Ölkəmiz üçün tarixi bir gün

Bakı:

19 °C

72 %

4 m/s

Əlaqə

AZ RU EN

Ana səhifə / YAP xəbərləri / Ölkəmiz üçün tarixi bir gün

Ölkəmiz üçün tarixi bir gün

20.10.2023 [13:04]

Məlum olduğu kimi Prezident İlham Əliyevin oktyabrın 15-də Ağdərəyə, Xocalıya və Xankəndiyə səfər etmişdir. Dövlətimzin başçısı Xocalı və Xankəndidə Azərbaycan Bayrağını qaldıraraq xalqına vermiş olduğu sözləri tutduğunu bir daha göstərdi.

Bu səfər cənab İlham Əliyevin prezident seçilməsinin 20-ci ildönümü gününə təsadüf edirdi. 15 oktyabr 2003-cü il təqvimi kimi, 15 oktyabr 2023-cü il təqvimi də ölkəmiz üçün tarixi bir gün oldu.

Prezident cənab İlham Əliyev Xankəndi şəhərinin mərkəzi meydanında Azərbaycan Bayrağı ucaltdıqdan sonra xalqa müraciətində bildirdi ki, 20 il bundan əvvəl Prezident kimi öz vəzifə borcumu yerinə yetirməyə başlayanda qarşıma bir nömrəli vəzifə qoymuşdum ki, Azərbaycan Bayrağı o vaxt işğal altında olan bütün ərazilərdə, bütün torpaqlarda, bütün şəhər və kəndlərdə qaldırılsın. Hər gün, hər saat biz bu müqəddəs məqsədə doğru gedirdik. Hər gün biz bu müqəddəs anı yaxınlaşdırırdıq və dəfələrlə deyirdim ki, hər birimiz, hərə öz yerində öz işi ilə bu günü yaxınlaşdırmalıdır.

“Biz istədiyimizə nail olduq. Biz torpaqlarımızı geri qaytarmışıq, ərazi bütövlüyümüzü bərpa etmişik.” - deyən dövlətimizin başçısı Azərbaycan xalqının onilliklər ərzində olan arzularının çin, ləyaqətinin bərpa olunduğunu vurğuladı.

Prezidentimiz cənab İlham Əliyev böyük sevinc və qürur hissi ilə qeyd etdi: “Əziz həmvətənlər, bu meydanda bu gün durmaq böyük xoşbəxtlikdir, böyük fərəhdir, qürur mənbəyidir. Mən qürur hissi ilə Azərbaycan Bayrağını bu gün qaldırmışam və doğma xalqıma bir daha demək istəyirəm ki, biz bu Qələbəyə layiqik. Azərbaycan xalqı bu Qələbəni öz qanı, canı bahasına əldə etmişdir. Bu gün burada qaldırdığım bayraq burada əbədi dalğalanacaq və biz burada əbədi yaşayacağıq.”

15 oktyabr günü müasir tariximizin zirvə nöqtəsidir, desək əlbəttə ki yanılmarıq. 15 oktyabr 2003-cü ildə qədirbilən Azərbaycan xalqı cənab İlham Əliyev Prezident seçməklə ölkəmizin inkşafında, tərəqqisində yeni səhifə açdısa, tarixi Zəfərə gedən yolda böyük bir addım atdısa, 15 oktyabr 2023-cü ildə ölkə başçısı Xankəndidə Azərbaycan bayrağını ucaltması ilə dövlətimizin bütövlüyünü tam şəkildə dünyaya təsdiq etmiş oldu.

Azərbaycanın Dövlət Bayrağının Xankəndidə dalğalandırılması ilə xalqımızın son 30 illik arzusu reallaşdı. 2003-cü ildə məsuliyyətli, şərəfli və olduqca ağır vəzifəni öz çiyninə götürən Prezident cənab İlham Əliyev xalqına vəd etmişdir ki, bu tarixi gün gələcək.Məhz 15 oktyabr günündə Dövlət başçımız vədinə sadiq qalaraq bayrağımızı tarixi torpaqlarımızda yüksəltdi. Bu həm də Ümummilli liderin ən böyük arzusunun reallaşması deməkdir.

Cənab Prezident çıxışında AXC-Müsavat antimilli cütlüyünün xəyanətkar və satqın fəaliyyətinə toxunaraq, məhz onların xainliyi üzündən ərazilərimizin işğal altına düşdüyünü, sonra da qorxaqcasına öz vəzifələrini guya donduraraq kənara çəkildiklərini xatırlatdı. Ölkə başçıcı həmicinin bildirdi ki, yenə Heydər Əliyevin dühası, onun siması, Heydər Əliyev amili Azərbaycan xalqının yardımına yetişdi və biz haqlı olaraq Ulu Öndəri Xilaskar adlandırırıq.

Dövlətimizin başçısı çıxışında xatırlatdı ki, bu il “Heydər Əliyev İli”dir. Biz Heydər Əliyevin 100 illiyini il boyunca, onun siyasətinə, onun tarixi irsinə hörmət göstərərək, onun siyasətini davam etdirərək qeyd edirik. Cənab Prezident çıxışında Ulu öndərin ölkəmiz, xalqımız qarşındakı misilsiz xidmətlərində, fədakarlığından bəhs edib.

Xankəndidə, eləcə də Xocalı və Xocavənddə Azərbaycan Bayrağının ucaldılması hər bir şəxsdə qürur və sevinc hissləri yaratdı.

Əminliklə demək olar ki, bu gün Ümummilli lideimiz Heydər Əliyevin və şəhidlərimizin ruhu şaddır.

Sahib Şükürov

Yeni Azərbaycan Partiyası Göyçay rayon təşkilatının sədri

Paylaş:

Baxılıb: 417 dəfə