Sərdar Cəlaloğlu: Vətən müharibəsində iqtidar-müxalifət söhbəti ola bilməz

Bakı:

28 °C

51 %

10 m/s

Əlaqə

AZ RU EN

Ana səhifə / Siyasət / Sərdar Cəlaloğlu: Vətən müharibəsində iqtidar-müxalifət söhbəti ola bilməz

Sərdar Cəlaloğlu: Vətən müharibəsində iqtidar-müxalifət söhbəti ola bilməz

29.09.2020 [09:08]

“Hazırkı vəziyyətdə bütün siyasi partiyaların həmrəylik nümayiş etdirməsi olduqca vacibdir. Mən Prezident İlham Əliyevin xalqa müraciətini və Təhlükəsizlik Şurasının iclasındakı çıxışını diqqətlə dinlədim, Onun qətiyyətli mövqeyinin şahidi oldum. Cəbhədə qazanılan uğurlara görə ölkə Prezidentini, ordunu və xalqımızı təbrik edirəm. İnanıram ki, ordumuz sona qədər döyüşəcək və Dağlıq Qarabağ işğaldan tam azad ediləcək. Döyüşlərin getdiyi bir vaxtda müxalifətin də üzərinə vəzifələr düşür və biz bu məsuliyyətdən kənarda qalmamalıyıq. Bu, Vətən müharibəsidir, Vətən müharibəsində iqtidar-müxalifət söhbəti ola bilməz. Mən tam arxayınam ki, Dağlıq Qarabağ qısa müddətdə işğaldan azad olunacaq”. Bu fikirləri Azərbaycan Demokrat Partiyasının (ADP) sədri Sərdar Cəlaloğlu deyib.
Ermənipərəst qüvvələrin, müəyyən beynəlxalq təşkilatların müharibənin dayandırılması çağırışına münasibət bildirən partiya sədrinin fikrincə, bu, tamamilə yanlışdır. Onun sözlərinə görə, beynəlxalq hüquqda işğalçı ilə işğala məruz qalan bərabər tutula bilməz: “Kimsə bu müharibənin dayandırılmasını istəyirsə, Ermənistana müraciət etməlidir ki, işğalçı qoşunlarını torpaqlarımızdan çıxarsın. Xankəndidə Azərbaycan bayrağı dalğalanmalıdır və Azərbaycan vətəndaşlığını qəbul edən ermənilər istisna olmaqla, Qarabağda bir erməninin də izi qalmamalıdır. Eyni zamanda, Ermənistan 30 il ərzində vurduğu ziyana görə Azərbaycana təzminat ödəməli, dinc insanlara qarşı törətdiyi qətliama görə beynəlxalq məhkəməyə verilməlidir. İlk növbədə, Xankəndi azad olunmalıdır. Çünki ilanın başını əzmək lazımdır. Əminliklə deyə bilərəm ki, qələbə bizimdir. Biz ədalətli, doğru yoldayıq. Biz müxalifət partiyası olaraq Qarabağ uğrunda Prezident İlham Əliyevlə bir yerdəyik, bu məsələdə məsuliyyəti bölüşməyə hazırıq. İnanıram ki, qısa müddətdə Bakıda qələbə atəşfəşanlığı edəcəyik”.
Müxalifətin radikal qanadının siyasi partiyaların birgə bəyanatına qoşulmamasına gəlincə, S.Cəlaloğlu deyib: “Kim bizimlə bir yerdədir, onlarla irəli getməliyik. Belə bir məsələdə birlik nümayiş etdirməyənlərin mövcudluğunu unutmaq lazımdır. Əgər bu gün Vətən müharibəsi gedirsə, kimlərsə bu məsələdə həmrəylik göstərmirsə və bununla da dolayısı ilə ermənilərin əlinə işləyirsə, bu, onların vicdanına yazılan ləkədir”.
Nardar BAYRAMLI

Paylaş:

Baxılıb: 415 dəfə