Azərbaycan–Avropa İttifaqı tərəfdaşlığın yeni mərhələsində

Bakı:

24 °C

88 %

3 m/s

Əlaqə

AZ RU EN

Ana səhifə / YAP xəbərləri / Azərbaycan–Avropa İttifaqı tərəfdaşlığın yeni mərhələsində

Azərbaycan–Avropa İttifaqı tərəfdaşlığın yeni mərhələsində

12.03.2026 [23:26]

Azərbaycan Respublikasının Prezidenti İlham Əliyev Avropa İttifaqı Şurasının Prezidenti Antonio Costanın ölkəmizə səfəri zamanı keçirilən görüşdə mətbuata birgə bəyanatla çıxış edərək tərəfdaşlığın, əməkdaşlığın əsas istiqamətlərini müzakirə ediblər. Ölkəmizin başçısı çıxışında qeyd etmişdir ki, Azərbaycanla Avropa İttifaqı arasında münasibətlər hazırda fəal tərəfdaşlıq mərhələsindədir. Müxtəlif səviyyələrdə aparılan dialoq və qarşılıqlı səfərlər bu əməkdaşlığın dinamik inkişaf etdiyini göstərir. Son illər Avropa Komissiyasının üzvlərinin Azərbaycana dəfələrlə səfər etməsi tərəflər arasında əməkdaşlığın geniş spektrdə yeni istiqamətlər üzrə inkişaf etdiyini təsdiqləyir.

Ölkəmizin başçısı bildirib ki, cari ilin yanvar ayında Azərbaycanın ümumi ticarət dövriyyəsinin təxminən 50 faizi Avropa İttifaqı ilə əlaqəli olub. Bu fakt Avropa İttifaqının Azərbaycanın əsas ticarət tərəfdaşlarından biri olduğunu bir daha göstərir. Qarşılıqlı investisiya imkanlarının genişlənməsi isə gələcəkdə bu göstəricilərin daha da artacağına əsas yaradır.

Bəyanatda Prezident vurğulayıb ki, bu gün Avropa İttifaqının 10 üzvü Azərbaycandan qazı qəbul edir və ölkələrin ümumi sayı 16-ya çatıb. Bu göstəriciyə görə biz dünyada boru kəməri ilə qazı təchiz edən bir nömrəli ölkəyik. On altı ölkə bu gün Azərbaycan qazını alır və beləliklə, bir çox ölkələrin enerji təhlükəsizliyində oynadığımız rol artır. Bizim üçün Avropa bazarı artım potensialına malik ümumi qaz ixracımızın yarısını təşkil edir. Elə bu ayın əvvəlində, biz Cənub Qaz Dəhlizi Məşvərət Şurasının illik toplantısını keçirdik və bu tədbirə Azərbaycan və Avropa Komissiyası ev sahibliyi edir. Orada öz nitqimdə mən auditoriyanı məlumatlandırdım ki, biz bu il qaz hasilatını artırmağı planlaşdırırıq. Biz qazı yeni yataqda hasil etməyə başlayacağıq. Bu gündən etibarən növbəti iki və ya üç il ərzində bizim bugünkü həcmlə müqayisədə minimum 10 milyard kubmetr əlavə qazımız olacaq. Həmçinin Biz külək, günəş və su elektrik enerjisinə böyük sərmayələr yatırırıq. Planımız beş və ya altı il ərzində ixraca hazır olan 6-8 giqavatlıq bərpaolunan enerjiyə malik olmaqdır. Bir sözlə, hazırda biz Avropa tərəfdaşları ilə ötürülmə xətləri, dəniz dibi kabelləri, enerji infrastrukturunun digər fərqli hissələri üzərində çalışırıq. Bbizim burada 300-dən çox günəşli günümüz olur və ola bilsin, küləkli günlər daha çoxdur. Təsəvvür edə bilərsiniz ki, külək və Günəş enerjisinin burada böyük potensialı var. Əlbəttə, biz daha sıx işləməyə çalışırıq, çünki Avropa qitəsinə daxil olmazdan əvvəl, siz bütün tranzit razılaşmaların icrası məqsədilə bir çox ölkələrlə işləməlisiniz.

Ölkə başçısı bəyanatda göstərib ki, Azərbaycan və Ermənistan arasında paraflanmış sülh sazişi regionda yeni imkanlar yaradır. Ermənistanla paraflanmış sülh sazişinə nail olduqdan sonra daşımalar ikitərəfli gündəliyimizin mühüm hissəsidir. Orta Dəhlizin genişlənməsi üçün yeni imkanların açılması, təbii ki, nikbinliyimizi artırır. Cəmi yeddi aydır ki, sülhdə yaşayırıq. Lakin biz bunun faydasını artıq hiss edirik və əminəm ki, Ermənistanla sülh daimi olacaq. Biz, həmçinin ticarətə başlamışıq. Ermənistana mühüm neft məhsullarının təchizatına başlamışıq. Digər ölkələrdən Azərbaycan ərazisi vasitəsilə Ermənistana gedən yüklərin tranzitinə bütün məhdudiyyətləri aradan qaldırmışıq. Bu isə bir daha güclü siyasi iradəmizi göstərir, çünki biz sülhə təkcə iki ölkənin parafladığı sənəd üzərində deyil, həmçinin əyani şəkildə nail oluruq. Bu, həmçinin ona görə vacibdir ki, bəzən sənədlər uzun müddət ərzində elə kağız kimi qalır. Bizə gəldikdə, 2023-cü ilin sentyabrından Ermənistanla son qanlı hərbi toqquşmadan 2025-ci ilin avqustunda sülhə nail olmağımızdan iki ildən az vaxt keçir. Düşünürəm ki, əgər hər iki tərəf siyasi iradəni və sülhə sadiqliyini nümayiş etdirərsə, bu, dövlətlərin və xalqların barışığına dəlalət edən ən yaxşı göstəricidir. Sülhdən yaxşı heç nə ola bilməz. İnanın mənə, müharibə şəraitində yaşamağın və ya müharibə etməyin nə olduğunu bilirik. Ona görə bizim kimi ölkələr, ola bilsin, sülhü hər hansı digər ölkədən daha çox dəyərləndirir. Bir sözlə, gündəliyimiz həqiqətən çox genişdir. Biz, əlbəttə, sərhədlərimizə yaxın bölgədə təhlükəsizlik məsələlərini müzakirə etdik.

İqtisadi əməkdaşlıq, siyasi dialoq, enerji tərəfdaşlığı, qarşılıqlı investisiyalar bu münasibətlərin əsas istiqamətlərini müəyyənləşdirir. Bu qarşılıqlı əməkdaşlıq təkcə iki tərəf üçün deyil, həm də regionun sabitliyi, tərəqqisi, inkişafı baxımından mühüm əhəmiyyət kəsb edir.

Qadir İbrahimov

Yeni Azərbaycan Partiyası Culfa Rayon Təşkilatının sədri

Paylaş:

Baxılıb: 563 dəfə