YAP Səbail rayon təşkilatı seçicilərlə görüşləri davam etdirir

Bakı:

13 °C

94 %

8 m/s

Əlaqə

AZ RU EN

Ana səhifə / YAP xəbərləri / YAP Səbail rayon təşkilatı seçicilərlə görüşləri davam etdirir

YAP Səbail rayon təşkilatı seçicilərlə görüşləri davam etdirir

07.04.2018 [10:03]

11 aprel prezident seçkilərində Yeni Azərbaycan Partiyası (YAP) tərəfindən namizədliyi irəli sürülmüş cənab İlham Əliyevin Səbail rayonu üzrə seçki qərargahı təbliğat-təşviqat kampaniyasını uğurla davam etdirir. Növbəti görüş Badamdar qəsəbəsində seçicilərlə keçirilib.
Görüşdə çıxış edən YAP Mərkəzi Seçki Qərargahının Səbail rayon şöbəsinin və partiyanın rayon təşkilatının sədri, Milli Məclisin deputatı Şəmsəddin Hacıyev Prezident İlham Əliyevin rəhbərliyi ilə ölkəmizdə həyata keçirilən sistemli siyasi-iqtisadi islahatlar nəticəsində əldə olunan tarixi nailiyyətlər və möhtəşəm uğurlar haqqında danışıb. Millət vəkili bütün Azərbaycan cəmiyyəti kimi, Səbail rayonu seçicilərinin də ümumxalq məhəbbəti qazanmış cənab İlham Əliyevi dəstəklədiyini deyib.
“Biz daha qüdrətli Azərbaycan və etibarlı gələcəyimiz naminə cənab İlham Əliyevin ətrafında sıx birləşməli və partiyamızın namizədini 11 aprel günü yekdilliklə dəstəkləməliyik”, - deyə Ş.Hacıyev vurğulayıb.
Milli Məclisin Əmək və sosial siyasət komitəsinin sədri Hadi Rəcəbli qeyd edib ki, son 15 ildə Azərbaycan Prezident İlham Əliyevin rəhbərliyi ilə sosial-iqtisadi inkişaf parametrlərinə görə dünyada analoqu olmayan uğurlara imza atıb: “Ölkədə cəmiyyət həyatının bütün sahələri yenilənib və müasirləşib, əhalinin rifah halı müqayisəolunmaz dərəcədə yaxşılaşıb, sabitlik və təhlükəsizlik mühiti tam təmin edilib, respublikanın beynəlxalq nüfuzu artıb”.
“Təbliğat-təşviqat kampaniyası zamanı respublikanın hər yerində seçicilər, cəmiyyətin bütün təbəqələrinin nümayəndələri dövlət başçısı, YAP-ın Sədri İlham Əliyevə böyük rəğbətlərini ifadə edirlər və seçki günü Onun namizədliyini dəstəkləyəcəklərini vurğulayırlar”, - deyə H.Rəcəbli əlavə edib.
Görüşdə çıxış edən “Yeni Azərbaycan” qəzetinin baş redaktoru, Milli Məclisin deputatı Hikmət Babaoğlu Azərbaycanın son 15 il ərzində Prezident İlham Əliyevin rəhbərliyi ilə dinamik inkişaf yolu keçdiyini diqqətə çatdırıb. O bildirib ki, bu müddət ərzində ölkəmizin beynəlxalq mövqeyi möhkəmlənib, ictimai-siyasi sabitliyin qorunması, ikitərəfli və çoxtərəfli münasibətlərin inkişafı istiqamətində mühüm nailiyyətlər əldə edilib: “Azərbaycanın beynəlxalq mövqeyinin möhkəmlənməsi, ordu quruculuğu sahəsində mühüm nailiyyətlərin əldə edilməsi, Ermənistan-Azərbaycan, Dağlıq Qarabağ münaqişəsinin həllində ciddi hərbi-siyasi dönüşə nail olunması və digər mühüm uğurlar məhz Prezident İlham Əliyevin səmərəli və məqsədyönlü fəaliyyətinin nəticəsidir. Bu kimi çoxsaylı uğurlar, əlbəttə ki, 11 aprel seçkilərində Azərbaycan xalqının seçimini müəyyənləşdirəcək və xalq cənab İlham Əliyevi yenidən Prezident seçəcək. Çünki Azərbaycan xalqının mütləq əksəriyyəti Prezident İlham Əliyevin rəhbərliyi ilə həyata keçirilən siyasəti dəstəkləyir”.
Çıxış edən təbliğat qrupunun üzvləri - Azərbaycan Dövlət İqtisad Universitetinin professoru Əvəz Bayramov və YAP Səbail rayon təşkilatının sədr müavini Əhliman Qarayev, həmçinin gənc fəallar Məhərrəm Məhərrəmli və Bəyim Nəbiyeva cənab İlham Əliyevin müstəqil Azərbaycan dövlətçiliyinin möhkəmləndirilməsi və xalqımızın rifahının yüksəldilməsi istiqamətindəki misilsiz xidmətlərindən danışıb və bildiriblər ki, xalqımız aprelin 11-də keçiriləcək prezident seçkilərində cənab İlham Əliyevi dəstəkləyəcək.

Paylaş:

Baxılıb: 779 dəfə