriş sözü ilə YAP Tərtər rayon təşkilatının sədri Eldar Əsədov açaraq müstəqil Azərbaycan dövlətinin memarı və qurucusu, dünya şöhrətli siyasi xadim, türk dünyasının böyük oğlu, xalqımızın Ümummilli Lideri Heydər Əliyevin vəfatından 19 il keçdiyini xatırladaraq, qeyri-adi şəxsiyyəti, zəngin dövlətçilik təcrübəsi, fenomenal siyasi bacarığı, böyük istedadı ilə fərqlənən xarizmatik lider Heydər Əliyevin hələ sağlığında canlı əfsanəyə çevrildiyini və öz şah əsəri olan müstəqil Azərbaycanı bütün dünyada şərəf və ləyaqətlə təmsil etdiyini bildirdi. Azərbaycanın ərazi bütövlüyünün təmin olunması ilə bağlı olduğuna diqqət çəkən rayon təşkilatının sədri işğal altında olan torpaqlarımızın azad olunması istiqamətində Heydər Əliyev tərəfindən sistemli və məqsədyönlü fəaliyyətin əsasının qoyulduğunu bildirib. Bu missiyanın Ümummilli Liderin parlaq ideyalarının davamçısı, Prezident, Müzəffər Ali Baş Komandan İlham Əliyevin rəhbərliyi altında Azərbaycan Ordusunun 44 günlük Vətən müharibəsində qazandğı şanlı zəfəri ilə başa çatdırıldığını deyib.

Sonra YAP Tərtər rayon təşkilatının sədr müavini Azər Ağayev müstəqil Azərbaycanın qurucusu Heydər Əliyevin zəngin və çoxşaxəli həyat, yaradıcılığını, fəaliyyətini əks etdirən məruzə ilə çıxış edərək bildirdi ki , Azərbaycanın bu gün cənab İlham Əliyevin rəhbərliyi altında aydın bir yolla öz parlaq sabahlarına doğru addımlayır, bu yolun Heydər Əliyev yolu bu gün uğurla davam etdirilir. Heydər Əliyev siyasi obrazının Azərbaycan xalqının dövlətçilik şüurunun, tarixinin sınağından şərəflə çıxmış bütöv bir idarəçilik məktəbinin, müasir ictimai-siyasi fikrin ən davamlı keyfiyyətlərinin canlı mənzərəsi olduğunu qeyd etdi. Azər Ağayev Prezident cənab İlham Əliyevin 29 sentyabr 2022-ci il tarixli Sərəncamı ilə ölkəmizdə 2023-cü ilin “Heydər Əliyev İli” elan edilməsini diqqətə çatdırmışdır.

Tədbirdə həmçinin Qaraağacı ərazi partiya təşkilatının sədr müavini Rəşad Qarayev, Mənzil İstismarı İdarəsi Ərazi Partiya Təşkilatının sədri Hafiz Ələkbərov, YAP Tərtər rayon təşkilatının əməkdaşı Samirə Zeynalova çıxış edərək ümummilli lider Heydər Əliyevin Azərbaycana rəhbərliyi dövründə təhsil və səhiyyə sahəsində aparılan islahatlardan, qazanılan nailiyyətlərdən danışdılar. Çıxış edənlər həmçinin Azərbaycanın xilaskarı, YAP-ın qurucusu ulu öndər Heydər Əliyevin şərəfli həyat yolundan, xalqı, vətəni üçün misilsiz tarixi xidmətlərindən ürəkdolusu danışmış, bu günkü qüdrətli Azərbaycanın xoş gələcəyindən söhbət açmışlar. Çıxış edənlər eyni zamanda bildirdilər ki, Heydər Əliyev siyasi kursu bu gün möhtərəm Prezidentimiz cənab İlham Əliyev tərəfindən uğurla, dövrün və zamanın tələbinə uyğun yaradıcılıqla davam etdirilir. Heydər Əliyev dahi bir şəxsiyyət kimi, böyük ideyaların müəllifi kimi nəsildən-nəslə keçərək Azərbaycan xalqının qəlbində daimi yaşayacaqdır.

Paylaş:

Baxılıb: 85 dəfə