YAP Nərimanov rayon təşkilatının Qadınlar Şurası Ulu öndər Heydər Əliyevin anım günü ilə əlaqədar tədbir keçirib

Bakı:

26 °C

73 %

6 m/s

AZ RU EN

Ana səhifə / YAP xəbərləri / YAP Nərimanov rayon təşkilatının Qadınlar Şurası Ulu öndər Heydər Əliyevin anım günü ilə əlaqədar tədbir keçirib

YAP Nərimanov rayon təşkilatının Qadınlar Şurası Ulu öndər Heydər Əliyevin anım günü ilə əlaqədar tədbir keçirib

12.12.2015 [11:15]

Dünən Yeni Azərbaycan Partiyası (YAP) Nərimanov rayon təşkilatının Qadınlar Şurası Nərimanov rayonu ərazisində yerləşən “Tərəqqi” liseyində Ümummilli lider Heydər Əliyevin anım günü ilə əlaqədar tədbir keçirib. Tədbiri giriş sözü ilə açan YAP Nərimanov rayon təşkilatının Qadınlar Şurasının sədr müavini, “Tərəqqi” liseyinin direktoru Məhbubə Məmmədova bildirib ki, Ümummilli lider Heydər Əliyev xalqımızın və dövlətimizin gələcəyi naminə misilsiz xidmətlər göstərib. Çıxışında Ümummilli liderin əziz xatirəsinin xalqımız tərəfindən daim uca tutulduğunu deyən M.Məmmədova həmçinin Ulu öndər Heydər Əliyevin siyasi kursunu uğurla davam etdirən Prezident İlham Əliyevin praqmatik siyasəti ilə ölkəmizin daha da yüksək inkişaf xətti tutduğunu vurğulayıb.
YAP Nərimanov rayon təşkilatı Qadınlar Şurasının sədri Məhəbbət İbrahimova isə bildirib ki, həm Sovet hakimiyyəti, həm də müstəqillik dövründə Ulu öndər Heydər Əliyev yalnız Azərbaycan xalqının tərəqqisi və inkişafına xidmət edib. O qeyd edib ki, bu gün Heydər Əliyev siyasəti Prezident İlham Əliyev tərəfindən uğurla davam etdirilir: “Bu günümüzün gerçəkliyi budur ki, Azərbaycan dinamik inkişaf yolundadır. Hər bir sahədə tərəqqi müşahidə olunur. Dünyanın ən nüfuzlu mətbuat orqanlarında ölkəmizin iqtisadi və siyasi uğurları geniş şərh olunur. Eyni zamanda, dünya siyasətçiləri bu fikri hər zaman bəyan edirlər ki, ölkəmizdə həyata keçirilən siyasətin alternativi yoxdur”.
M.İbrahimova əlavə edib ki, Yeni Azərbaycan Partiyasının banisi və yaradıcısı, müasir müstəqil Azərbaycan dövlətinin xilaskarı və qurucusu Ulu öndər Heydər Əliyevin adı Azərbaycan xalqının rəmzinə, əməlləri isə hünər timsalına çevrilib.
Nərimanov rayon İcra Hakimiyyəti başçısının müavini İradə Mahmudova ölkəmizin dünəninin, bu gününün və sabahının tarixi şəxsiyyət, Azərbaycanın böyük oğlu, unudulmaz dahi öndərimizin adı ilə qırılmaz və əbədi tellərlə bağlı olduğunu qeyd edib. O bildirib ki, Azərbaycan tarixinin böyük bir dövrü, onilliklər ərzində qazandığı nailiyyətlər Ulu öndərimizin adı ilə bağlıdır.
Təhsil Nazirliyinin nümayəndəsi Hüseyn Mirzəyev də Ulu öndər Heydər Əliyevin xalqımız və dövlətimiz qarşısındakı xidmətlərindən bəhs edib. H.Mirzəyev, eyni zamanda, Ümummilli liderimizin təhsilin, elmin, mədəniyyətimizin inkişafı, Azərbaycan xalqının bir ideya - azərbaycançılıq ideyası ətrafında birləşməsi istiqamətində atdığı addımlardan geniş söhbət açıb.
Tədbirdə digər çıxış edənlər də dahi rəhbər Heydər Əliyevin misilsiz tarixi xidmətlərindən, böyük xilaskarlıq rolundan danışıb, Ümummilli liderin ideyalarının Prezident İlham Əliyev tərəfindən əzmlə həyata keçirildiyini bildiriblər.
Sonda “Tərəqqi” liseyinin şagirdləri ədəbi-bədii kompozisiya təqdim ediblər.
Nardar BAYRAMLI

Paylaş:

Baxılıb: 1429 dəfə