Beynəlxalq təşkilatlar niyə susur?

Bakı:

28 °C

51 %

9 m/s

Əlaqə

AZ RU EN

Ana səhifə / Siyasət / Beynəlxalq təşkilatlar niyə susur?

Beynəlxalq təşkilatlar niyə susur?

21.12.2022 [10:23]

Şuşa-Laçın yolundakı etiraz aksiyası beynəlxalq təsisatların diqqət mərkəzində olmalıdır

Şuşa-Laçın yolunda Azərbaycan ictimaiyyətinin etiraz aksiyası artıq 9-cu gündür ki, davam edir. Xatırladaq ki, dekabrın 3-dən etibarən Azərbaycan Respublikası İqtisadiyyat Nazirliyi, Ekologiya və Təbii Sərvətlər Nazirliyi, İqtisadiyyat Nazirliyi yanında Əmlak Məsələləri Dövlət Xidməti və “AzerGold” Qapalı Səhmdar Cəmiyyətinin mütəxəssislərindən ibarət heyət Rusiya sülhməramlı kontingentinin müvəqqəti yerləşdiyi Azərbaycan Respublikası ərazilərində faydalı qazıntı yataqlarının qanunsuz istismarı, bundan irəli gələn ekoloji və digər törəmə fəsadlar ilə bağlı sülhməramlı kontingentin komandanlığı ilə danışıqlar aparıblar. Amma Azərbaycanın Rusiya sülhməramlı kontingentinin müvəqqəti yerləşdiyi ərazilərdə faydalı qazıntı yataqlarının qanunsuz istismarı və onun törətdiyi fəsadlarla bağlı ilkin monitorinqi növbəti erməni təxribatı nəticəsində baş tutmayıb. Sülhməramlı kontingentin komandanlığı ilə Azərbaycan tərəfi arasında monitorinqə başlamaq barədə razılıq əldə olunsa da Qarabağdakı qanunsuz erməni dəstələrinin təxribatı buna imkan verməyib. Bu baxımdan, Azərbaycanın vətəndaş cəmiyyətinin nümayəndələrinin və ekologiya fəallarının Şuşa-Laçın yolunda həyata keçirdiyi etiraz aksiyası Azərbaycan ictimaiyyətinin haqlı narazılığının göstəricisidir.

Bəli, Azərbaycanın vətəndaş cəmiyyətinin nümayəndələrinin və ekofəalların Şuşa-Laçın yolunda həyata keçirdiyi etiraz aksiyası haqlı tələblərə söykənir. Rusiya Federasiyası sülhməramlı kontingentinin müvəqqəti yerləşdiyi Azərbaycan ərazilərində təbii sərvətlərin qeyri-qanuni istismarı, habelə ekoloji vəziyyətin pisləşməsi ilə bağlı ilkin monitorinqin keçirilməsi Azərbaycanın haqqıdır. Amma Azərbaycan Respublikası dövlət qurumlarının nümayəndələrinin və mütəxəssislərin monitorinq məqsədiylə əraziyə girişinə maneçilik törədildi. Bunun da səbəbləri bəllidir. Həmin ərazidə təbii sərvətlərimiz talan edilir. Keçirilən aksiyada da əsas tələb ondan ibarətdir ki, qeyri-qanuni istismar dayandırılmalı, bütün təbii sərvətlərin istismarı Azərbaycan Respublikası qanunvericiliyi əsasında həyata keçirilməlidir.

Maraqlıdır ki, artıq 9 gündür davam edən aksiya ilə bağlı beynəlxalq təşkilatlar susqunluq nümayiş etdirirlər. Hər zaman etiraz aksiyalarını izləməyi “xoşlayan” beynəlxalq təsisatların yerli qurumları da gözə dəymir. Bu biganəlik haradan qaynaqlanır?

Məsələ ilə bağlı fikirlərini “Yeni Azərbaycan”a bölüşən politoloq İlqar Vəlizadənin fikrincə, baş verənlər, Şuşa-Laçın yolundakı vəziyyət beynəlxalq təşkilatların diqqət mərkəzində olmalıdır. Çünki baş verən proseslər ekoloji böhrandan qaynaqlanır: “Eyni zamanda, həmin ərazilər də ermənilər tərəfindən minalanıb və təmizlənməyib. Həmin region da minalarla çirkləndirilmiş zonalara aid edilməlidir. Digər tərəfdən, bu ərazilərdə ekoloji cinayətlər baş verir. Azərbaycanın sərvətləri talanır, təbii mühitə böyük zərbələr vurulur. Təəssüflər olsun ki, bununla bağlı beynəlxalq təşkilatlar, təsisatlar susurlar. Əslində onların bu susqunluğu da bizim üçün yeni bir şey deyil. 30 ilə yaxın davam etmiş işğal dövründə də Azərbaycan bu kimi yanaşmalarla üzləşib. Biz dəfələrlə müxtəlif təsisatlara, təşkilatlara müraciətlər etmişik, gəlib problemi öz gözləri ilə görmələrini istəmişik, yerində araşdırma aparılmasını tələb etmişik. Amma həmin təşkilatlar susublar, bu fəlakətləri görmək istəməyiblər. Hətta müharibədən sonra ermənilərin törətdikləri vandallıqlarla bağlı müraciətlər etmişik. Bir çox təşkilatlar bu müraciətlərə reaksiya vermədilər. Bu biganəlik isə bir çox hallarda ermənipərəst mövqe ilə izah edilir. Beləliklə də, həmin təşkilatlar öz real niyyətlərini ortaya qoyurlar. Biz bu acınacaqlı vəziyyəti illərdir ki, müşahidə edirik. Bu isə ermənilərə daha rahat şəkildə öz azğın siyasətlərini davam etdirməyə imkan yaradır”.

P.İSMAYILOV

Paylaş:

Baxılıb: 561 dəfə