Dövlət Torpaq və Xəritəçəkmə Komitəsində 20 Yanvar faciəsinin 23-cü ildönümünə həsr olunmuş tədbir keçirilib

Bakı:

28 °C

65 %

12 m/s

AZ RU EN

Ana səhifə / Siyasət / Dövlət Torpaq və Xəritəçəkmə Komitəsində 20 Yanvar faciəsinin 23-cü ildönümünə həsr olunmuş tədbir keçirilib

Dövlət Torpaq və Xəritəçəkmə Komitəsində 20 Yanvar faciəsinin 23-cü ildönümünə həsr olunmuş tədbir keçirilib

19.01.2013 [03:23]

Qərib Məmmədov: 20 Yanvar faciəsi insanlığa qarşı törədilmiş ən ağır cinayətlərdən biridir
Yanvarın 18-də Dövlət Torpaq və Xəritəçəkmə Komitəsində (DTXK) 20 Yanvar faciəsinin 23-cü ildönümünə həsr olunmuş tədbir keçirilib. Öncə 20 Yanvar faciəsində həlak olmuş şəhidlərin əziz xatirəsi bir dəqiqəlik sükutla yad edilib.
Tədbiri giriş sözü ilə DTXK sədri Qərib Məmmədov açaraq bildirib ki, Azərbaycan xalqının tarixinə Qanlı Yanvar faciəsi kimi daxil olmuş 1990-cı il 20 Yanvar hadisələrindən artıq 23 il keçir: “20 Yanvar faciəsi insanlığa qarşı törədilmiş ən ağır cinayətlərdən biridir. 20 Yanvar hadisəsi zamanı 147 insan şəhid olub, 744 adam ağır xəsarət alıb, onlardan 331 nəfəri bu gün də əlil olaraq qalır”.
Qərib Məmmədov deyib ki, 20 Yanvar faciəsi Azərbaycan tarixinin qəhrəmanlıq səhifəsidir: “Çünki bu tarix Azərbaycanın müstəqil dövlət kimi tanınmasında canlarını qurban verən şəhidlərimizin qanı ilə yazılıb. Həmin dövrdə Azərbaycan informasiya blokadasında idi. Həmin günlərdə Ulu öndər Heydər Əliyev Moskvada ailəsi ilə birlikdə Azərbaycanın Daimi Nümayəndəliyinə gələrək bu qanlı faciəni törədənləri lənətləmiş, o cümlədən, SSRİ-nin rəhbəri M.Qorbaçova etirazını bildirmişdir. Ulu öndərin bu bəyanatından sonra Azərbaycanda baş verən hadisə bütün dünyaya çatdırıldı”.
Komitə sədri bildirib ki, 1990-cı il yanvar qırğını nə qədər faciəli olsa da, Azərbaycan xalqının iradəsini, mili azadlıq uğrunda mübarizə əzmini qıra bilmədi. Həmin müdhiş gecədə həlak olan Vətən oğulları Azərbaycanın tarixinə parlaq səhifə yazdılar: “Azərbaycanın müstəqilliyi və suverenliyi uğrunda şəhid olanların xatirəsini əbədiləşdirmək məqsədilə, Azərbaycan Respublikası Prezidentinin 1998-ci il 31 mart tarixli Fərmanı ilə Qanlı Yanvar faciəsi zamanı həlak olmuş Azərbaycan Respublikası vətəndaşları üçün “20 Yanvar şəhidi” fəxri adı təsis edilib və bu hadisələr zamanı həlak olmuş və həmin hadisələr nəticəsində aldığı xəsarətlərdən vəfat etmiş Azərbaycan Respublikası vətəndaşlarına “20 Yanvar şəhidi” fəxri adı verilib”.
Tədbirdə, həmçinin, “Yeni Azərbaycan” qəzetinin baş redaktoru Hikmət Bağaoğlu, Dövlət Yerquruluşu Layihə İnstitutunun əməkdaşı Nəriman Rəhimov, Dövlət Yerquruluşu Layihə İnstitutunun texniki şöbəsinin baş mütəxəssisi Yusif Bünyadov, Dövlət Torpaq Kadastrı və Monitorinqi Elm İstehsalat Mərkəzinin əməkdaşı Raya Abdullayeva, Dövlət Aerogeodeziya Müəssisəsinin əməkdaşı Sevda Şərifova və Yeni Azərbaycan Partiyası (YAP) Yasamal rayonu Ş.Mehdiyev 93a ərazi partiya təşkilatının sədri Cavid Mirzəliyev də çıxış ediblər. Qeyd olunub ki, yalnız Ulu öndərimizin Azərbaycana rəhbərlik etdiyi illərdə 20 Yanvar hadisəsi öz siyasi-hüquqi qiymətini alıb. O da bildirilib ki, Prezident İlham Əliyev 20 Yanvar şəhidlərinin hər birinin ailəsinə, həmçinin, həmin hadisələr zamanı əlil olmuş şəxslərə diqqətini əsirgəməyib, onların üzləşdiyi problemlərin həlli daim dövlətin nəzarətində olub.
Nadir AZƏRİ

Paylaş:

Baxılıb: 1166 dəfə