Fransanın Cənubi Qafqaz “planı”...

AZ RU EN

Ana səhifə / Siyasət / Fransanın Cənubi Qafqaz “planı”...

Fransanın Cənubi Qafqaz “planı”...

14.11.2023 [11:00]

Parisin İrəvanı silahlandırmaq niyyətinin əsl səbəbləri

Fransanın beynəlxalq miqyasda Azərbaycana qarşı apardığı kampaniyalar ard-arda iflasa uğrayır. Zaman-zaman davam etdirilmiş, II Qarabağ Müharibəsindən, xüsusilə bu ilin sentyabrında baş tutan lokal antiterror tədbirlərindən sonra daha ?? intensivləşdirilmiş siyasi-hərbi “gedişlər” isə hər zaman olduğu kimi ermənipərəst marağa əsaslanır. Belə ki, Azərbaycanın mühüm qələbə əldə etməsi, Ermənistanın isə məğlub olaraq kapitulyasiya imzalaması, separatçı rejimin ləğvi Fransanın illərdir regionda davam etdirməyə çalışdığı “status-kvo” oyununu pozub. Müharibə dövründə, eləcə də post-müharibə zamanında fərqli üsullarla Azərbaycana qarşı “təzyiq kampaniyası” yürütməyə çalışan rəsmi Paris isə özünün hücumlarının taktikasını dəyişməyə çalışır. Aparılan ermənipərəst siyasət fərqli məcrada davam etdirilir. Bu dəfə Ermənistan açıq şəkildə silahlandırılır.

Silahlar Ermənistana göndərilir...

Üzərinə götürdüyü öhdəlikləri yerinə yetirməyən, regionda sülhün formalaşmasına mane olan İrəvan Paris tərəfindən silahlandırılır və müharibəyə təhrik olunur. “Əməkdaşlıq” fərqli formatda inkişaf etdirilir - Parisin işğalçı Ermənistana “silah” yardımı işğalı stimullaşdırmaqdır.

“Caliber”-in etibarlı mənbələrdən əldə etdiyi məlumata görə, Fransanın hərbi texnikası Ermənistana “yol alıb”. Ermənistan Silahlı Qüvvələri üçün nəzərdə tutulan “Acmat” şirkətinin istehsalı olan Fransanın çoxməqsədli “Bastion” zirehli texnikası yola salınıb. “Bastion” üçün komponentlər də göndərilib - göndərən Fransanın “ARQUUS” şirkətidir.

Fransanın əsl planı...

Bəli, Fransa dərk edir ki, antiterror tədbirlərinin uğurla nəticələnməsi, xunta rejiminin çökdürülməsi Parisin regiona təsir imkanlarını tam şəkildə əlindən alıb. Vaxtilə separatçı rejimlə “hərtərəfli əlaqələr” saxlayan, onların həm maddi şəkildə maliyyələşdirilməsində, həm də silahlandırılmasında aktiv rol alan Paris artıq oyundankənar vəziyyətə düşüb. Bu səbəbdən də Ermənistanı yenidən müharibəyə təhrik etməklə Paris Cənubi Qafqazın əməkdaşlıq məkanına çevrilməsinə mane olmaq istəyir.

Ermənistan isə əlinə düşən imkandan maksimum yararlanmamaqla yenidən səh?ə yol verir - İrəvan Azərbaycanın sülh təkliflərinə pozitiv cavab verməməklə özünü dalan dövlət statusundan xilas etmək niyyətində olmadığını ortaya qoyur. Təbii ki, Fransanın Ermənistanı qeyri-qanuni şəkildə silahlandırması anlaşılandır - İrəvan Azərbaycanla sülhə imza atacağı təqdirdə Fransanın regiondakı “siyasi caynaqları” birdəfəlik qırılacaq. Təbii ki, Paris buna razı deyil və yeni mərhələdə Ermənistanın silahlandırılması da bunun qarşısının alınması, başqa sözlə Cənubi Qafqazda sülhə nail olunmaması cəhdi kimi qiymətləndirilməlidir.

Parisin “sülh pərdəsi”...

Bu kimi amillər Paşinyanın Paris səfərində də özünü tam şəkildə biruzə verdi. Əslində VI Paris Sülh Konfransı adı altında təşkil olunan toplantı Fransanın mənəvi əskiklərini ört-basdır etmək arzusudur. Fransanın “təşkil etdiyi” “sülh konfransı”nın “qonağı” olan Paşinyanın sülhlə bağlı “baxışları” hər kəsə bəllidir. Makron-Paşinyan cütlüyü bu gün dünyada sülhə və təhlükəsizliyə ən böyük təhdid ola-ola utanmadan “sülhdən” danışırlar. Eyni mərəzə - “omi(a)kron” mərəzinə tutulan və bu illətdən qurtula bilməyən Ermənistan və Fransa sülh prosesinə mane olmaq üçün bütün vasitələrə, yollara əl atırlar. Makron - Paşinyan danışıqlarının motivinə diqqət yetirsək maraqlı bir mənzərə ilə üz-üzə qalırıq:

- Ermənistanla Fransa arasında ikitərəfli münasibətlərin güclənməsi;

- Avropa İttifaqı ilə əməkdaşlığa dair məsələlər.

Fransa ilə Ermənistan arasında “ikitərəfli münasibətlər” bu gün silahlandırma, bölgədə yeni eskalasiya yaratmaq niyyəti, sabitliyə təhdid, inkişafa mane olmaq kimi tezislər üzərindən inkişaf etdirilir. Ermənistan Fransanın bu iyrənc davranışını “ikitərəfli əlaqə” kimi qələmə verməyə çalışsa da, mənzərə ortadadır. Bu “əlaqələrin” nüvəsində yalnız və yalnız şəxsi korporativ maraqlar dayanır ki, bu maraqların təmini üçün Ermənistan bu gün uçuruma sürüklənir.

Avropa İttifaqı ilə “əməkdaşlıq” məsələsi də eyni qəbildən izah olunur - yəni, bu gün mərkəzçi Avropanın “adından” danışmağı özü üçün “qeyri-formal vəzifə” elan etmiş Fransa Ermənistanı məhz bu yolla aldadır - gəlişi gözəl sözlərlə Ermənistanı güzgüdə özünü ilğım şəklində daha böyük görməyə “vadar edir”. Bunun əsl adı isə “əməkdaşlıq” pərdəsi ilə gizlədilir. Ermənistan bu gün “mülki missiya” adı altında ölkəsinin sərhədləri daxilinə yerləşdirdiyi “yarımjandarmeriya” kəşfiyyatçılarını “maskalamaq” üçün məhz Aİ ilə arasında hansısa əməkdaşlığın olduğunu sübut etməyə çalışır. Bu isə boş bir xəyaldır. Fransanın əsl niyyəti Cənubi Qafqazda nail olunmasına çalışılan sülhə gedən yolu qəlizləşdirməyə çalışmaq, buna mane olmaqdır.

S.İSMAYILZADƏ

Paylaş:

Baxılıb: 241 dəfə