Müsavat Partiyasının üzvünün İsmayıllıdakı fırıldağı ifşa edildi

Bakı:

30 °C

46 %

11 m/s

Əlaqə

AZ RU EN

Ana səhifə / Siyasət / Müsavat Partiyasının üzvünün İsmayıllıdakı fırıldağı ifşa edildi

Müsavat Partiyasının üzvünün İsmayıllıdakı fırıldağı ifşa edildi

13.10.2010 [09:26]

özünü YAP üzvü kimi təqdim edərək imza yığan Dünyaxanım Cərullayevaya verilən imzalar seçicilərin müraciəti əsasında ləğv olunub
Seçki prosesinin imzatoplama kampaniyası artıq başa çatıb. Bəlli olduğu kimi, Yeni Azərbaycan Partiyasından (YAP) başqa heç bir siyasi təşkilat partiya olaraq MSK-da qeydiyyatdan keçə bilmədi. çünki digər siyasi təşkilatlar, partiya blokları seçki qanunvericiliyində tələb olunduğu kimi 60 namizədlə seçkidə iştirakı bacarmadı. Təbii ki, bunun arxasında duran ən əsas səbəb həmin namizədlərin xalq tərəfindən tanınmaması və həmin təsadüfi namizədlərin imzatoplama prosesini həyata keçirə bilməmələri oldu. Təəssüf ki, müxalifət öz bacarıqsızlığını, zəifliyini etiraf etməkdənsə, bu dəfə də hakim partiyaya və iqtidara böhtan atmaqla uğursuzluğunu kompensasiya etməyə çalışır.
Xüsusi olaraq qeyd etmək lazımdır ki, parlament seçkilərində iştirak etmək üçün müxalifətin irəli sürdüyü namizədlərin bəziləri imzatoplama prosesində, hətta seçki qanunvericiliyinə zidd hərəkətlərlə də məşğul olublar. Bununla belə, heç bir nəticə əldə edə bilməyən belələri öz saxtakarlıqlarının, yalanlarının üstünün açılmaması üçün fərqli yollara əl atır, hətta rəqiblərinə qarşı açıq şantaj kampaniyalarına da baş vururlar. Bu mənzərə 86 saylı İsmayıllı seçki dairəsində də yaranıb.
Əldə etdiyimiz məlumata görə, 86 saylı İsmayıllı Seçki Dairəsindən AXCP-Müsavat Partiyasının namizədi Dünyaxanım Cərullayeva imzatoplama kampaniyasında YAP-ın adından istifadə edib. İmza toplanan kəndlərdə özünü YAP-ın namizədi qismində təqdim edən D.Cərullayevanın yalanının üstü tez açılıb. Qaraqaya, Buynuz, Bizlan, Qoşakənd, Talıstan və başqa kəndlərdən onun namizədliyinin qeydə alınması üçün imza verən seçicilər DSK-ya müraciət ediblər. Müraciətdə bildirilib ki, D.Cərullayevanın imzatoplama kampaniyasını həyata keçirən insanlar onu YAP-ın namizədi kimi qələmə verərək insanları aldadıblar. Aldanan seçicilər isə verdikləri imzaların ləğv edilməsi xahişi ilə DSK-ya müraciət ediblər. Oktyabrın 11-də isə 86 saylı İsmayıllı Dairə Seçki Komissiyası müraciətləri araşdırıb və təqdim olunan faktların sübut olunması qənaətinə gəlib. Ona görə də, D.Cərullayevanın namizədliyinin qeydə alınmaması haqda qərar qəbul edib.
Məsələ ilə bağlı qəzetimizə açıqlama verən YAP İsmayıllı rayon təşkilatının sədri, YAP Mərkəzi seçki qərargahının İsmayıllı rayon şöbəsinin rəhbəri Əzizə Vahabova da bu faktı təsdiqləyib. O, özünü Müsavat Partiyasının sədrinin müşaviri kimi təqdim edən D.Cərullayevanı rayonda heç kimin tanımadığını və ciddi şəxs kimi qəbul olunmadığını bildirib. Onun sözlərinə görə, həqiqətən də AXCP-Müsavat seçki bloku tərəfindən parlament seçkilərində namizəd kimi irəli sürülən bu şəxs insanları aldadaraq özünə imza toplamağa cəhd göstərib: “Dünyaxanım Cərullayeva görəndə ki, ona imza verən yoxdur, kəndlərdə insanları aldadaraq özünü YAP-ın namizədi kimi qələmə verib və imza toplayıb. Bu qadın, hətta Talıstan və Qaraqaya kəndlərində imza toplamaq üçün qohumlarının məktəbli uşaqlarından istifadə edib. Sonradan onun yalanından xəbər tutan, bu qadının YAP ilə heç bir əlaqəsinin olmadığını bilən insanlar DSK-ya müraciət edərək məsələyə aydınlıq gətiriblər və öz hüquqlarını qoruyublar. Onun imzatoplama kampaniyasına qardaşı, usta Məcid rəhbərlik edib”.
Ə.Vahabova bildirib ki, D.Cərullayeva orta təhsilli klub işçisidir və qardaşı da daxil olmaqla, kəndlərdə yalandan deyiblər ki, guya bacıları YAP-da yüksək vəzifə tutur, bu kəndlərə yol çəkdirəcək: “Onlar insanlardan imza almaq üçün min bir yalan uydurublar. Sonradan xəbər tutan seçicilərin DSK-ya müraciəti olub və bu məsələ araşdırılıb. Dünyaxanım Cərullayevanın yalanları ifşa olunandan sonra onun qardaşı yenidən kəndlərdə imza verən şəxslərə təzyiq göstərib”.
Pərviz SADAYOÄžLU

Paylaş:

Baxılıb: 1218 dəfə