Heydər Əliyev
yeni azerbaycan logo

Ana səhifə / YAP xəbərləri / Azərbaycan hədəflərinə nail oldu

Azərbaycan hədəflərinə nail oldu

14.05.2024 [11:27]

Vüsal Hüseynov

YAP Xocavənd rayon təşkilatının sədri

Ermənistan silahlı qüvvələri Azərbaycan torpaqlarını işğal etməsi, azərbaycanlıları doğma yurd-yuvalarından didərgin salması ilə yanaşı, ölkəmizin iqtisadiyyatına və mədəni irsinə də ağır zərbə vurmuşdu. Bir milyondan çox azərbaycanlı 30 il ərzində qaçqın və köçkün həyatı sürməyə məcbur olub. Ermənistan bu müddət ərzində işğal altında saxladığı Azərbaycan ərazilərini acınacaqlı vəziyyətə salıb, şəhər və kəndlərdə infrastrukturu tamamilə məhv edib.

Azərbaycan bu dəfə də öz istəyinə, hədəflərinə nail oldu. Belə ki, Azərbaycan ordusu 19 sentyabr 2023-cü ildə lokal xarakterli antiterror tədbirlərinə başladı. Bir gün çəkən antiterror əməliyyatı zamanı ermənilərə məxsus təxribatçı hərbi birliklər məhv edildi və 2023-cü il sentyabrın 20-də saat 13:00-da müvafiq şərtlər altında lokal xarakterli antiterror tədbirlərinin dayandırılması barədə razılıq əldə olundu.Ermənilər qüdrətli Ordumuz qarşısında sadəcə 24 saat tab gətirə bildi.

Beləliklə, Qarabağdakı qeyri-qanuni erməni silahlı dəstələri ağ bayraq qaldıraraq təslim oldular. Razılaşmaya əsasən, Qarabağda yerləşən Ermənistan silahlı qüvvələrinin birləşmələri, qeyri-qanuni erməni silahlı dəstələri silahı yerə qoyur, döyüş mövqelərindən və hərbi postlardan çıxır, eləcə də tam şəkildə tərksilah olunurlar. Ermənistan silahlı qüvvələrinin birləşmələri Azərbaycan ərazilərini tərk edir, qeyri-qanuni erməni silahlı dəstələri buraxılır.

Əslində bu, 10 noyabr 2020-ci ildə Azərbaycan, Rusiya və Ermənistan arasında imzalanan üçtərəfli Bəyanata uyğun olaraq həyata keçirilməli idi.

Xatırladaq ki, 2020-ci ildə olduğu kimi yenə də təslim oldular. Biz bir daha gücümüzü göstərdik, əgər tələblərimiz yerinə yetirilməsə, yenə təxribatçı əməllərinə davan etsələr “Dəmir yumruq”la qətiyyətlə məhv ediləcəklər.

Paylaş:
Baxılıb: 120 dəfə

Xəbər lenti

Hamısına bax

Ədəbiyyat

Mədəniyyət

Siyasət

Siyasət

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31