27 Sentyabr Anım Günü xalqımızın tarixində əbədi yaşayacaq
23.09.2026 [14:49]
Məlum olduğu kimi, ölkəmizin yeni tarixi səhifələrindən biri 2020-ci ilin 27 sentyabrında yazıldı. Məhz həmin gün Ermənistanın təxribatlarına cavab olaraq Azərbaycan xalqı və dövləti Vətən müharibəsinə başladı. Bu müharibə sadəcə hərbi əməliyyatlar deyildi, o həm də xalqımızın haqq və ədalət uğrunda mübarizəsi idi.
Qeyd edək ki, ölkəmiz illərlə beynəlxalq hüquqa, ədalətə söykənərək münaqişənin dinc yolla həllini istəyirdi. Lakin Ermənistanın hərbi təcavüzü və yeni hücum planları xalqımızı öz müqəddəs torpaqlarını silahla azad etməyə məcbur etdi. Vətən müharibəsi həm milli birlik, həm də dövlət iradəsinin ən parlaq ifadəsi idi. Azərbaycan əsgəri və zabiti ön, xalq isə arxa cəbhədə bir yumruq kimi birləşərək düşmənin illərlə qurduğu işğal siyasətini darmadağın etdi. Bu mübarizədə hər kəsin rolu vardı - cəbhədə döyüşən igidlər, onlara dəstək olan ailələr, yaralıların həyatını xilas edən tibb işçiləri, həmçinin informasiya müharibəsində ölkəmizin haqq səsini dünyaya çatdıran ziyalılarımız və jurnalistlərimiz.
Onu da qeyd edək ki, Azərbaycan Ordusu öz mübarizəsini ən yüksək vətənpərvərlik hissi ilə apardı. Düşmənin hərbi təxribatlarına baxmayaraq, müzəffər ordumuz yalnız legitim hədəfləri vuraraq beynəlxalq humanitar hüquqa əməl etdi. Ermənistan isə əksinə, müharibə cinayətləri törədərək şəhərlərimizi, kəndlərimizi, mülki əhalini, o cümlədən uşaqları hədəfə aldı. Gəncə, Bərdə, Tərtər kimi şəhərlərimizə atılan raketlər nəticəsində günahsız insanlar həyatını itirdi. Bu, təkcə Azərbaycan xalqına deyil, bütün bəşəriyyətə qarşı törədilmiş cinayət idi. Müharibədə şəhidlər verdik. Məhz onların qanı bahasına torpaqlarımız işğaldan azad edildi. Qazilərimiz isə torpaqlarımızın azadlığı uğrunda mübarizənin canlı rəmzləridir. Hər bir şəhidin adı Azərbaycan xalqının yaddaşına əbədi həkk olunub. Onların igidliyi gələcək nəsillərə ən böyük örnəkdir.
Vətən müharibəsinin ən mühüm dərslərindən biri də xalqın birliyinin gücünü göstərməsi oldu. Milli həmrəyliyimiz məhz 44 gün ərzində özünü ən yüksək səviyyədə büruzə verdi. Siyasi baxışından, sosial statusundan, peşəsindən asılı olmayaraq hər kəsin bir məqsədi vardı - Qarabağı azad görmək. Bu, Azərbaycan xalqının tarixi taleyini öz əlində həll etməyə qadir olduğunu bir daha sübut etdi.
Xüsusilə qeyd etmək lazımdır ki, Prezident İlham Əliyevin qətiyyətli rəhbərliyi bu müharibədə həlledici amil oldu. Dövlət başçısının həm cəbhə bölgəsində, həm də beynəlxalq arenada apardığı mübarizə xalqın inamını daha da gücləndirdi. Müharibə dövründə xalqa ünvanlanan müraciətlər, dünya ictimaiyyətinə verilən mesajlar Azərbaycanın haqq işinin müdafiəsində mühüm rol oynadı. 27 sentyabr Azərbaycanda Anım Günü kimi qeyd olunur. Bu gün hər birimizin qəlbində həm hüzn, həm də qürur hissi doğurur. Hüznlüdür, çünki minlərlə qəhrəmanımız canını Vətən uğrunda fəda edib. Qürurludur, çünki onların qanı yerdə qalmayıb, Azərbaycan tarixi ədaləti bərpa edib. Dövlətimiz şəhidlərin xatirəsini daim uca tutur. Onların ailələrinə göstərilən diqqət və qayğı, qazilərin sosial müdafiəsi istiqamətində atılan addımlar milli həmrəylik nümunəsidir. Hər bir şəhidin xatirəsi bu torpaqların müqəddəsliyinin simvoluna çevrilib. Azərbaycanın hər bölgəsində şəhidlərin adını daşıyan məktəblər, parklar, küçələr var. Bu, onların igidliyini gələcək nəsillərə çatdırmaq, qəhrəmanlıq ənənəsini yaşatmaq üçündür.
