YAP Gədəbəy rayon təşkilatı Düzrəsullu kənd ƏPT-də maarifləndirici görüş keçirildi

Bakı:

24 °C

55 %

1 m/s

Əlaqə

AZ RU EN

Ana səhifə / YAP xəbərləri / YAP Gədəbəy rayon təşkilatı Düzrəsullu kənd ƏPT-də maarifləndirici görüş keçirildi

YAP Gədəbəy rayon təşkilatı Düzrəsullu kənd ƏPT-də maarifləndirici görüş keçirildi

25.06.2026 [16:41]

YAP Gədəbəy rayon təşkilatının Düzrəsullu kənd ərazi partiya təşkilatında “26 iyun - Silahlı Qüvvələr Günü" ilə əlaqədar maarifləndirici görüş keçirildi.

Görüşdə çıxış edən YAP Gədəbəy rayon təşkilatının sədr müavini Zaur Mehdiyev qeyd etdi ki, “Sizi 26 İyun – Silahlı Qüvvələr Günü münasibətilə səmimi qəlbdən salamlayır, hər birinizi bu əlamətdar bayram münasibətilə təbrik edirəm.

Azərbaycan xalqının tarixində Silahlı Qüvvələr Günü xüsusi əhəmiyyətə malikdir. 1918-ci il iyunun 26-da Azərbaycan Xalq Cümhuriyyətinin qərarı ilə ilk nizami hərbi hissələrin yaradılması milli ordumuzun formalaşmasının əsasını qoymuşdur. Məhz buna görə də hər il 26 iyun ölkəmizdə Silahlı Qüvvələr Günü kimi qeyd olunur və bu tarix müstəqil dövlətçiliyimizin mühüm rəmzlərindən biri hesab edilir.

Ümummilli Lider Heydər Əliyevin hakimiyyətə qayıdışından sonra Azərbaycan Ordusunun quruculuğu sahəsində mühüm addımlar atılmış, nizami ordu formalaşdırılmış, hərbi intizam möhkəmləndirilmiş və ordumuzun döyüş qabiliyyəti əhəmiyyətli dərəcədə artırılmışdır. Ulu Öndərin müəyyən etdiyi hərbi strategiya bu gün də uğurla davam etdirilir.

Müzəffər Ali Baş Komandan, Azərbaycan Respublikasının Prezidenti cənab İlham Əliyevin rəhbərliyi ilə ölkəmizin müdafiə qüvvələri daha da güclənmiş, müasir texnika və silahlarla təchiz olunmuş, peşəkar kadr potensialı formalaşdırılmışdır. Son illər ərzində Azərbaycan Ordusu dünyanın ən güclü orduları sırasında layiqli yer tutmuşdur.

2020-ci ildə baş vermiş 44 günlük Vətən müharibəsi Azərbaycan Ordusunun gücünü, xalqımızın birliyini və dövlətimizin qüdrətini bütün dünyaya nümayiş etdirdi. Şanlı Ordumuz Ali Baş Komandanın rəhbərliyi altında işğal altında olan torpaqlarımızı azad etdi, tarixi ədaləti bərpa etdi və xalqımıza böyük qələbə sevincini yaşatdı. Bu Zəfər Azərbaycan tarixinin ən şərəfli səhifələrindən biridir.

Vətən uğrunda canlarını fəda etmiş şəhidlərimizin əziz xatirəsi daim qəlbimizdə yaşayır. Onların göstərdiyi qəhrəmanlıq gələcək nəsillər üçün vətənpərvərlik nümunəsidir. Qazilərimiz isə döyüş meydanlarında göstərdikləri şücaətlə xalqımızın qürur mənbəyinə çevrilmişlər. Biz onların hər birinə sonsuz ehtiram və minnətdarlığımızı bildiririk.

Bu gün Azərbaycan Ordusu regionun ən güclü hərbi qüvvələrindən biridir. Ordumuzun peşəkarlığı, yüksək döyüş hazırlığı, müasir silah sistemləri və şəxsi heyətin vətənə sədaqəti dövlətimizin təhlükəsizliyinin etibarlı təminatıdır. Güclü ordu güclü dövlət deməkdir və Azərbaycan bu həqiqəti öz inkişafı ilə təsdiq edir.

Gənc nəsil üçün vətənpərvərlik tərbiyəsinin gücləndirilməsi, dövlətçilik dəyərlərinin aşılanması və milli-mənəvi irsimizin qorunması hər birimizin qarşısında duran mühüm vəzifələrdəndir. Azərbaycan gəncləri Vətənə xidmət etməyi ən şərəfli borc hesab etməli, şəhidlərimizin qəhrəmanlıq yolunu daim örnək götürməlidirlər.

26 İyun – Silahlı Qüvvələr Günü münasibətilə bütün hərbi qulluqçularımızı, veteranlarımızı, şəhid ailələrini və qazilərimizi ürəkdən təbrik edir, onlara möhkəm cansağlığı, xoşbəxtlik və yeni uğurlar arzulayıram. Qoy Azərbaycan Ordusu daim güclənsin, dövlətimizin müstəqilliyi və ərazi bütövlüyü əbədi olsun.

Yaşasın müstəqil Azərbaycanın şanlı ordusu!

Paylaş:

Baxılıb: 91 dəfə