Ermənistanda iqtisadi tənəzzül siyasi xaosa transfer olunub

Bakı:

26 °C

78 %

8 m/s

Əlaqə

AZ RU EN

Ana səhifə / Dünya / Ermənistanda iqtisadi tənəzzül siyasi xaosa transfer olunub

Ermənistanda iqtisadi tənəzzül siyasi xaosa transfer olunub

13.01.2016 [09:30]

Vətəndaşlarla hakimiyyət arasındakı uçurum özünü daha çox ictimai-siyasi gərginlikdə göstərir
Həyata keçirdiyi işğalçı siyasətə görə regional təcrid vəziyyətinə düşən Ermənistan beynəlxalq münasibətlər sistemində forpost kimi tanınır, müstəqil daxili və xarici siyasət kursu həyata keçirmir. Belə olan halda, öz xarici siyasət strategiyasında beynəlxalq hüquq normalarını, bərabərhüquqlu əməkdaşlığı əsas götürən milli dövlətlər Ermənistanı beynəlxalq münasibətlər sisteminin müstəqil subyekti kimi qəbul etmirlər. Məhz regional miqyasda baş verən son hadisələr bir müddət öncə Qərb ilə Rusiya arasında manevr etdiyi söylənilən Ermənistanın nəinki müstəqil dövlət olmadığını, hətta hazırkı dönəmdə, sadəcə, hərbi baza, yaxud quberniya səciyyəsi daşıdığını bir daha təsdiqlədi. Son vaxtlar erməni ekspertləri, həmçinin işğalçı ölkənin mediası da Ermənistanın forpost kimi çıxış etdiyini xüsusi olaraq bəyan edirlər. Qeyd edilir ki, bu ölkənin bir müddət öncə Avrasiya İqtisadi İttifaqına (Aİİ) daxil olması da heç bir əhəmiyyət kəsb etmədi. Əksinə, hakimiyyətin gözləntilərinin sonu geopolitik iflasla nəticələndi. Bütün bu məqamlara toxunan “Tert.am” yazır ki, Ermənistanın xarici siyasəti tamamilə iflasa uğrayıb, manevr imkanları qalmayıb. Mənbədə erməni şərhçi Akop Badalyana istinad edilib və diqqətə çatdırılıb ki, Serj Sarkisyan hakimiyyətinin Ermənistanı sürüklədiyi Avrasiya fəlakətinin nəticələri artıq özünü göstərir. Ermənistanın iş adamlarına üçüncü ölkələrlə birbaşa əlaqələr qurmaq qadağan edilib. İnhisarçıların və oliqarxların parçaladığı Ermənistan biznesinə böyük maneələr yaradılıb.
“Lragir.Armenian” xəbər portalının məlumatında isə bildirilir ki, əvvəllər xaricdən külli miqdarda yardım alan Ermənistan ötən ildən etibarən ondan da məhrum olub: “2016-cı il də bu baxımdan müsbət nəticələr vəd etmir. 5 milyard dollar həcmində xarici borcu qaytarmaq üçün isə xəzinədə vəsait yoxdur”.
Əlbəttə, Ermənistanın regional və beynəlxalq miqyasda təcrid vəziyyətinə düşməsi bu ölkə daxilində mövcud olan böhranın dərinləşməsini şərtləndirir. Sirr deyil ki, işğalçı siyasət həyata keçirən, xaricdən gələn ianələrə bel bağlayan və total tənəzzülün müşahidə olunduğu Ermənistan ciddi siyasi, iqtisadi və demoqrafik böhranla qarşı-qarşıyadır. Dərin iqtisadi tənəzzül və xaos insanların həyat şəraitini olduqca çətinləşdirdiyi üçün ekspertlər işğalçı ölkədə sosial inqilab çağırışlarının aktuallaşdığını bildirirlər.
Ermənistanın sosial-iqtisadi problemləri aradan qaldırmaq üçün kifayət qədər güc və potensiala malik olmaması nəticəsində yaranan problemlər hakimiyyətlə xalq arasında ciddi qarşıdurmaya zəmin yaradır. Bütün bunları nəzərə alan bir çox ekspertlərin qənaətinə görə, müstəqil siyasət yeritməyən Ermənistanın gələcəyi sual altındadır. “Tert.am” saytı yazır ki, siyasi və iqtisadi tənəzzül ölkənin beynəlxalq aləmdə normal siyasi əlaqələrə malik olmamasından irəli gəlir. Ermənistan bu gün əməkdaşlıq yox, çox hallarda təzyiq obyektinə çevrilib.
Beləliklə, işğalçı ölkədə iqtisadi tənəzzül siyasi xaosu şərtləndirib. Vətəndaşlarla hakimiyyət arasındakı uçurum özünü daha çox ictimai-siyasi gərginlikdə, xüsusilə də etiraz aksiyalarında göstərir.
NURLAN

Paylaş:

Baxılıb: 1628 dəfə