Yeri gəlmişkən, ölkəmizin Vətən müharibəsində əldə etdiyi qələbə təkcə işğal olunmuş ərazilərin azad edilməsi demək deyil. Bu həm də regionda yeni siyasi reallıqların yaranması, ədalətin bərpa olunması deməkdir. Şuşanın azad olunması müharibənin taleyini həll edən əsas məqamlardan biri oldu. Qısa müddətdə ard-arda əldə edilən qələbələr Azərbaycan Ordusunun gücünü, xalqın əzmini bütün dünyaya nümayiş etdirdi. Qələbə ilə Azərbaycan həm beynəlxalq hüququn norma və prinsiplərini təmin etdi, həm də regionda dayanıqlı sülhün əsaslarını qoydu. İşğaldan azad olunmuş torpaqlarda geniş quruculuq işlərinin aparılması, məcburi köçkünlərin yurdlarına qayıdışı bu zəfərin bəhrəsidir. Anım Günü gələcək nəsillərə böyük bir mesaj daşıyır. Bu gün hər bir gənc anlayır ki, azadlıq, müstəqillik və suverenlik böyük qurbanlar hesabına qazanılıb. Şəhidlərin fədakarlığı gənclər üçün vətənpərvərlik məktəbinə çevrilib. Onların qəhrəmanlığı həm də gələcəyin yol xəritəsidir. Bu gün məktəblərdə, ali təhsil müəssisələrində, ictimai tədbirlərdə Anım Günü xüsusi vurğulanır. Dövlətin, ordunun, xalqın birliyini möhkəmləndirən 27 sentyabr Azərbaycan gəncliyinin milli ruhda formalaşmasına xidmət edir. Anım Günü xalqımızın tarixi yaddaşının, milli birliyinin və qələbə əzminin simvoludur. Bu gün hər birimizə xatırladır ki, azadlıq və müstəqillik ən böyük sərvətdir və onu qorumaq üçün hər zaman ayıq-sayıq olmalıyıq. Qəhrəman şəhidlərimizin, igid qazilərimizin fədakarlığı nəticəsində əldə edilən qələbə Azərbaycan dövlətinin gələcək inkişafı üçün möhkəm təməl rolunu oynayır. Azərbaycan bu gün daha güclü, daha əzəmətli və daha iradəli dövlətdir. Vətən müharibəsindəki zəfər təkcə tariximizə qızıl hərflərlə yazılmadı, həm də gələcək nəsillər üçün yol göstərən bir mayaka çevrildi.
Ən əsası, 27 Sentyabr Anım Günü şəhidlərimizin ruhuna ehtiramın, xalqımızın qəhrəmanlığının və dövlətimizin sarsılmaz iradəsinin əbədi rəmzidir.
Firəddin Əhmədov,
YAP Göygöl rayon təşkilatı üzrə Göygöl rayon Təhsil Sektoru ərazi partiya təşkilatının üzvü, partiya veteranı
Xəbər lenti
Hamısına bax
YAP xəbərləri
25 Sentyabr 15:23
YAP xəbərləri
25 Sentyabr 15:13
YAP xəbərləri
25 Sentyabr 15:12
YAP xəbərləri
25 Sentyabr 15:07
YAP xəbərləri
25 Sentyabr 14:58
YAP xəbərləri
25 Sentyabr 14:44
YAP xəbərləri
25 Sentyabr 14:26
YAP xəbərləri
25 Sentyabr 13:24
İqtisadiyyat
25 Sentyabr 13:12
YAP xəbərləri
25 Sentyabr 13:08
Gündəm
25 Sentyabr 12:53
YAP xəbərləri
25 Sentyabr 12:36
Gündəm
25 Sentyabr 12:18
Siyasət
25 Sentyabr 12:09
Gündəm
25 Sentyabr 12:07
Gündəm
25 Sentyabr 12:05
Gündəm
25 Sentyabr 12:03
İqtisadiyyat
25 Sentyabr 12:03
Siyasət
25 Sentyabr 11:42
Gündəm
25 Sentyabr 11:36
İqtisadiyyat
25 Sentyabr 11:16
İqtisadiyyat
25 Sentyabr 10:58
İqtisadiyyat
25 Sentyabr 10:23
Siyasət
25 Sentyabr 09:45
Analitik
25 Sentyabr 09:17
MEDİA
25 Sentyabr 08:50
Sosial
25 Sentyabr 08:36
Gündəm
25 Sentyabr 08:12
Dünya
24 Sentyabr 23:32
Dünya
24 Sentyabr 23:17
Dünya
24 Sentyabr 22:59
Dünya
24 Sentyabr 22:23
Dünya
24 Sentyabr 21:40
YAP xəbərləri
24 Sentyabr 21:28
Sosial
24 Sentyabr 21:19
Dünya
24 Sentyabr 21:19
Mədəniyyət
24 Sentyabr 21:17
İqtisadiyyat
24 Sentyabr 21:15
Dünya
24 Sentyabr 20:53
Dünya
24 Sentyabr 20:25
Dünya
24 Sentyabr 20:10
Dünya
24 Sentyabr 19:42
İdman
24 Sentyabr 19:32
Dünya
24 Sentyabr 19:17
Mədəniyyət
24 Sentyabr 18:10
Dünya
24 Sentyabr 17:24
Sosial
24 Sentyabr 16:31
Dünya
24 Sentyabr 16:30
Dünya
24 Sentyabr 15:17
Dünya
24 Sentyabr 15:16
Siyasət
24 Sentyabr 15:03
Sosial
24 Sentyabr 14:56
Formula 1
24 Sentyabr 14:55
YAP xəbərləri
24 Sentyabr 14:47
Xəbər lenti
24 Sentyabr 14:42
Elanlar
24 Sentyabr 14:29
YAP xəbərləri
24 Sentyabr 14:10
Siyasət
24 Sentyabr 14:02
YAP xəbərləri
24 Sentyabr 13:52
Dünya
24 Sentyabr 13:50
YAP xəbərləri
24 Sentyabr 13:44
Dünya
24 Sentyabr 13:39
Gündəm
24 Sentyabr 13:06
Gündəm
24 Sentyabr 12:59
Gündəm
24 Sentyabr 12:20
Siyasət
24 Sentyabr 12:07
Elm
24 Sentyabr 12:05
Dünya
24 Sentyabr 12:02
Dünya
24 Sentyabr 12:01
Dünya
24 Sentyabr 11:59
