Seçkilərdə həlledici sözü boykot taktikası yox, müdrik xalqımız deyəcək

Bakı:

28 °C

54 %

10 m/s

Əlaqə

AZ RU EN

Ana səhifə / Xəbər lenti / Seçkilərdə həlledici sözü boykot taktikası yox, müdrik xalqımız deyəcək

Seçkilərdə həlledici sözü boykot taktikası yox, müdrik xalqımız deyəcək

23.12.2023 [11:13]

Azərbaycan xalqı ona qələbə sevinci bəxş edən Müzəffər Ali Baş Komandan İlham Əliyevə səs verəcək

Radikal müxalifət partiyaları 2024-cü il fevralın 7-də Azərbaycanda keçiriləcək növbədənkənar prezident seçkisində iştirakdan imtina ediblər. Ölkəmizin bütün ərazilərini əhatə edəcək və şərti olaraq Zəfər Seçkisi adlandırılan prezidentlik uğurunda mübarizəyə qoşulmayan siyasi qüvvələr bununla bir daha antimilli mahiyyətlərini təsdiq etmiş oldular. Müxalifətin çoxillik siyasi oyunbazlığı yenə də davam edir və çıxış yolunu boykotda görürlər. Onlar Azərbaycanın ərazi bütövlüyünü təmin etmiş, 30 illik işğala son qoymuş, üçrəngli bayrağımızı Xankəndidə ucaldaraq cəmiyyətin birmənalı dəstəyini qazanmış İlham Əliyev kimi güclü siyasi rəqibə qalib gəlməyin mümkünsüzlüyünü yaxşı anlayırlar. Qarşıdakı seçki prosesinin demokratikliyinə kölgə salmağı özləri üçün ən optimal yol hesab edirlər. Əslində, bu Azərbaycanın erməni separatizminə son qoymasını həzm etməyən, qəbullanmayan Fransa kimi bəzi qlobal güclərin, Avropa İttifaqı kimi ermənipərəst siyasi mərkəzlərin dəyirmanına su tökməkdir. Lakin dövlətimizin sanksiyalara məruz qalacağı faktı radikal müxalifəti və onun liderlərini əsla narahat eləmir. Birincisi, destruktiv müxalifətin sağlam rəqabətin əvəzinə təxribatları seçməsi və seçkiləri qərəzli şəkildə boykot etməsi onların xarici qüvvələrə xidmət etmələrinin təzahürüdür. Seçkiləri boykot etmək açıq-aşkar siyasi təxribatdır və bu təxribatı onlara hazırda Azərbaycana qarşı çirkin qaralama kampaniyası aparan, ölkəmizin ərazi bütövlüyünün və suverenliyinin bərpa edilməsini qəbul etmək istəməyən və Azərbaycanı sanksiyalar vasitəsilə beynəlxalq təcrid vəziyyətinə salmaq istəyən bəlli xarici güclər tapşırıb.

Prezident cənab İlham Əliyevin adı Azərbaycanın son 200 illik tarixinə qalib sərkərdə, işğal edilmiş torpaqları azad edib bütöv Azərbaycan yaradan dövlət başçısı kimi yazıldı. Ölkə başçımız 30 il işğal altında qalan torpaqlarımızı 2020-ci ildə 44 günə azad etdi, 2023-cü ildə isə ölkəmizin ərazi bütövlüyünü və suverenliyini bərpa etdi. Bu qələbə regionda sülhün, əmin-amanlığın bərqərar olmasına xidmət etməklə yanaşı bölgədə, eləcə də ölkəmizdə yeni reallıqlar yaratdı. 7 fevral 2024-cü il tarixdə ölkəmizdə keçiriləcək növbədənkənar Prezident seçkiləri tarixdə Zəfər seçkiləri kimi qalacaq. 2003-cü ildə ilk dəfə Prezident seçilən cənab

İlham Əliyev xalqımıza torpaqlarımızı işğaldan azad edib, ölkəmizin ərazi bütövlüyü və suverenliyini bərpa edəcəyi barədə vəd vermişdir. Prezidentimiz xalqa verdiyi sözə, vədə əməl etdi. Bu gün müqəddəs Azərbaycan bayrağı Xankəndində, Şuşada, Xocalıda, eləcə də ölkəmizin bütün rayonlarında qürurla dalğalanır.

Bu günlərdə xalqımız daha bir tarixi hadisəyə şahidlik etdi. Xankəndi stadionunda futbol üzrə Azərbaycan Kubokunun 1/8 final mərhələsində Ağdamın “Qarabağ” və Bakının MOİK komandaları qarşılaşdl. Azərbaycan Respublikasının Prezidenti İlham Əliyev və birinci xanım Mehriban Əliyeva oyuna baxmaq üçün stadiona gəliblər. Stadiona daxil olan dövlətimizin başçısı futbolçularla və oyunu idarə edən hakimlərlə görüşüb, topa rəmzi toxunuşundan sonra “Qarabağ”-MOİK görüşü baş tutub. Rəmzi mənada ifadə etsək, oyunda Qarabağ komandasının virduğu qol, zamanında Ermənistanın qapısına vurulan “siyasi qol” kimi də dədəyərləndirilə bilər.

Diqqət çəkən ən önəmli məqamlardan biri də Prezident İlham Əliyevin oyunu şəhid övladları ilə eyni bir kürsüdən izləməsi olub.

Bütün bu gerçəkliklər onu deməyə əsas verir ki, ölkəmizin düşmənləri Prezident İlham Əliyevin tarixi uğurlarının və Ordumuzun şanlı Zəfərinin nəticələrini sosial-iqtisadi böhranlarla əvəz etməyi planlaşdırırlar və bunu radikal müxalifətin əli ilə həyata keçirməyə çalışırlar. Şübhəsiz ki, onların bu hiylələri, təxribatları uğursuzluğa məhkumdur.

Azərbaycanın tarixi qələbələrinin sonrakı taleyini müəyyən edəcək bu seçkilərdə həlledici sözü boykot taktikası yox, müdrik xalqımız deyəcək, ona Qələbə sevincini yaşadan Ali Baş Komandanına, təcrübəli siyasi Liderinə - İlham

Əliyevə səs verəcək. Fevralın 7-si ən yeni siyasi tariximizə radikal müxalifətin siyasi iflas günü kimi həkk olunacaq.

Təhmasib Rüstəmov,

YAP Qubadlı Rayon Təşkilatının sədri

Paylaş:

Baxılıb: 671 dəfə