Macarıstanda unikal onkoloji cərrahiyyə əməliyyatı uğurla nəticələnib

Bakı:

25 °C

78 %

4 m/s

Əlaqə

AZ RU EN

Ana səhifə / Dünya / Macarıstanda unikal onkoloji cərrahiyyə əməliyyatı uğurla nəticələnib

Macarıstanda unikal onkoloji cərrahiyyə əməliyyatı uğurla nəticələnib

12.02.2025 [21:54]

Macarıstan Mərkəzi və Şərqi Avropada qalxanabənzər vəzi xərçənginin müalicəsində yeni müdaxiləli radioloji prosedurdan istifadə edən ilk ölkədir. Macarıstanda aparılan iki il yarımdan çox araşdırmalar sübut edib ki, prosedur effektivdir, xəstələr öz görünüşündə estetik nəticələr olmadan, toxumalar zədələnmədən və hormon əvəzedici terapiyaya ehtiyac olmadan sağalırlar. Xəstə üçün prosedur yalnız bir inyeksiyadan ibarətdir və o, bir neçə saat ərzində evə gedə bilər.

AZƏRTAC xəbər verir ki, bu barədə mətbuata Macarıstanın baş radioloqu Pal Akoş Deak məlumat verib.

Ən çox rast gəlinən endokrin şişlərdən biri də hər il 500-700 macarda diaqnoz qoyulan qalxanabənzər vəzi xərçəngidir. Hazırda bu növ xərçəng hallarının 90 faizi asanlıqla müalicə olunur, lakin cərrahiyyə çox vaxt bir və ya hər iki şişin çıxarılmasını nəzərdə tutur və xəstənin ömrünün sonuna qədər hormonal dərmanlar qəbul etməsini tələb edir. Qalıq çapıqlar həm də nisbətən gənc xəstələr, əsasən də qadınlar, orta yaşı 40-50 ətrafında olan xəstələr üçün psixoloji yük yaradır.

Minimal invaziv prosedurların ən son nəsli - radiotezlik ablasiyası (RFA) müdaxiləli radioloqun rəhbərliyi altında ilkin anesteziya və lokal anesteziya ilə cərrahi kəsik olmadan, habelə yalnız iynə elektrodunu daxil etməklə digər toxumalara zərər vermədən şiş hüceyrələrini məhv etməyə imkan yadadır.

Pal Akoş Deak jurnalistlərə yeni prosedurun mahiyyətini izah edib. Bu proses profilaktik müayinələr də daxil olmaqla cəmi bir saat çəkir və bir neçə saatlıq müşahidədən sonra xəstə evinə gedə və ertəsi gün işə hazır ola bilər.

Əvvəllər əməliyyatdan sonra xəstələr ən azı bir həftə dincəlməli və bir neçə gün xəstəxanada qaldıqdan sonra evə qayıtmalı idilər. Xəstəlik əməkqabiliyyətli əhalini əhatə etdiyindən, yeni müalicə həm də iqtisadi fayda verir, çünki sağalma müddətini və xəstəxanada qalma müddətini azaldır.

Həkimin izah etdiyi kimi, demək olar ki, bütün hallarda orqan əməliyyatdan sonra müstəqil olaraq hormon istehsal edə bilir. Buna görə də heç bir dərman tələb olunmur və infeksiya riski açıq cərrahiyyə ilə müqayisədə minimuma endirilir, ağırlaşma faizi isə bir faizdən azdır. Cərrahi müdaxilənin səs telinin iflici və ya qanaxma kimi ciddi yan təsirləri yoxdur. Əməliyyatdan 6, 12 və 24 ay sonra xəstələrin ultrasəs monitorinqi göstərib ki, faktiki olaraq heç bir şiş qalmayıb. Bu, radiotezlik ablasyonunun effektivliyini təsdiqləyir.

Paylaş:

Baxılıb: 537 dəfə