Normal həyata dönmək üçün vətandaş olaraq səbrli olmalı və karantin qaydalarına tam riayət etməliyik

Bakı:

22 °C

88 %

9 m/s

AZ RU EN

Ana səhifə / Sosial / Normal həyata dönmək üçün vətandaş olaraq səbrli olmalı və karantin qaydalarına tam riayət etməliyik

Normal həyata dönmək üçün vətandaş olaraq səbrli olmalı və karantin qaydalarına tam riayət etməliyik

09.06.2020 [16:23]

Bilindiyi kimi, 8 iyun 2020 tarixinə qədər dünyanın 200-dən çox ölkəsində koronavirusa (COVID-19) 7 milyondan çox insan yoluxub. Xəstəliyə düçar olanlardan 500 minə yaxın insan həyatını itirib. Xəstəliklə bağlı çox sayda elmi araşdırmalar aparılsa da, bu günə qədər dünyada koronavirusu birbaşa məhv edən dərman və ya virusun yayılmasının qarşısını alan peyvənd tapılmayıb.

Keçmişdən bu günə qədər elmi tədqiqatlar göstərir ki, yoluxucu xəstəliklərə qarşı ən effektiv mübarizə, özünü başqa insanlardan təcridetmə, yəni şəxsi karantin tətbiq etməkdir. Bu anlayışa, yoluxucu xəstəliklərə qarşı mübarizədə "dərmansız üsul" deyilir. Qısacası bunu, “biz virusa getməsək, virus bizə gəlməyəcək, xəstələnməyəcəyik və həmdə xəstəliyin yayılmasının qarşısı alınacaq"şəklində açıqlamaq mümkündür.

COVID-19-un ən təhlükəli tərəfi budur ki koronaviruslu insanların 70-80%-ində xəstəliyin əlamətləri görünmür. Bu səbəbdən xəstəliyin daşıyıcıları bilmədən digər insanlara xəstəliyi yoluxdura bilirlər. Məhz bu, təhlükənin nə qədər böyük olduğunu bizə göstərir. Ona görə də hər insan özünü ya da qarşısındaki insanı koronaviruslu xəstə hesab etməlidir ki, xəstəliyin yayılmasının qarşısı alına bilsin. Beləliklə, xəstəliklə mübarizə etməyi özümüzdən başlamalıyıq.

Digər tərəfdən ictimaiyyət arasında bəzi yanlış inançlar da vardır. Misal üçün, deyilir ki, sadəcə yaşlı ve xroniki xəstəlikləri olan insanlar virus səbəbindən həyatını itirir. Bu doğru yanaşma deyil. Çünkü həqiqət budur ki, COVID-19 xəstəsi virusdan ölür. Bu virus heç bir xəstəliyi olmayan gənc insanları da öldürür. Ancaq əlbəttə ki, 65 yaşından yuxarı və digər xəstəlikləri olanlarda ölüm riski daha yüksək olur.

Dövlətimiz koronavirus pandemiyasına qarşı təqdirəlayiq mübarizə aparan ölkələr sırasındadır. Biz bir azərbaycanlı kimi, bununla fəxr etməli və bu mübarizədə dövlətimizin yanında olmalıyıq. Özümüzü digər insanlardan təcrid edərək, maska taxaraq ve rəsmi qurumların göstərişlərinə diqqət yetirərək virusa birlikdə qalib gəlmək imkanımız vardır. Karantin rejiminin ləğvi hər şeyin normal vəziyyətə dönməsi mənasına gəlmir. Hər bir insan şəxsən xəstəliyə qarşı tədbir görməz isə arzu olunmaz nəticələrlə üzləşə bilər.

İlk gündən etibarən koronavirus pandemiyasına qarşı mübarizəni daim diqqətdə saxlayan, tövsiyyə və göstərişləri ilə vətəndaşların həyatı naminə mühüm qərarlar alan cənab Prezidentimizə, virusa qarşı mübarizə çərçivəsində hər gün cəmiyyətə məlumat verən səlahiyyətli şəxslərə, bütün səhiyyə işçilərinə və əməyi keçən hər kəsə dərin təşəkkürümüzü bildiririk.

Oruc Allahverdiyev

Tibb elmləri üzrə fəlsəfə doktoru

Paylaş:

Baxılıb: 444 dəfə