Artan nüfuzun təqdimatı

Bakı:

22 °C

62 %

12 m/s

Əlaqə

AZ RU EN

Ana səhifə / YAP xəbərləri / Artan nüfuzun təqdimatı

Artan nüfuzun təqdimatı

31.05.2023 [16:55]

Prezident İlham Əliyev Ali Avrasiya İqtisadi Şurasının geniş tərkibdə iclasında iştirak etmək üçün Moskvada işgüzar səfərdə oldu. Cənab İlham Əliyevin bu tədbirə qonaq qismində dəvət edilməsi ölkəmizin artan nüfuzunun, möhkəmlənən mövqeyinin nümayişi oldu. Azərbaycanın hər bir sahədə təcrübəsi, təkmil inkişaf modeli əlaqələrin inkişafında əhəmiyyətli rol oynayır.

Dövlət başçısı İlham Əliyev iqtisadiyyatın inkişafında neft-qaz amilinin rolunu daim önə çəkərək, bu sahədə əldə olunan gəlirlərin düzgün idarə olunması sayəsində şaxələndirmənin vacibliyini prioritet məsələ kimi qarşıya qoyur. Məhz bu məqsədə çatmaq üçün atılan uğurlu addımların nəticəsidir ki, Azərbaycan hər bir çətinlikdən uğurla çıxır. Azərbaycanın bugünkü uğurlarına baxış fonunda bu reallığı böyük inam və fəxrlə qeyd edə bilərik ki, Prezident İlham Əliyevin həyata keçirdiyi uğurlu siyasət, imzaladığı biri-birindən əhəmiyyətli Fərman və Sərəncamlar 10-20 il sonrakı Azərbaycanın sosial-iqtisadi, ictimai-siyasi mənzərəsini formalaşdırır. Nəzərə alsaq ki, hazırkı dövr daha çox işğaldan azad edilmiş ərazilərimizdə genişmiqyaslı bərpa-quruculuq işlərinin aparılması ilə xarakterizə edilir, bu halda ölkəmizin iqtisadi və maliyyə imkanları barədə aydın təsəvvür yaratmaq mümkündür. Çünki bu işlərin hamısı sıfırdan Azərbaycanın öz daxili imkanları hesabına həyata keçirilir.

Bu fikir də daim reallığa söykənərək qeyd edilir ki, Azərbaycanın iştirakı olmadan bölgədə hansısa iqtisadi və siyasi layihəni həyata keçirmək mümkün deyil. Azərbaycan yerləşdiyi coğrafi məkana görə ölkələr, xalqlar arasında körpü rolunu oynayır. Reallığa çevirdiyi enerji və nəqliyyat layihələri ilə bu körpünü daha da möhkəmləndirir. Dövlət başçısı İlham Əliyev Ali Avrasiya İqtisadi Şurasının geniş tərkibdə iclasında Azərbaycanın nəqliyyat imkanlarından, tranzit ölkə kimi möhkəmlənən mövqeyindən geniş bəhs etdi. Bildirdi ki, Azərbaycan Şərq-Qərb və Şimal-Cənub nəqliyyat yollarının coğrafi kəsişməsində yerləşir. Ölkəmizin nəqliyyat-logistika infrastrukturu bütün istiqamətlərdə daşımaları həyata keçirməyə imkan verir. Ölkəmiz illik 500 min ton yük dövriyyəsi ilə regionda ən iri hava yük donanmasına malikdir. Azərbaycan iqtisadiyyatı müstəqilliyin demək olar ki, bütün dövrü ərzində dayanıqlılıq və artım nümayiş etdirir. Ölkəmiz tam iqtisadi müstəqilliyə nail olub.

İclas çərçivəsində aparılan müzakirələrdə hazırkı dövrün əsas çağırışları sırasında olan sülh müqaviləsinin imzalanması məsələsi də diqqətdə oldu. Regionda dayanıqlı sülhün, təhlükəsizliyin təmin edilməsi, Ermənistanla münasibətlərin normallaşdırılması üçün sülh müqaviləsinin imzalanması vacibdir. Dövlət başçısı İlham Əliyevin Moskvaya işgüzar səfərinin əsas özəlliyi onunla bağlıdır ki, Rusiya Prezidenti Vladimir Putinin təşəbbüsü ilə Azərbaycan Prezidenti İlham Əliyevin və Ermənistan baş naziri Nikol Paşinyanın görüşü keçirildi. Bu görüş bir daha onu göstərir ki, Ermənistan Azərbaycan münasibətlərinin normallaşadırılması və sülh müqaviləsinin imzalanması prosesində üç tərəf - Moskva, Vaşinqton və Brüssel olduqca böyük fəallıq göstərir. Dövlət başçısı İlham Əliyev Moskva görüşündə bir daha Azərbaycanın prinsipial və qətiyyətli mövqeyini nümayiş etdirdi. Azərbaycan Prezidenti regionda davamlı və dayanıqlı sülhün əldə edilməsi üçün verdiyi hər bir bəyanatı konkret əməli işləri ilə təsdiqləyir.

Anar Nəbiyev

YAP Qazax rayon təşkilatının sədri

Paylaş:

Baxılıb: 480 dəfə