Yaqublu isterikası...

Bakı:

22 °C

73 %

7 m/s

Əlaqə

AZ RU EN

Ana səhifə / Xəbər lenti / Yaqublu isterikası...

Yaqublu isterikası...

05.09.2023 [10:10]

AXCP sədrinin “ekspert layihəsi” xəyanətkar simasını nümayiş etdirir

İllərdir düşüncə tərzini inkişaf etdirə bilməyən, bu gün isə sözün əsl mənasında deqradasiya vəziyyətində olan müxalifət xalqa, dövlətə düşmən olduğunu artıq açıq şəkildə dilə gətirir. Ötən dövrdə “fəaliyyəti” yalnız Azərbaycanın dövlət maraqlarına xəyanət etmək, xarici antimilli mərkəzlərin təsiri altında öz korporativ maraqlarının müdaifəsini həyata keçirmək olan bu ünsü?lər həm də milli dəyərlərə qarşı çirkin “savaş” açaraq özlərinin əsl simalarını ortaya qoyurlar. Azərbaycan xalqının əldə etdiyi ən böyük nemət - azad, müstəqil dövlətimiz bu gün həmin satqın, xəyanətkar müxalifətin hədəfinə çevrilib.

Dövləti hədəfə alan xain...

Tofiq Yaqublu adlı siyasi şoumenin xarici ermənipərəst pul mənbələrinin diqqətini xəlb etmək üçün oynadığı “tamaşa”lar açıq mahiyyət daşıyır - bu şəxsin bütövlükdə ermənipərəst mövqedən çıxış etməsi, özünün “hərəkətlərini” ermənipərəst dairələrin direktivlərinə əsasən tənzimləməsi, pul üçün bütün dəyərləri ayaqlar alına alması sirr deyil. “Xəyanət dosyesi” xüsusilə qabarıq olan Tofiq Yaqublunun isterika vəziyyəti getdikcə şiddətlənir - AXCP sədri Əli Kərimlinin ermənipərəst mərkəzlərlə birgə layihələrinin “ucuz teleşoumeni” statusu qazanan Yaqublu artıq bütün simasızlığını ortaya qoymaqdadır. İndiyə qədər sosial şəbəkə hesablarında xalqı, dövləti hədəf seçən bu antimilli ünsür daha da irəli gedərək Azərbaycan dövlətinin ünvanına təhqiramiz “fikir”lər səsləndirir, nalayiq sözlərdən istifadə edir. O, son paylaşımlarında dövləti “tövlət” adlandırır (tövləni nəzərdə tutaraq). Bu isə onun ermənidən betər erməni olması fikrini daha da gücləndirir və arqumentləşdirir.

Tofiq Yaqublu daha çox “pay” istəyir...

Göründüyü kimi, artıq erməni lobbisinin təsir dairəsində olan müxalifət qrupu hansı məqsədlərə “qulluq etdiyini” açıq şəkildə göstərməkdədir. Tofiq Yaqublunun birdən-birə ermənipərəst Sevinc Osmanqızının “siyasi eksperti” statusuna “yüksəlməsi” də bunun bariz faktlarındandır. Bu gün dövləti hədəfə alan, lağ obyektinə çevirməyə cəhd göstərən tofiqyaqublular erməni lobbisinin maliyyəsi ilə danışan, xaricdə məskunlaşan “şəbəkə” ilə paralel işləyir, eyni məqsədlərə xidmət göstərir. Erməni lobbisi məhz bu kimi satqınlıqlarına görə onlara maliyyə ayırır - bu şəxslər bəzi hallarda özləri də ermənipərəst mərkəzlərdən maliyyələşdiklərini etiraf edirlər. Bir müddət öncə məhz Sevinc Osmanqızının internet kanalında çıxış edən xaricə sığınan xəyanətkar şəbəkə üzvlərindən biri bildirmişdi ki, onlara bu çıxışları üçün “yardımlar” edilir. Deyəsən, Tofiq Yaqublu bu “yardım” payından daha çoxuna niyyət edir - həttta Əli Kərimlinin payını belə özününküləşdirmək istəyir. Son çirkin addımları da elə bu məqsədə xidmət edir...

SADİQ

Paylaş:

Baxılıb: 583 dəfə