Dostluğu, qardaşlığı şərtləndirən görüş

Bakı:

28 °C

65 %

2 m/s

Əlaqə

AZ RU EN

Ana səhifə / YAP xəbərləri / Dostluğu, qardaşlığı şərtləndirən görüş

Dostluğu, qardaşlığı şərtləndirən görüş

18.03.2024 [17:42]

Gürcüstan və Azərbaycan iki müstəqil, qonşu dövlət kimi daim bir-birinin yanında olub, bu iki xalqın dostluğu, qardaşlığı dərin tarixi köklərə malikdir. Əsrlər boyu bu xalqlar dostluq və mehriban qonşuluq şəraitində yaşamış, dövlətlərarası münasibətlər möhkəm zəmin üzərində qurulmuşdur. Qeyd etmək lazımdır ki, Azərbaycan - Gürcüstan münasibətləri hər iki ölkə üçün daim böyük strateji əhəmiyyət daşıyıb. Bu münasibətlər hər iki xalqın milli maraqlarını şərtləndirir. Dövlətlərimiz arasında olan strateji əhəmiyyətli siyasi münasibətlər həm də çoxsaylı iqtisadi layihələrlə dəstəklənir. Bundan başqa mədəni, humanitar sahədə də iki ölkə arasında çox sıx münasibətlər mövcuddur. İki qonşu ölkə istər beynəlxalq təşkilatlarda, istərsə də regional təşkilatlarda daima bir-birilərini dəstəkləyir, hazırda ikitərəfli və üçtərəfli diplomatik formatda yeni regional əməkdaşlıq platforması yaratmağa da nail olublar. Təsadüfi deyil ki, son günlərdə Azərbaycanın öz ərazi bütövlüyünü bərpa etmək istiqamətində atdığı addımları ilk dəstəkləyən dövlətlərdən biri də Gürcüstan oldu. Qonşu ölkə qətiyyət nümayiş etdirərək işğalçı Ermənistana silah daşıyan dövlətlərə hava və quru nəqliyyat koridorunu bağladı. Bəli, bu əsl dost və qonşu mövqeyidir. Ona görə də iki qonşu ölkə arasında münasibətlər bundan sonra da bütün sahələr üzrə inkişaf edəcək və hər iki xalqın maraqlarının təmin olunması üçün daha yaxşı perspektivlər yaradacaqdır.

Möhtərəm Prezidentimiz İlham Əliyev cari ilin 16 mart tarixində Gürcüstanın yeni Baş naziri İrakli Kobaxidzenin Azərbaycana rəsmi səfəri ilə əlaqədar mətbuata verdiyi bəyanatında da bir çox vacib məqamlara toxunaraq qeyd etdi ki, bu gün hər iki ölkə birgə səylərlə nəinki öz iqtisadi inkişafını təmin edir, eyni zamanda, bölgə üçün və böyük mənada Avrasiya üçün də önəmli ölkələrə çevrilib. Birgə həyata keçirdiyimiz infrastruktur layihələri - nəqliyyat, enerji layihələri bir çox ölkələr üçün böyük əhəmiyyət kəsb edir və bundan sonra da bu istiqamətdə əlavə addımlar atılacaq. Bakı-Tbilisi-Qars dəmir yolunun bir-iki aydan sonra artıq genişləndirilmiş formada fəaliyyətə başlaması böyük nailiyyətlərdən biridir. Bir-iki aya Bakı-Tbilisi-Qars dəmir yolunun ötürmə qabiliyyəti 1 milyon tondan 5 milyon tona çatdırılacaq və eyni zamanda, bu dəmir yolunun fəaliyyəti bir çox ölkələr üçün də cəlbedici olacaqdır.

Dövlət Başçımız daha sonra bildirdi ki, Azərbaycan qazını alan ölkələrin sayı 8-ə çatıb və bu, son deyil. Yaxın gələcəkdə bu ölkələrin sayı artacaq və Azərbaycanın enerji resurslarına olan tələbatları ildən-ilə artır və artacaq. Bizim həm resurslarımız var, sərmayə qoymaq üçün maliyyə imkanlarımız var, Gürcüstan kimi etibarlı dostlarımız var ki, tranzit imkanları genişdir. Belə olan halda bizim enerji layihələrimiz bundan sonra da bir çox ölkələrin enerji təhlükəsizliyini təmin edəcək və burada Gürcüstan ilə Azərbaycan iki etibarlı tərəfdaş kimi çıxış edir.

Möhtərəm Prezidentimiz əminliklə söylədi ki, Bakı-Tbilisi-Ceyhan, Bakı-Tbilisi-Ərzurum, Cənub Qaz Dəhlizi, Bakı-Tbilisi-Qars kimi uğur gətirən layihələr yaşıl enerji layihəsi üçün örnək olacaq və yaşıl enerji layihəsi eyni müvəffəqiyyətlə icra ediləcəkdir. Buna böyük tələbat var. Həm Gürcüstanın, həm Azərbaycanın çox böyük bərpaolunan enerji potensialı var və biz hazırda texniki-iqtisadi əsaslandırma üzərində çalışırıq. İlin sonuna qədər bu iş başa çatacaq və ondan sonra praktiki addımlar atılacaqdır. Dost, qonşu və qardaş ölkənin rəhbərinin səfəri böyük əhəmiyyət daşıyır. Bizim şəxsi tanışlığımız dostluğa çevriləcək, çünki xalqlarımız dost xalqlardır. İki qardaş ölkə bundan sonra da əl-ələ verərək, çiyin-çiyinə irəliyə gedəcək və qarşıda duran bütün vəzifələri birlikdə həll edəcəkdir.

Sevda Həsənova

YAP Qazax rayon təşkilatı ərazi pariya təşkilatının sədri

Paylaş:

Baxılıb: 703 dəfə