YAP öz gücünü xalqın dəstəyindən alır

Bakı:

26 °C

78 %

8 m/s

Əlaqə

AZ RU EN

Ana səhifə / YAP xəbərləri / YAP öz gücünü xalqın dəstəyindən alır

YAP öz gücünü xalqın dəstəyindən alır

09.08.2024 [20:56]

2024-cü il sentyabrın 1-də Azərbaycan Respublikası Milli Məclisinə keçiriləcək növbədənkənar seçkilərin təşviqat mərhələsi çərçivəsində avqustun 9-da Yeni Azərbaycan Partiyasının 25 saylı Nizami ikinci seçki dairəsindən deputatlığa namizədi, YAP Sədrinin müavini Əli Əhmədovun şəhid ailələrinin üzvləri, qazilər və müharibə veteranları ilə görüşü keçirilib.

Görüşdən öncə Əli Əhmədov Ulu Öndər Heydər Əliyevin abidəsini, Keşlə Şəhidlər Xiyabanını və Vətən müharibəsi şəhidlərinin xatirə kompleksini ziyarət edib.

Tədbirdə Ulu Öndər Heydər Əliyevin, ölkəmizin ərazi bütövlüyü və suverenliyi uğrunda mübarizədə canlarını qurban vermiş şəhidlərimizin xatirəsi bir dəqiqəlik sükutla yad edilib.

Görüşü giriş sözü ilə açan YAP Nizami rayon təşkilatının sədri Ramil Vəlibəyov Yeni Azərbaycan Partiyasının parlament seçkilərinə “Yeni dövrə Yeni Azərbaycanla!” şüarı ilə qatıldığını diqqətə çatdırıb. O, partiyanın hər zaman bütün seçkilərə yüksək səviyyədə hazırlaşdığını vurğulayaraq YAP-ın bu dəfə də möhtəşəm qələbə qazanacağına inamını ifadə edib.

Çıxış edən deputatlığa namizəd Əli Əhmədov əvvəlcə YAP-ın seçki platforması haqqında ətraflı məlumat verib. O bildirib ki, Prezident İlham Əliyevin liderliyi ilə Azərbaycanın siyasi, iqtisadi imkanları genişləndirilib, ölkəmizin beynəlxalq arenadakı mövqeləri möhkəmləndirilib, bütün sahələr üzrə dinamik inkişaf qeydə alınıb. İnsanların rifah halı daha da yaxşılaşıb və xalqa verilən vədlər yerinə yetirilib.

Deputatlığa namizəd qeyd edib ki, YAP aparıcı siyasi qüvvə kimi bütün imkanlarını dövlət və xalqa naminə səfərbər edərək Azərbaycanın qazandığı davamlı uğurlara öz layiqli töhfəsini verib. Təsadüfi deyil ki, Yeni Azərbaycan Partiyası bu zamana qədər qatıldığı bütün seçkilərdə qələbə qazanıb. Prezident, Milli Məclis və bələdiyyə seçkilərinin nəticələri bütövlükdə Yeni Azərbaycan Partiyasının üstün nüfuzunu, xalqın bu partiyaya inamını göstərən başlıca amillərdəndir. Ölkədə YAP-a rəqib ola biləcək hər hansı bir siyasi qüvvə mövcud deyil. Bu, hər şeydən əvvəl Yeni Azərbaycan Partiyasının öz gücünü xalqın dəstəyindən aldığını göstərir. “Ümummilli Liderimiz Heydər Əliyevin qeyd etdiyi kimi, Yeni Azərbaycan Partiyası dünənin, bu günün və gələcəyin partiyasıdır. Potensialı, real addımları və bacarıqlı kadrları ilə xalqa xidmət edən partiyamızın gücü onun siyasi proseslərdəki mühüm rolu, iştirakı və qələbəsi ilə ölçülür. Partiyanın gücü onun ideologiyasındadır, xalqın rəğbətini, sevgisini qazanmasında, böyük sosial bazaya malik olmasında və seçkilərdə parlaq qələbələr əldə etməsindədir”, - deyə Əli Əhmədov vurğulayıb.

Əli Əhmədov çıxışında seçiciləri parlament seçkilərində fəal iştirak etməyə və ən layiqli namizədə səs verməyə çağırıb.

Tədbirdə, həmçinin Milli Qəhrəman Eldar Xəlilovun anası Tərlan Xəlilova, Vətən müharibəsi qazisi Emin Eminov, YAP Nizami rayon təşkilatının təşviqat qrupunun üzvlərindən Milli Qəhrəman Yuriy Kovalyovun qızı Regina Kovalyova, Azərbaycan Qarabağ Müharibəsi Əlilləri, Veteranları və Şəhid Ailələri İctimai Birliyinin Nizami rayon şöbəsinin sədri Məhi Mehtiyev, “Milli Qəhrəmanları Tanıtma” İctimai Birliyinin Nizami rayon şöbəsinin sədri Ədhəm Məmmədov və digərləri çıxış ediblər.

Çıxış edən seçicilər 1 sentyabr seçkilərində YAP-ın namizədinə səs verəcəklərini vurğulayıblar.

Həmin gün deputatlığa namizəd Əli Əhmədov şəhid Zakir Cəfərovun ailəsini ziyarət edib, seçki dairəsinin ən yaşlı seçicisi Xədicə İsmayılova ilə görüşüb.

Paylaş:

Baxılıb: 596 dəfə