Ölkəmizdə neft inkişafa çevrilib

Bakı:

25 °C

59 %

4 m/s

Əlaqə

AZ RU EN

Ana səhifə / YAP xəbərləri / Ölkəmizdə neft inkişafa çevrilib

Ölkəmizdə neft inkişafa çevrilib

06.03.2024 [11:07]

Cənub Qaz Dəhlizi Məşvərət Şurası çərçivəsində nazirlərin 10-cu və Yaşıl Enerji Məşvərət Şurası çərçivəsində nazirlərin 2-ci iclasları zamanı “Euronews” televiziyasına verdiyi müsahibəsində Prezident İlham Əliyev çox mühüm bir məqama diqqət çəkib. Ölkə başçısı qeyd edib ki, Azərbaycan neft və qaz ehtiyatları olan bir çox ölkənin üzləşdiyi “neft lənətinə” düçar olmamağı bacarıb. Neft və qaza malik ölkələr günahlandırılmamalıdır, qazıntı yanacağına sahib olmaq onların günahı deyil. Görülən işə gəlirlərdən insanların ehtiyaclarını təmin etmək və yaşıl enerji gündəliyinə təkan vermək üçün necə istifadəyə görə qiymət verilməlidir. Ölkəmizdə neft inkişafa çevrilib, sərvətin ədalətli paylanmasını təmin edilib. Nəticədə isə, son 20 ildə Azərbaycanda yoxsulluğun səviyyəsini 50 faizdən 5 faizə enib.

“Euronews” televiziyasına Azərbaycanın uğurlu enerji siyasətindən bəhs edən Prezident İlham Əliyev bildirdib ki, Cənub Qaz Dəhlizi layihəsi ilə əlaqədar çoxlu müxtəlif ideyalar var idi. Nikbin düşünənlər də, bədbin düşünənlər də var idi. Həmçinin elələri də var idi ki, düşünürdülər, Azərbaycan bunu həyata keçirə bilməyəcək. Layihəni reallaşdırmaq üçün geniş beynəlxalq əməkdaşlığa ehtiyac var idi. Ona görə də bizə öz maliyyə imkanları ilə dəstək göstərmələri üçün aparıcı beynəlxalq maliyyə institutlarını dəvət edərək, ölkələr arasında, şirkətlər arasında bu əməkdaşlığı qurmağa başladıq. Uzunluğu 3500 kilometr olan kəmər artıq arzu deyil, reallıqdır. Layihə getdikcə daha çox ölkələri əhatə edir. Çünki Azərbaycanın təbii qazını yeni təyinat nöqtələrinə nəql etməyə imkan verən yeni interkonnektorlar var. Bu layihə həqiqətən də enerji təchizatının, enerji təhlükəsizliyi ilə bağlı məsələlərin coğrafiyasını tamamilə dəyişir. On il bundan əvvəl başladılan təşəbbüsün yaxşı nəticələrini görəndə, əlbəttə ki, insan özünü hər zaman xoşbəxt hiss edir. Ölkə başçısı həmçinin Azərbaycanın bərpaolunan enerji layihələri gündəliyinin çox iddialı olduğuna da diqqət çəkib. Beynəlxalq Maliyyə Korporasiyasının hesablamalarına əsasən, Xəzər dənizinin Azərbaycan sektorunda potensial 157 giqavat təşkil edir. Ölkəmiz artıq mühüm yolu qət etməyə başlayıb. Ola bilsin ki, 10 ilə ölkədə bərpaolunan enerjidən maksimum dərəcədə istifadə etmək və daxili bazarda təbii qaz istehlakını azaltmaq planlaşdırılsın.

Cənub Qaz Dəhlizi Məşvərət Şurası çərçivəsində nazirlərin 10-cu və Yaşıl Enerji Məşvərət Şurası çərçivəsində nazirlərin 2-ci iclasları zamanı “Euronews” televiziyasına verdiyi müsahibəsində Prezident İlham Əliyev onu da vurğulayıb ki, COP29 Azərbaycanın ümumi yaşıl enerji gündəliyinin və məsuliyyət hissinin bir hissəsini təşkil edir. Çünki qazıntı yanacağı ilə zəngin ölkələr yaşıl enerjiyə keçiddə ön sıralarda olmalıdır. Ölkəmiz bunu ənənəvi ehtiyatları çatışmadığına görə etmir, ona görə edir ki, neft-qaz satışından əldə edilən maliyyədən, gəlirlərdən bərpaolunan enerjiyə sərmayə yatırmaq üçün istifadə etməklə töhfə versin və buna ehtiyacın olduğuna dair ümumi bir anlayış yaransın. Hazırda iqlim dəyişikliyinin fəsadları, bəzən də təhlükəli fəsadları görünür. Çaylarda su, dağlarda qar azalır, Xəzər dənizində suyun səviyyəsi enir. Əgər enerji və əzmlə bu məsələ ilə məşğul olunmazsa, hər kəs bundan əziyyət çəkəcək.

Əlişah Rəcəbov

YAP Ağdaş rayon təşkilatının sədri

Paylaş:

Baxılıb: 622 dəfə