Azərbaycan etibarlı tərəfdaşdır

Bakı:

31 °C

45 %

11 m/s

Əlaqə

AZ RU EN

Ana səhifə / YAP xəbərləri / Azərbaycan etibarlı tərəfdaşdır

Azərbaycan etibarlı tərəfdaşdır

25.07.2023 [13:06]

Şuşa Qlobal Media Forumunun açılış mərasimində çıxış edən Prezident cənab İlham Əliyev ölkəmizin beynəxalq əlaqələri haqqında geniş məlumat verdi. Ölkə başçısı hazırda Azərbaycanın beynəlxalq aləmdə yüksək nüfuz sahibi və etibarlı tərəfdaş olduğunu diqqətə çatdırdı. Hazırda Azərbaycanın Afrika ölkələri ilə də əlaqələri sürətlə inkişaf edir. Bir müddət bundan əvvəl Afrika İttifaqında ölkəmizin səfirliyi açılmışdır. Bununla bərabər, Azərbaycan Qoşulmama Hərəkatı çərçivəsində Afrika ölkələri ilə sıx əlaqədədir. COVID dövründə ölkəmizin göstərdiyi humanitar yardımın bir hissəsi Afrika qitəsinə də istiqamətləndirilmişdir. Beynəlxalq münasibətlər mövzusunda fikir bildirərkən ölkə başçısı qeyd etdi ki, hər bir ölkənin öz gündəliyi, öz xarici siyasəti, öz daxili səbəbləri var. Biz bilirik İkinci Qarabağ savaşı dönəmində bizim yanımızda kim olub, biz bilirik Ermənistanın yanında kim olub, neytral mövqedə kim olub. İndi bu məsələnin yenidən gündəmə gətirilməsi düzgün olmaz. Bizim əsas vəzifəmiz torpaqlarımızı azad etmək idi, buna da nail olduq.

Prezident cənab İlham Əliyev Mərkəzi Asiya ölkələri ilə də əməkdaşlıq münasibətlərin dinamik şəkildə inkişaf etdiyini diqqətə çatdırdı. İkitərəfli əsaslarda, xüsusilə də sərmayələr və ticarət sahələrində çox fəal işlər görülməkdədir. Özbəkistanla birgə İnvestisiya Fondu yaradılıb və həmçinin Qırğızıstanla da belə bir təşəbbüs artıq başlayıb. Ölkə başçısı qeyd etdi ki, Azərbaycanın nəqliyyat infrastrukturu müasirdir və yükdaşıma potensialı çox yüksəkdir. Hazırda Mərkəzi Asiya ölkələri ilə rabitə və nəqliyyat əlaqələrinin qurulması üzərində işlər aparılır. Asiyadan gələn yüklər Xəzər dənizindən keçməklə Azərbaycan, Gürcüstan və Türkiyə vasitəsilə Avropaya çıxmalıdır. Bu yol Mərkəzi Asiya ölkələri üçün ən mühüm nəqliyyat marşrutlarından biri olacaq.

“4-cü Sənaye İnqilabı dövründə Yeni Media” mövzusunda Şuşa Qlobal Media Forumunun açılış mərasimində Prezident cənab İlham Əliyev diqqətə çatdırdı ki, atıq Şuşanın bərpası başlanılıb, bir müddət öncə Baş plan təsdiq edilib və indi artıq ilk yaşayış layihəsi icra olunur. Həmin layihələr çərçivəsində Şuşa sakinləri yenidən evlərinə qayıdacaqlar. Şuşa nadir, misilsiz bir məkandır. Burada tarix, mədəniyyət, memarlıq və iqlim vəhdət təşkil edir. Bu, Azərbaycanın böyük sərvətidir. Bu şəhər qaya üzərində qurulubdur, qədim şəhərdir və bu, həqiqətən də Qafqazın incisidir və Qarabağın tacıdır. 3-4 il ərzində Şuşa təkcə Azərbaycanın və Qafqazın deyil, dünyanın ən gözəl şəhəri olacaq. Şuşanın infrastrukturu inkişaf etdirilir. Ermənilər qaçarkən burada supaylayıcı şəbəkəni dağıtmışdılar. Ona görə də şəhərdə sıfırdan yeni supaylayıcı sistemi qurulub. Baş plan çərçivəsində Şuşa şəhərinin bütün infrastrukturu yenidən qurulub, yeni yollar yaradılıb. Bu ilin sentyabr ayında min şagird yerlik məktəbin açılışı olacaq və 90 çarpayılıq xəstəxana da ilin sonuna qədər hazır olacaqdır.

Prezident cənab İlham Əliyev Şuşa Qlobal Media Forumunun açılış mərasimində Azərbaycan-Ertmənistan münasibətlərinin hazırki vəziyyəti haqqında danışarkən bir sıra ciddi xəbərdarlıqar da etdi. Ölkə başçısı bilrdirdi ki, Ermənistan rəsmi olaraq Azərbaycana qarşı ərazi iddialarından əl çəkməlidir. Həmçinin Ermənistan 10 noyabr 2020-ci il Bəyannaməsinin icrasına tam şəkildə əməl etməlidir. Belə ki, Bəyannamənin digər iki müddəası da yerinə yetirilməli, erməni silahlı qüvvələri Qarabağdan tamamilə çıxarılmalı və Naxçıvana çıxış təmin edilməlidir.

Əlişah Rəcəbov

YAP Ağdaş rayon təşkilatının sədri

Paylaş:

Baxılıb: 689 dəfə