Qusarda Ümummilli lider Heyər Əliyevin xatirəsi anıldı

Bakı:

21 °C

73 %

7 m/s

Əlaqə

AZ RU EN

Ana səhifə / YAP xəbərləri / Qusarda Ümummilli lider Heyər Əliyevin xatirəsi anıldı

Qusarda Ümummilli lider Heyər Əliyevin xatirəsi anıldı

12.12.2025 [20:14]

Dekabrın 12-də Yeni Azərbaycan Partiyası (YAP) Qusar rayon təşkilatının və Qusar rayon İcra Hakimiyyətinin birgə təşkilatçılığı ilə “Konstitusiya və Suverenlik İli” çərçivəsində “Heydər Əliyevin zəngin dövlətçilik irsi və müasir Azərbaycan” mövzusunda tədbir keçirilib.
Əvvəlcə Ulu Öndər Heydər Əliyevin büstü önünə gül dəstələri düzülüb.

Daha sonra Heydər Əliyev muzeyinə və kitab sərgisinə baxış keçirilib. Rayon Heydər Əliyev Mərkəzində keçirilən tədbirdə əvvəlcə Ulu Öndər Heydər Əliyevin, Azərbaycanın ərazi bütövlüyü və suverenliyi uğrunda canlarını qurban vermiş şəhidlərin əziz xatirəsi bir dəqiqəlik sükutla yad edilib. Sonra Azərbaycan Respublikasının Dövlət Himni səsləndirilib.

Ulu Öndər Heydər Əliyevin fəaliyyətindən bəhs edən sənədli film nümayiş etdirilib. Tədbiri giriş sözü ilə açan YAP Qusar rayon təşkilatının sədri David İbramxəlilov Ulu Öndər Heydər Əliyevin tarixi xidmətlərindən bəhs edib. O qeyd edib ki, Azərbaycanın inkişaf strategiyasının müəllifi Ümummilli Lider Heydər Əliyevdir. Ulu Öndərin layiqli davamçısı Prezident İlham Əliyevin rəhbərliyi ilə həyata keçirilən müdrik siyasət nəticəsində Azərbaycan qüdrətli və qalib ölkəyə çevrilib. Əldə olunan uğurların zirvəsində işğal altındakı torpaqlarımızın azad edilməsi, ərazi bütövlüyümüz və suverenliyimizin bərpası dayanır.

Tədbirdə çıxış edən Qusar rayon İcra Hakimiyyətinin başçısı Sahir Məmmədxanov ölkəmizin inkişafında Ulu Öndər Heydər Əliyevin misilsiz rolundan danışıb. Sahir Məmmədxanov bildirib ki, Heydər Əliyev müstəqil Azərbaycan dövlətinin memarı kimi adını tariximizə əbədi həkk etdirib.Bu gün məhz Ulu Öndər Heydər Əliyevin qurucusu olduğu müstəqil Azərbaycan Prezident İlham Əliyevin rəhbərliyi ilə inkişaf edir, yeni zirvələr fəth edir. Uzun illər həm iqtisadi, siyasi, hərbi, həm də diplomatik sahədə həyata keçirilən məqsədyönlü siyasət nəticəsində Azərbaycan Vətən müharibəsində şanlı Qələbə qazandı, lokal xarakterli antiterror tədbirləri nəticəsində ölkəmizin suverenliyi tam bərpa olundu.

Milli Məclisin deputatı, YAP İdarə Heyətinin üzvü, Milli Məclisin İqtisadi siyasət, sənaye və sahibkarlıq komitəsinin sədr müavini, Azər Badamov çıxış edərək Ümummilli lider Heydər Əliyevin xalqımız qarşısında misilsiz xidmətlər göstərdiyini deyib.Azərbaycan xalqı çox xoşbəxtdir ki, Heydər Əliyev kimi dahi Lideri olub. Biz müstəqil ölkənin vətəndaşı olaraq çox çətin yollardan keçmişik. Bu müstəqilliyin qorunması və möhkəmlənməsi Ümummilli Liderin xidmətləri sayəsində mümkün olub.Ulu Öndər Heydər Əliyev müstəqil Azərbaycanı həm yaradan, həm möhkəmləndirən, dünyada tanıdan, həm də gələcəyə doğru uğurla aparan şəxsiyyət idi.

Azər Badamov qeyd edib ki, Azərbaycan dövlət müstəqilliyini bərpa etdikdən sonra xalqın təkidli tələbi ilə hakimiyyətə qayıdan Ulu Öndər Heydər Əliyev çətin anlarda xalqına dayaq oldu.O bütün ömrünü Azərbaycana, Azərbaycan xalqına həsr edib.

O, Ümummilli lider Heydər Əliyevin ideyalarına sadiq qalan Azərbaycan Prezidenti İlham Əliyev Azərbaycanı daha da gücləndirdiyini, möhkəm siyasi iradə, güclü ordu quruculuğu və balanslaşdırılmış xarici siyasət nəticəsində ölkəmizin ərazi bütövlüyü tam bərpa olunduğunu qeyd etmişdir. Qarabağ və Şərqi Zəngəzurda aparılan genişmiqyaslı bərpa və quruculuq işləri isə Azərbaycanın gücünü bütün dünyaya göstərir.

Tədbirdə çıxış edən rayon ziyalıları Zahid Həsənov və Zahir Mustafayev, Qusar Peşə liseyinin əməkdaşı Firəngiz Qazıyeva və fəal gənc Bahaddin Osmanov bu gün qüdrətli və qalib Azərbaycan reallığı Ulu Öndər Heydər Əliyevin əbədiyaşar ideyalarının və tükənməz dövlətçilik irsinin nəticəsi olaraq, həm sovet dövründə, həm də müstəqillik illərində ölkəyə rəhbərliyi dövründə xalqın taleyüklü inkişafına xidmət edən ardıcıl siyasət həyata keçirildiyini vurğulamışdır.

Paylaş:

Baxılıb: 638 dəfə