Heydər Əliyev
yeni azerbaycan logo

Ana səhifə / Mədəniyyət / Azərbaycanın ilk peşəkar qadın rəngkarı

Azərbaycanın ilk peşəkar qadın rəngkarı

24.11.2023 [13:00]

Azərbaycan çox dahilər, çox istedadlı insanlar yetişdirib.

Onlardan biri də həyatda 41 il yaşasa da, qiymətli əsərləri ilə özünə neçə uzun illər yaşamaq haqqı qazanmış Vəcihə Səmədovadır. Bu gün onun doğum günüdür.

Görkəmli Azərbyacan rəssamı, Azərbaycanın Əməkdar İncəsənət Xadimi Vəcihə Səmədova 1924-cü ildə Bakı şəhərində doğulub. O, 1934-1944-cü illərdə Əzim Əzimzadə adına Azərbaycan Dövlət Rəssamlıq Məktəbində təhsilini bitirdikdən sonra V.İ.Surikov adına Moskva Dövlət Rəssamlıq İnstitutunun rəngkarlıq fakültəsinə - tanınmış rus rəssamı P.Korinin emalatxanasına daxil olur. Aspiranturanı bitirdikdən sonra oxuduğu institutda dərs demək təklifi alan Vəcihə Səmədova vətənə qayıtmağı üstün tutaraq müstəqil yaradıcılığa başlayır.

V.Səmədova həmkarı və həyat yoldaşı Lətif Feyzullayevlə birgə yaradıcılıq ezamiyyətlərində Azərbaycanı qarış-qarış gəzərək vətənin əsrarəngiz gözəlliyini, həmvətənlərinin həyat və məişətini, əmək və qayğılarını əsərlərində ustalıqla təsvir edib.

Vəcihə Səmədova eyni zamanda əvvəllər təhsil aldığı rəssamlıq texnikumunda pedaqoji fəaliyyət göstərirdi. İstedadlı gənclərə sənətin sirlərini öyrədir, onların zövqünü formalaşdırır, öz təcrübəsi ilə bölüşürdü.

Qısa ömür yoluna baxmayaraq fitri istedada malik olan Vəcihə Səmədovanın yaradıcılığı zəngin və çoxşaxəlidir. Bakıda, Moskvada, Sofiyada dəfələrlə fərdi sərgiləri təşkil olunub və böyük uğur qazanıb. Onun tablolarındakı rəng çalarları, milli kolorit, böyük ustalıq bu əsərlərin dünya muzeylərində layiqli yer tutmasına səbəb olub.

Azərbaycan Rəssamlar İttifaqının sərgi salonu 1965-ci ildən Azərbaycanın Əməkdar incəsənət xadimi Vəcihə Səmədovanın adını daşıyır.

Mikayıl

Paylaş:
Baxılıb: 731 dəfə

Xəbər lenti

Hamısına bax

Analitik

Sosial

Gündəm

Gündəm

Sosial

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30