Heydər Əliyev
yeni azerbaycan logo

Ana səhifə / Xəbər lenti / 13 iclas, 61 qanun...

13 iclas, 61 qanun...

01.06.2024 [10:50]

Yaz sessiyasını yekunlaşdıran Milli Məclisin növbədənkənar sessiyası keçiriləcək

Mayın 31-də Milli Məclisin yaz sessiyasının sonuncu iclası keçirilib. İclasda doqquz məsələ müzakirə olunub. Bu məsələlər sırasına  “Azərbaycan Respublikasının 2023-cü il dövlət büdcəsinin icrası haqqında” qanun layihəsi (birinci oxunuş), “Əmək pensiyaları haqqında” qanunda dəyişiklik edilməsi (ikinci oxunuş), “Vergitutma bazasının aşınması və mənfəətin köçürülməsinin qarşısının alınması məqsədilə Vergi Sazişi üzrə tədbirlərin həyata keçirilməsinə dair Çoxtərəfli Konvensiya”nın təsdiq edilməsi, “Dövlət qulluğu haqqında” qanunda dəyişiklik edilməsi daxildir.

Bundan əlavə yaz sessiyasının son iclasında “Azərbaycan Respublikasının Dövlət Qulluğunu İdarəetmə Şurası haqqında Əsasnamə”də, İnzibati Xətalar Məcəlləsində, “Dərman vasitələri haqqında” və “Reklam haqqında”, “Sağlamlıq imkanları məhdud şəxslərin təhsili (xüsusi təhsil) haqqında” qanunlarda, eləcə də “Elektroenergetika haqqında” qanunun icrası ilə əlaqədar bəzi qanunlarda dəyişiklik edilməsi məsələlərinə baxılıb. Müzakirələrdən sonra bütün qanun layihələri qəbul olunub.

Milli Məclisin sədri Sahibə Qafarova bildirib ki, 2024-cü ilin yaz sessiyasında 13 iclas keçirilib, 61 qanun qəbul edilib. Onun sözlərinə görə, sessiya müddətində 2 yeni qanun qəbul edilib, 50 qanuna dəyişiklik edilib, 9 beynəlxalq müqavilə təsdiqlənib.

Spiker iyun ayında Milli Məclisin növbədənkənar sessiyasının keçiriləcəyini də diqqətə çatdırıb. Onun sözlərinə görə, qanunvericiliyə uyğun olaraq 80 deputat növbədənkənar sessiyanın keçirilməsi üçün müraciət edib və bu müraciət qəbul olunub.

N.BAYRAMLI 

Paylaş:
Baxılıb: 155 dəfə

Xəbər lenti

Hamısına bax

Xəbər lenti

Xəbər lenti

Xəbər lenti

Sosial

İqtisadiyyat

Xəbər lenti

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30