“Qanla yazılan tarix unudulmur”

Bakı:

25 °C

44 %

3 m/s

Əlaqə

AZ RU EN

Ana səhifə / YAP xəbərləri / “Qanla yazılan tarix unudulmur”

“Qanla yazılan tarix unudulmur”

27.02.2014 [09:20]

YAP Nərimanov rayon təşkilatı Gənclər Birliyinin Xocalı soyqırımının 22-ci ildönümü ilə bağlı elan etdiyi məqalə müsabiqəsinin nəticələri açıqlanıb
Yeni Azərbaycan Partiyası (YAP) Nərimanov rayon təşkilatı Gənclər Birliyinin Xocalı soyqırımının 22-ci ildönümü ilə bağlı “Qanla yazılan tarix unudulmur” mövzusunda elan etdiyi məqalə müsabiqəsinin nəticələri açıqlanıb. Bununla əlaqədar keçirilən tədbirdə çıxış edən YAP Nərimanov rayon təşkilatının sədri Təmraz Tağıyev Xocalı faciəsinin xalqımıza qarşı törədilən ən qanlı hadisələrdən biri olduğunu bildirib. T.Tağıyev Xocalı faciəsinin beynəlxalq müstəvidə soyqırımı kimi tanıdılması sahəsində əldə edilən uğurlardan söz açaraq, Prezident İlham Əliyevin məqsədyönlü siyasəti nəticəsində bu qətliamın dünyanın bir çox ölkələri, o cümlədən Meksika, Kolumbiya, Pakistan, Avropada ilk olaraq Çex Respublikası, ABŞ-ın bir neçə ştatı tərəfindən soyqırımı və ya insanlığa qarşı cinayət kimi tanındığını qeyd edib.
Xocalı soyqırımının Azərbaycan tarixinə ən dəhşətli və faciəli səhifələrdən biri kimi daxil olduğunu qeyd edən təşkilat sədri Ermənistan tərəfindən ölkəmizə qarşı yürüdülən işğalçılıq və etnik təmizləmə siyasəti, onun ağır nəticələri, 1992-ci il fevralın 25-dən 26-na keçən gecə Xocalıda baş verən hadisələr barədə məlumat verib, soyqırımı zamanı törədilmiş vəhşiliklərin insanlığa sığmayan əməllər olduğunu qeyd edib. T.Tağıyevin sözlərinə görə, belə müsabiqələrin keçirilməsində məqsəd gənc nəsil arasında Xocalı soyqırımı həqiqətlərinə diqqəti daha çox yönəltməkdən ibarətdir.
YAP Nərimanov rayon təşkilatı Gənclər Birliyinin sədri Yusif Babanlı çıxış edərək məqalə müsabiqəsinin iki həftə əvvəl elan olunduğunu xatırladıb. Onun sözlərinə görə, bu müsabiqədə Nərimanov rayonu ərazisində fəaliyyət göstərən ali məktəblərin tələbələri iştirak ediblər. Çıxışlarda Xocalı faciəsi ilə bağlı həqiqətlərin dünya ictimaiyyətinə çatdırılmasında, erməni vəhşiliklərini əks etdirən materialların beynəlxalq təşkilatlar qarşısında nümayiş etdirilməsində, soyqırımının dünya ölkələri tərəfindən tanınmasında Heydər Əliyev Fondunun xidmətləri, Fondun vitse-prezidenti Leyla Əliyevanın təşəbbüsü ilə keçirilən “Xocalıya ədalət!” kampaniyasının əhəmiyyəti xüsusi vurğulanıb.
Qeyd edək ki, “Qanla yazılan tarix unudulmur” məqalə müsabiqəsinin qalibi Odlar Yurdu Universitetinin 3-cü kurs tələbəsi Günay İmanova olub.
N.BAYRAMLI

Paylaş:

Baxılıb: 1179 dəfə