Yeni Azərbaycan Partiyası (YAP) Nərimanov rayon təşkilatının “K.Rəhimov küçəsi 29” ünvanı üzrə Ərazi Partiya Təşkilatında Prezident, Partiyanın sədri cənab İlham Əliyevin VIII Qurultayda səsləndirdiyi fikirlər və müəyyən etdiyi fəaliyyət istiqamətləri ətrafında partiya üzvləri ilə növbəti görüş keçirilib.

Görüşdə ölkəmizin inkişaf strategiyasının əsas hədəfləri, milli maraqların qorunması, dövlətçilik ideyalarının təbliği və cəmiyyətin qarşısında duran aktual vəzifələr barədə fikir mübadiləsi aparılıb. Qeyd edilib ki, Azərbaycanın qazandığı uğurların geniş ictimaiyyətə çatdırılması, vətəndaşlarla əlaqələrin möhkəmləndirilməsi və gənclərin ictimai-siyasi proseslərə cəlb olunması partiya fəaliyyətində mühüm yer tutur.

Həmçinin vurğulanıb ki, informasiya mühitində obyektivliyin qorunması, milli dəyərlərə bağlılığın gücləndirilməsi və dövlət siyasətinin mahiyyətinin düzgün izah edilməsi hər bir partiya üzvünün diqqət yetirməli olduğu məsələlərdəndir.