Ağstafada “20 Yanvar - Ümumxalq Hüzn Günüdür” mövzusunda tədbir keçirilib

Bakı:

28 °C

57 %

5 m/s

Əlaqə

AZ RU EN

Ana səhifə / YAP xəbərləri / Ağstafada “20 Yanvar - Ümumxalq Hüzn Günüdür” mövzusunda tədbir keçirilib

Ağstafada “20 Yanvar - Ümumxalq Hüzn Günüdür” mövzusunda tədbir keçirilib

19.01.2026 [12:01]

17 yanvar 2026-cı il tarixində Yeni Azərbaycan Partiyası Ağstafa rayon təşkilatı tərəfindən “Tatlı kənd” və “Göycəli kənd” Ərazi Partiya Təşkilatlarından olan partiya fəallarının iştirak ilə 20 Yanvar faciəsinin 36-cı ildönümü münasibətilə “20 Yanvar - Ümumxalq Hüzn Günüdür” mövzusunda tədbir keçirilib.

Tədbirdə ilk öncə ümummilli lider Heydər Əliyevin və Azərbaycanın ərazi bütövlüyü uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad edilib.

Tədbiri giriş sözü ilə açan YAP Ağstafa rayon təşkilatının əməkdaşı Tağı İmamverdiyev qeyd edib ki, Tarix boyu Azərbaycan xalqı heç vaxt zülmə, müstəmləkəyə boyun əyməyib. Xalqımız Vətən uğrunda, torpaq uğrunda, hər zaman bu amal uğrunda birləşib, mübarizə aparıb. Bu yolda qurbanlar verdik, şəhidlərimiz oldu, ancaq müstəmləkəyə boyun əymədik. 1990-ci il 20 yanvar tarixi həm ümumxalq faciəsi, həm də müstəqillik, istiqbal uğrunda xalqımızın apardığı milli azadlıq hərəkatının zirvəsi kimi Azərbaycan tarixinə şanlı bir səhifə kimi yazıldı. Azərbaycan xalqı 1990-ci ilin yanvarında Azərbaycanın azadlığı uğrunda öz canını fəda vermiş insanları heç vaxt unutmayacaq. Bu insanların xatirəsi hər zaman anılacaq.

Daha sonra çıxış edən natiqlər – veteran partiyaçı Məmməd Məmmədov, “Tatlı kənd” tam orta ümumtəhsil məktəbinin direktor müavini Aqşin Quliyev və “Göycəli kənd” Ərazi Partiya Təşkilatının sədri Vasif Hüseynov bildirib ki, Azərbaycan xalqına qarşı XX əsrdə törədilmiş ən qanlı cinayətlərdən biri olan 20 Yanvar faciəsindən otuz altı il keçir. Düz otuz altı il bundan öncə Dağlıq Qarabağın Ermənistana birləşdirilməsinə qarşı çıxmasına görə Azərbaycanı cəzalandırmaq üçün Kreml Qanlı Yanvar qırğınını törətdi. 1990-cı ilin yanvar ayının 19-dan 20-nə keçən gecə sovet ordusunun xüsusi təyinatlı dəstələri və daxili qoşunların iri kontingenti xüsusi qəddarlıqla müşayiət olunan hücum əməlyyatı keçirərək Bakını işğal etdilər. Keçmiş sovet imperiyasının ermənipərəst rəhbərliyi tərəfindən, siyasi maraqlar naminə Azərbaycan xalqına qarşı törədilmiş bu qanlı cinayət eyni zamanda da xalqımızın öz ləyaqətini qorumaq və müstəqillik arzusunu həyata keçirmək üçün hər cür qurban verməyə hazır olduğunu bütün dünyaya nümayiş etdirdi. Azərbaycanın tarixinə Qanlı Yanvar adı ilə həkk olunmuş 20 Yanvar faciəsi xalqımızın müstəqil dövlət quruculuğu yolunda yeni və həlledici mərhələnin başlanğıc nöqtəsi oldu.

Paylaş:

Baxılıb: 567 dəfə