Heydər Əliyev
yeni azerbaycan logo

Ana səhifə / Siyasət / Yeni Azərbaycan Partiyasının çox böyük resursları var

Yeni Azərbaycan Partiyasının çox böyük resursları var

24.09.2010 [09:48]

“Yeni Azərbaycan Partiyasının çox böyük resursları var və bu resursların qarşıdan gələn parlament seçkilərində səfərbər edilməsi irəli sürdüyümüz namizədlərin hər birinin uğur qazanmasına əhəmiyyətli kömək göstərə bilər. Ona görə də, seçki kampaniyamızın vahid strategiya və bundan irəli gələn taktika əsasında həyata keçirilməsinə üstünlük veririk”. Bu fikirləri www.yap.org.az saytına açıqlamasında YAP Sədrinin müavini-İcra katibi Əli Əhmədov deyib.
Əli Əhmədov bildirib ki, seçki prosesində bütövlükdə resursların səfərbər edilməsi və cəmlənməsi qarşıya qoyulan məqsədlərə nail olmağa bilavsitə kömək göstərir. “Əlbəttə, namizədlər müxtəlifdir, seçki dairələri müxtəlifdir. Bu və ya digər dərəcədə hər bir seçki dairəsinin ərazisində spesifik şərtlər və şəraitlər var. Bütün bunların hamısı ondan xəbər verir ki, ayrı-ayrı yerlərdə seçki reallıqları mütləq şəkildə nəzərə alınmalıdır. Amma bununla yanaşı hesab edirik ki, bizim müəyyənləşdirdiyimiz hədəflərə uyğun şəkildə, seçdiyimiz mesajlara uyğun olaraq vahid seçki-təşviqat kampaniyamız olacaq. Bu kampaniya bütün dairələr üzrə hər bir namizədimiz tərəfindən həyata keçiriləcək. Seçki təşviqatının bütün məqamları bu ümumi parametrləri özündə əks etdirəcək”, - deyə YAP Sədrinin müavini partiyanın seçki təşviqatına hazırlığını şərh edərkən vurğulayıb.
Əli Əhmədov həmçinin, qeyd edib ki, ayrı-ayrı seçki dairələrində nəzərə alınması tələb olunan xüsusiyyətlər də mütləq şəkildə göz önünə alınacaq. Əks halda, ümumi prinsipləri konkret şəraitdə həyata keçirmək kimi vacib vəzifənin öhdəsindən gəlmək mümkün olmaz.
“Beləliklə də, ümumi hədəflər, bu hədəflərə çatmaq üçün ümumi müəyyənləşdirilmiş startegiya və həmin startegiyanın hər bir namizəd tərəfindən ayrı-ayrı dairələrdə həyata keçirilməsi bizim bütövlükdə seçki kampaniyamızın ümumi mahiyyətini təşkil edir”, - deyə YAP Sədrinin müavini bildirib.

Paylaş:
Baxılıb: 1047 dəfə

Xəbər lenti

Hamısına bax

İqtisadiyyat

Xəbər lenti

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30